ROMA 10:8 - KITTA' MATANGKASA'

⁸ Battuanna kammaminne, “Anjo biritta battua ri Allata'ala sanna' a'reppese'na ri kau; iamintu niaki ri bawanu siagang lalang ri atinnu.” Iaminjo biritta napa'la'banga ikambe; iamintu biritta ri passala'na tappaka.

ROMA 10:8 ပူးပေါင်းရင်းမြစ်များ

YESAYA 57:19

LaKusarei kasannangngang sikontu taua, baji' tau ambania kammayatompa tau bellaya. LaKupakabajiki ummakKu.

LAMPA-LAMPANA 10:43

Sikontu na'bi-na'bia, le'ba' ngasemmi nabicara riolo anjo passalaka. Nakana ke'nanga, sikamma tau tappaka ri Isa lanipammopporangi dosa-dosana, lanri kakoasanNa Isa.”

LAMPA-LAMPANA 16:31

Appialimi Paulus siagang Silas angkana, “Tappakko ri Batara Isa, sollannu nipasalama' – iamintu ikau siagang sikontu tau niaka lalang balla'nu!”

ROMA 10:17

Iaminjo saba'na na'jari tappa' taua, nasaba' allangngereki biritta, siagang nania' tau allangngereki anjo birittaNa Almasi nasaba' nia' tau ampabattui anjo birittaya.

GALATIA 3:2

Pauanga' bedeng anne se'rea passala': Maka lanri nugaukanna hukkung-hukkung agamaya nakkulle nutarima RohNa Allata'ala? Yareka lanri nulangngere'na Kabara' Baji' battua ri Allata'ala siagang lanri tappa'nu mae ri Almasi?

GALATIA 3:5

Allata'ala assareko RohNa, naNapappicinikang gau'-gau' makoasaNa ri tangnga-tangnganu. Maka lanri nugaukanna hukkung-hukkung agamaya, naNagaukang Allata'ala anjo kammaya? Yareka lanri nulangngere'namo anjo Kabara' Bajika siagang lanri tappa'numo mae ri Almasi?

EFESUS 5:26

NaNagaukang Almasi anjo kammaya, sollanna akkulle Natangkasi jama'aka lalang ri pangngajaranNa kammayatompa lalang ri je'ne' pa'je'ne', nampa akkulle Napassareang anjo jama'aka mae ri Allata'ala.

PAOLE 30:14

Teako akkuta'nang kammai, nasaba' anjo parentaya niaki anrinni. Nuapele'mi siagang akkullemi nupau, jari poro lanugaukang mami.

1 TIMOTIUS 4:6

Punna nupangngajarrang baji'mo yangasenna anjo mae ri parannu tau tappa', a'jari palayanNa mako Isa Almasi, siagang nugaukang baji'mi jama-jamannu. Siagang parallui pila' nupattimbo pa'mai'nu siagang kana nipatappaka battu ri Allata'ala, siagang pangngajarang katojengang nupinawangamo siapa sallona ri kamma-kammaya anne.

1 PETRUS 1:23

nasaba' tete ri Iami anjo kana mattallasa'Na siagang kana mannannunganNa Allata'ala nanunipa'jari tau beru; teai lanri nilassukannu ri rupataua, passangalinna battu ri Mangge mannannunganga.

1 PETRUS 1:25

mingka kananNa Batara, niaki satunggu-tungguna.” Anjo kanaya Kabara' Baji' le'bakamo nibirittakang mae ri kau.