ROMA 11:1 - KITTA' MATANGKASA'

¹ Erokka' akkuta'nang: Maka Napela'mi Allata'ala umma' KalenNa? Tantu tena! Inakke kalengku bansa Israelka', sossoranna Abraham, siagang battu ri suku Benyamin.

ROMA 11:1 ပူးပေါင်းရင်းမြစ်များ

2 KARAENG-KARAENG 23:27

Nakana Batara, “Apa le'baka Kugaukang mae ri tu Israel, laKugaukang tongi mae ri tu Yehuda. LaKupelaki tu Yehuda battu ri pa'rasangang le'baka Kupassareang mae ri ke'nanga. LaKutollaki Yerusalem, iamintu kotaKu le'baka Kupilei, kammayatompa anne BallakKu, le'baka Kupau angkanaya la'jari tampa' panynyombangi mae ri KalengKu.”

PAMMUJI 77:7

Ri wattunna bangngi kunawa-nawai, siagang akkuta'nang lalang pa'mai', angkana,

PAMMUJI 94:14

Saba' talaNabokoiyai Batara umma'Na; talaNabawang-bawangngangiai pisaka Napatanga.

HOSEA 9:17

Anjo Allata'ala kulayania laNatollaki umma'Na, lanri teai ke'nanga mappilangngeri ri Ia. La'lampai ke'nanga mange-mange ri alla'na bansa-bansaya.

LUKAS 20:16

Tantu labattui nanabuno ngaseng anjo pajamaya, nampa napappitesangang anjo kokonna mae ri pajama maraenga.” Nalangngere'na akkana kamma Isa, nakanamo ke'nanga ri Isa, “Tapporo tena sikali nakamma!”

LAMPA-LAMPANA 22:3

“Inakke tu Yahudia'. Anjorenga' ri kota Tarsus, ri pa'rasangang Kilikia nilassukang. Mingka anrinnia' ri Yerusalem nipakalompo. Siagang anrinnia' niajara' baji' ri guru lompoa Gamaliel ri passala' atorang-atorang le'baka napassareang Musa ri boe-boeta. Sangkamma ikau ngaseng niaka anne alloa anrinni, sanna' todong rajengku anynyomba mae ri Allata'ala.

LAMPA-LAMPANA 26:4

Naasseng ngasengi sikamma tu Yahudia angkana antekamma katallassangku appakkaramula ri wattungku rungka. Naassengi ke'nanga angkanaya appakkaramula ri wattungku a'jari tau rungka, nia'ma' ri tangnga-tangngana bansaku ri Yerusalem.

ROMA 11:11

Erokka' pole akkuta'nang: Ri wattunna tu'guru' tu Yahudia, maka lanri nikellaina panra' ke'nanga natu'guru'? Tena sikalia! Mingka lanri dorakana ke'nanga, ba'lalo nanipasalama'mo bansa maraenga, sa'genna a'jari akkimburumo bansa Yahudia mae ri anjo bansa maraenga.

ROMA 3:4

Mattantu tena! Nasaba' ma'nassami angkanaya tuli annabai Allata'ala, manna pole a'jari paballe-balle ngasemmi rupataua. Sangkamma niaka lalang ri Kittaka tattulisi' angkanaya, “Poro a'butti laloi katojengannu ilalang ri kana nupabattua, nummeta punna narapi' wattunnu niadeli.”

ROMA 9:3

passabakkang julu bansaku. Nasaba' untu' ike'nammi nakurella todong anggappa pangngalarroi battu ri Allata'ala siagang nisa'la' battu ri Isa Almasi.

2 KORINTUS 11:22

Maka tu Ibrani anjo ke'nanga? Inakke tu Ibrani tonja'. Tu Israel ke'nanga? Inakke tu Israel tonja'. Turungannai Abraham ke'nanga? Inakke pole kamma tonja'!

FILIPI 3:5

Inakke, sagantuju allo umurukku nanisunnaka', salaku tu Israel, battu ri suku bansa Benyamin. Inakke Ibrani totoka'. Ri passala' mannurukia mae ri hukkung agama Yahudia, inakke anne anggotana' golongang Farisia.

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.