ROMA 1:9 - KITTA' MATANGKASA'

⁹ Punna appala' doanga' tuli kuu'ranginnu ngaseng. Allata'alami a'jari sa'bingku ma'nassana kammatojeng anne kukanaya. Iami Allata'ala kusombaya siagang sikontu pa'maikku, iamintu kupa'la'bangi Kabara' Bajika ri passala'na Ana'Na.

ROMA 1:9 ပူးပေါင်းရင်းမြစ်များ

AYUB 16:19

Kuasseng Mappatojengku nia' ri suruga; a'jari sa'bi ri tenana kudoraka.

MARKUS 1:1

Iaminne Kabara' Baji' ri passala'na Isa Almasi, Ana'Na Allata'ala.

LUKAS 18:1

Le'baki anjo Nacaritami Isa se'rea pangngebarang, ero' Naajara' ana'-ana' gurunNa sollanna tuli appala' doang siagang tena natappu' panrannuang.

LAMPA-LAMPANA 12:5

Jari nitahammi rolong Petrus lalang ri tarungkua; mingka tuli appala' doang dudumi sikontu jama'aka mae ri Batara sollanna Narurungangi Petrus.

LAMPA-LAMPANA 19:21

Le'ba'namo kajariang ngaseng anjo sikammaya, apparurumi Paulus ero' a'lampa mange ri Makedonia siagang Akhaya, nampa annarrusu' mange ri Yerusalem. Nakana Paulus, “Punna battu anjoremma' musti lamange tonga' ri Roma.”

LAMPA-LAMPANA 24:14

Mingka memang musti kuakui ri dallekanta, angkanaya anynyomba' mae ri Allata'ala nasombaya boe-boena ikambe situru' apa Napangngajarranga Isa; na iaminjo nabilang sala ke'nanga mae ri nakke. Mingka tuli tappa' tonja' mae ri sikamma apa tattulisika lalang ri Kitta'na Musa siagang Kitta'na Na'bi-na'bia.

LAMPA-LAMPANA 27:23

Nasaba' ri bangngia niaki malaeka'Na Allata'ala battu mae ri nakke, iamintu Allata'ala kusombaya, Allata'ala makoasaya mae ri kalengku.

LAMPA-LAMPANA 3:26

Iaminjo saba'na naNapattantumo Ana'Na Nasuro rolong battu mae ri kau, sollanna naNabarakkakiko. Ia bateNa ambarakkakiko, iamintu Napa'jari tobakko battu ri kaja'dallanga lalang ri katallassannu.”

ROMA 9:1

Kontutojengi anne apa eroka kupau lanri inakke taunNa' Isa Almasi. Tena nakua'balle-balle. Atingku siagang pa'maikku, nirurunganga ri RohNa Allata'ala, ampakatappa' tonga' ma'nassana kontutojengi anne kanangku.

2 KORINTUS 1:23

Allata'alami a'jari sa'bingku – nasaba' Naassengi bonena atingku – angkanaya nakutanjaria mange ri Korintus, lanri tenana nakuero' ampakasi'nai pa'mai'nu.

2 KORINTUS 11:31

Nasaba' tena nakua'balle-balle; Allata'ala, ManggeNa Batarata Isa a'jari sa'bi mae ri nakke! Nipujimi arenNa satunggu-tungguna.

GALATIA 1:20

Anne kutulisika apa kontutojeng. Naassengi Allata'ala angkanaya tena ku'balle-balle!

EFESUS 6:18

Gaukang ngasemmi anjo kammaya, nanuappala' doang siagang appala' tulung mae ri Allata'ala. Ri sikamma kasampatang niaka, appala' doangko situru' panrurunganNa RohNa Allata'ala mae ri kau. Paralluko tuli jaga-jaga, siagang teako eroki ampappibetangi kalennu. Tuli pappala' doangangi sikontu Umma'Na Allata'ala.

FILIPI 1:3

Punna kurapikko kuu'rangi, tuli appala' sukkuruka' mae ri Allata'ala.

FILIPI 1:4

Siagang punna kupappala' doangang ngasengko, teai sipato' sannanna atingku.

FILIPI 2:22

Kalennu ngasemmo anciniki buttina angkanaya a'matu-matui Timotius. Anjama terasa' tommi siagang inakke untu' ampa'la'bangi Kabara' Baji' battua ri Allata'ala. Ikambe sipa'rua sangkamma maki' ana' na mangge.

FILIPI 3:3

Na sitojenna ikattemi anne le'bakamo anggappai nikanaya sunna' tojeng-tojenga; teai ke'nanga. Ikattemi anynyomba mae ri Allata'ala lanri KalenNa RohNa Allata'ala angnguluki'; siagang appala' sukkuru' maki' lanri asse're maki' siagang Isa Almasi lalang ri tallasatta. Tena katte nitanjeng mae ri sikamma pangngadakkang nacinika mata.

1 TESALONIKA 1:2

Tuli appala' sukkuruki ikambe mae ri Allata'ala passabakkang ikau ngaseng. Punna appala' doang ikambe mae ri Allata'ala Manggeta tuli mangngu'rangiki' ri kau ngaseng, siagang tuli kipappala' doangang ngaseng tongko. Kiu'rangi antekamma nupa'nyatanamo lalang ri panggaukannu, ma'nassanu tappa' mae ri Almasi; kammayatompa antekamma batenu mangngamaseang ri parannu tau, sa'genna nulayanimo ke'nanga; kammayatompa pole antekamma jarre'na panrannuannu mae ri Batarata Isa Almasi.

1 TESALONIKA 3:10

Allo bangngi maki' appala' doang tojeng-tojeng, sollanna nakiakkulle assicini' siagang ikau ngaseng, nakkulle ikambe ampa'gannaki apa-apa kakuranganga ri katappakkannu.

1 TESALONIKA 5:17

tuli appala' doangko mae ri Allata'ala.

1 TIMOTIUS 2:7

Na iaminjo saba'na kunisuromo a'lampa mange ri bansa-bansa maraenga untu' ambirittakangi mae ri ke'nanga biritta ri sesena katappakkang annabaya. Anne kupabattua ma'nassa biritta kontutojeng; tena nakua'balle-balle.

2 TIMOTIUS 1:3

Appala' sukkurukka' mae ri Allata'ala Ia kulayania situlusu'na ati mailalangku, sangkammaya nagaukanga boeku riolo. Punna kuu'rangiko lalang ri pappala' doangangku allo bangngi tuli appala' sukkurukka' mae ri Allata'ala.

FILEMON 1:4

Punna appala' doanga', tuli kupaui arennu nakuappala' sukkuru' mae ri Allata'ala.

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.