ROMA 10:2 - KITTA' MATANGKASA'

² Barania' ampaui angkana sanna' lompona sumanga'na ke'nanga anynyomba mae ri Allata'ala. Mingka anjo sumanga'na ke'nanga tena nasituru' pangngassengang battua ri Allata'ala.

ROMA 10:2 ပူးပေါင်းရင်းမြစ်များ

2 KARAENG-KARAENG 10:16

siagang nakana, “Maeko amminawang, siagang kalennu lansa'bi antekamma bateku usaha untu' Nakaerokia Batara.” Nampa assiagammo ke'nanga a'dongko' kareta mange ri Samaria.

PAMMUJI 14:4

Nakana Batara, “Tenaka nangngu'rangi anjo sikamma tu ja'dalaka? Lalang tallasa'na narampasaki ummakKu siagang tena le'bakai appala' doang mae ri Nakke.”

PANGNGEBARANG 19:2

Rajeng nampa tena pangngassengang, tena nabaji'; tau akkaro-karoa lappareki kasalang.

YESAYA 27:1

Anjo wattua lammakei Batara pa'dang tarang siagang kassa' untu' anghukkungi Lewiatan, iamintu ulara' ammekko'-mekkoka siagang akkalu'-kaluka, kammayatompa lambunoi naga tamparanga.

YOHANES 16:2

Lanipasulukko sallang battu ri balla' sambayanga. Nalanarapiki sallang wattunna nania' tau nakana kalenna a'gau' amala' ri Allata'ala punna nabunoko.

LAMPA-LAMPANA 21:20

Le'baki nalangngere' ke'nanga anjo caritana Paulus, ammuji-muji ngasemmi ke'nanga mae ri Allata'ala. Nampa nakanamo ke'nanga ri Paulus, “Paulus! Parallui nuasseng sari'battang, angkanaya assa'bu-sa'bumi tu Yahudi a'jari tappa' ri Isa. Najarre' ngaseng ke'nanga angkatutui sikamma parentaNa Allata'ala, le'baka napabattu Musa.

LAMPA-LAMPANA 21:28

Nakkio' ke'nanga angkana, “He, tu Israelka, bantu saiki'! Iaminne tau le'baka a'lampa mange-mange angngajaraki sikontu taua pangngajarang angngewai bansa Israelka, siagang andakkai sikamma parentaNa Allata'ala, le'baka napabattu Musa; kammayatompa nahina tongi anne Balla'Na Batara. Na kamma-kamma anne ba'lalo naerammi bansa-bansa maraenga antama' ri Balla'Na Batara, anra'ma'-ra'massi anne tampa' matangkasaka!” (

LAMPA-LAMPANA 22:22

Appilangngeri ngasengi anjo tau jaia ri wattunna a'bicara Paulus. Mingka nalangngere'na ke'nanga anjo kala'busang kananna Paulus, ammarrang-marrammi ke'nanga angkana, “Bunoi anjo tau kammaya. Tena nasiratang attallasa'!”

LAMPA-LAMPANA 22:3

“Inakke tu Yahudia'. Anjorenga' ri kota Tarsus, ri pa'rasangang Kilikia nilassukang. Mingka anrinnia' ri Yerusalem nipakalompo. Siagang anrinnia' niajara' baji' ri guru lompoa Gamaliel ri passala' atorang-atorang le'baka napassareang Musa ri boe-boeta. Sangkamma ikau ngaseng niaka anne alloa anrinni, sanna' todong rajengku anynyomba mae ri Allata'ala.

ROMA 10:1

Sikamma sari'battangku ngaseng! Sanna' ma'minasaku sollanna nipasalama' ngaseng sikontu bansaku. Nasanna'mo bateku ampappala' doangangi ke'nanga mae ri Allata'ala.

ROMA 10:3

Tena naassengi ke'nanga antekamma caraNa Allata'ala ampa'jari bajiki ammotere' passisambunganNa siagang rupataua. Nalanri cara kalenna ke'nanga naturuki, jari tenamo nanaturuki ke'nanga cara Napappicinikanga Allata'ala.

2 KORINTUS 4:4

Barhala ja'dala' niaka ri lino antongkoki pikkiranna tau tenaya natappa' ri anjo Kabara' Bajika. Iaminjo barhalaya anrompa-rompai ke'nanga sollanna tanacinika singara' battua ri anjo Kabara' Bajika, ri sese kalompoanNa Almasi, a'jaria pammatei rupanNa Allata'ala.

2 KORINTUS 4:6

Nakana Allata'ala, “Nikellai ammumba singaraka battu lalang ri sassanga,” na KalenNa tommi Allata'ala ampamumbai anjo singaraka lalang ri atinta, sollanna a'jari singara' pikkiranta, nakkulle nipahang caya malompoNa Allata'ala niaka accaya ri rupanNa Almasi.

2 KORINTUS 8:3

Kalengku anciniki antekamma batena napikulle-kullei ke'nanga assare, ba'lalo la'biangampa pole na ri pakkullena ke'nanga.

GALATIA 1:14

Ri passala'na anggaukangai pangngajaranna agama Yahudia, inakkemi kaminang la'bi ri sikontu tu Yahudi sanrungka-rungkaku. Inakkemi kaminang rajeng angkatutui ada'na boe-boena ikambe.

GALATIA 4:15

Sanna' te'nena pa'mai'nu anjo wattua. Mingka kamma-kamma anne, kemaemi anjo te'nenu? Kuassengi angkanaya anjo wattua ka'de' akkulle kapang, manna matannu ero' tonjako angkocciki assulu' nampa nupassareang mae ri nakke.

FILIPI 1:9

Iaminne pappala' doangangku untu' ikau: poro pila' mangngamaseangko ri Allata'ala siagang ri parannu tau siagang natuli katambang pangngassengannu ri katojenganga siagang kacara'dekanga,

FILIPI 3:6

Ba'lalo, lanri lompona sumangakku, sa'genna kusessamo anggota jama'aka. Punna niciniki battu ri passala' hukkung-hukkung agama Yahudia, inakkemi tau baji' siagang tena callangku.

KOLOSE 4:13

Kalengku ansa'bi antekamma batena anjama terasa' untu' ikau ngaseng siagang sikamma tau niaka ri Laodikia siagang Hierapolis.