ROMA 11:11 - KITTA' MATANGKASA'

¹¹ Erokka' pole akkuta'nang: Ri wattunna tu'guru' tu Yahudia, maka lanri nikellaina panra' ke'nanga natu'guru'? Tena sikalia! Mingka lanri dorakana ke'nanga, ba'lalo nanipasalama'mo bansa maraenga, sa'genna a'jari akkimburumo bansa Yahudia mae ri anjo bansa maraenga.

ROMA 11:11 ပူးပေါင်းရင်းမြစ်များ

YEHEZKIEL 18:23

Apaka nupikkiriki angkana iNakke, Batara Kaminang Tinggia sannangA' punna matei tau ja'dalaka? Tena sikali-kalia! Kukellai nanabokoi dosa-dosana sollanna akkulle tuli attallasa'.

YEHEZKIEL 18:32

Tena kusannang punna nia' tau mate. Bokoimi dosa-dosanu sollannu tuli attallasa'. INakke Batara Kaminang Tinggia, anne akkana.”

YEHEZKIEL 33:11

Paui mae ri ke'nanga angkanaya lanri iNakke, Allata'ala mattallasaka, Batara Kaminang Tinggia, tena naKusannang punna mate tau ja'dalaka; kabalekanna Kukellai nabokoi ke'nanga dosa-dosana sollanna tuli attallasa'. He bansa Israel, ammari mako a'gau' ja'dala'! Angngapa nuero' mate?

LUKAS 20:16

Tantu labattui nanabuno ngaseng anjo pajamaya, nampa napappitesangang anjo kokonna mae ri pajama maraenga.” Nalangngere'na akkana kamma Isa, nakanamo ke'nanga ri Isa, “Tapporo tena sikali nakamma!”

LAMPA-LAMPANA 13:42

Ri wattunna lanabokoimo Paulus siagang Barnabas anjo balla' sambayanga, napala'mi taua sollanna battu pole ke'nanga punna allo Pammari-mariang poleang, nanapakasingara' baji' anjo passalaka.

LAMPA-LAMPANA 18:6

Mingka lanri tuli nigeakkinna siagang tuli nicallana Paulus ri taua, napatu'du'mi bangkenna siagang napaba'basa'mi pakeanna sollanna a'lesang limbu'bu'na; iaminjo a'jari pammatei siagang pappakainga' ri kasalanna ngaseng ke'nanga. Nakanamo Paulus, “Punna cilakako, passala' kasalannu ngaseng tonji! Pantarang limangkuko! Pakkaramula ri kamma-kammaya anne la'lampa mangema' ri bansa-bansa maraenga.”

ROMA 10:19

Erokka' akkuta'nang pole: Maka tanaassengapi bansa Israelka anjo birittaya? Boli'mi kamma na Musa rolong ampiali anne pakkuta'nanga. Nakana Musa, “Kammaminne kananNa Allata'ala, ‘LaKupa'jari akkimburuko mae ri se'rea bansa tenaya naUmma'Na Allata'ala siagang laKupa'jari larroko mae ri se'rea bansa dongo'.’ ”

ROMA 11:1

Erokka' akkuta'nang: Maka Napela'mi Allata'ala umma' KalenNa? Tantu tena! Inakke kalengku bansa Israelka', sossoranna Abraham, siagang battu ri suku Benyamin.

ROMA 11:12

Lanri salana siagang tenana manannuruki bansa Yahudia mae ri ero'Na Allata'ala, nanibarakkakimo bansa-bansa maraenga ri Allata'ala. Jari la'biangampa pole punna a'jari baji'mo ammotere' passisambunganna bansa Yahudia siagang Allata'ala; tantu lala'bi lompoangangi pole barakka' laNapassareanga Allata'ala!

ROMA 11:14

Kuminasai nakuakkulle ampa'jari akkimburu bansaku mae ri bansa maraenga, sollanna akkulle a'jari saba' nakuakkulle ampasalamaki sipa'rua ke'nanga.

ROMA 11:31

Kamma tomminjo mae ri anjo tu Yahudia. Kamma-kamma anne tamannurukiai ke'nanga mae ri Allata'ala, sollanna nipa'nyata angkanaya nipakabella mako battu ri kasalanga. Mingka anjo ke'nanga lanipakabella tongi sallang battu ri kasalanga.