ROMA 1:7 - KITTA' MATANGKASA'

⁷ Iaminjo saba'na nakutulisi' anne suraka mae ri kau ngaseng. Poro Nabarakkakiko siagang Nasareko katallassang salewangang Allata'ala Manggea siagang Batarata Isa Almasi.

ROMA 1:7 ပူးပေါင်းရင်းမြစ်များ

PAMMUJI 60:5

Kibalang parekangi ummatTa angkasiaki pa'risi' lompoa; ta'royong-royongi ikambe sanrapang tau nasa'ring.

KELONG MALA'BIRI' 5:1

Battua', mae ri kokongku, andi', buntingku, appasse'rea' muru' siagang rampa-rampa; kukanrei ru'mung baniku siagang je'ne' baniku, kuinungi dadika siagang je'ne' anggorokku. Angnganre siagang angnginung ngaseng mako, bela-belaku, angnginungko sa'gennu nasa'ring pattanringang.

PAMMILANGNGANG 6:25

Dasi-dasi Namabaji' pa'mai' siagang malammoro' pa'mai' Batara mae ri kau.

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

YOHANES 20:17

Nakanamo Isa ri ia, “Teako ta'galakiA', nasaba' tenapa naKunai' ri Manggea. Mingka a'lampamako mae ri sikamma sari'battangKu, siagang pauangi ke'nanga angkanaya kamma-kamma anne nai'Ma' ri ManggeKu siagang Manggenu todong, ri Allata'alaku siagang Allata'alanu todong.”

LAMPA-LAMPANA 15:23

Nisaremi anne ke'nanga angngerang se're sura', kammaya anne bonena, “Natarimai sikontu sari'battang bansa-bansa maraenga, niaka ammantang ri Antiokhia, Siria, siagang Kilikia. Salama' battu ri kambe ngaseng tunisuroNa Allata'ala siagang pamimping-pamimpinga, iamintu sari'battannu ngaseng.

LAMPA-LAMPANA 9:13

Appialimi Ananias nakana, “O Batara, jaimi kabara'na kulangngere' anjo taua. La'biangampa, kabara'na antekamma batena ansessai ummatTa ri Yerusalem.

ROMA 1:6

Naia nikanaya sikontu bansa, iamintu ikau pole sikamma sari'battangku niaka ri Roma; ikau pole, nikio' ngaseng tommako a'jari umma'Na Isa Almasi.

ROMA 5:1

Kamma-kamma anne assibajiki maki' ammotere' siagang Allata'ala, lanri tappa' maki' mae ri Ia. Siagang lanri kammana, attallasa' maki' lalang kasiamakkanga siagang Allata'ala, tete ri Batarata Isa Almasi.

ROMA 5:5

Anjo panrannuang kammaya tena nalanapakala'ba pa'maitta, nasaba' le'ba'mi nibonei atinta siagang pangngamaseanNa Allata'ala. Na anjo Nagaukangi Allata'ala tete ri Roh MalanynyinNa, le'bakamo Napassareang mae ri katte.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

ROMA 8:39

baji' naapa-apa niaka ri langika yareka naapa-apa niaka ri buttaya, yareka apa-apa mamo maraengannaya, yangasenna anjo takkulleai ampisangkai Allata'ala angkamaseangki', sangkamma le'bakamo Napappicinikang lalang ri KalenNa Isa Almasi, Batarata.

ROMA 9:25

Nasaba' Nakana Allata'ala lalang ri Kitta' Na'bi Hosea, “Tau teai ummakKu, laniarengi ‘UmmakKu’. Bansa tenaya naKukamaseangi, laKuarengi ‘TunikamaseangKu’.

1 KORINTUS 1:24

Mingka untu' sikamma tau le'bakamo nikio' ri Allata'ala – baji' tu Yahudi yareka bansa-bansa maraenga – iami a'jari pammatei ri butti Napa'nyatana kakoasanNa siagang kabajikanNa Allata'ala.

1 KORINTUS 16:23

Poro nibarakkaki ngasengko ri Isa Almasi.

GALATIA 6:18

Poro tuli nibarakkaki ngasengko ri Batarata Isa Almasi. Aming. Sallangku, Paulus

EFESUS 1:2

Battu ri nakke, Paulus, tunisuroNa Isa Almasi, lanri ero'Na Allata'ala; ma'minasa' mae ri Allata'ala Manggeta, siagang Batara Isa Almasi, nuporo Nasare barakka' siagang katallassang salewangang.

EFESUS 6:23

Poro Allata'ala Manggea, siagang Batara Isa Almasi ansarei pakkulle sikontu jama'aka untu' assamaturu' siagang assikamaseang kammayatompa tuli tappa' mae ri Almasi.

PAOLE 33:12

Ri sesena suku Benyamin nakana: “Iaminne suku Nakarimangngia Batara. Nala'langngi allo bangngi; ammantangi Batara ri tangnga-tangngana ke'nanga.”

FILIPI 1:2

ma'minasaki' mae ri Allata'ala Manggeta siagang Batarata Isa Almasi, nuporo Nasare barakka' siagang katallassang salewangang.

FILIPI 4:13

Lanri kakoasang Napassareanga Almasi mae ri nakke, akkullema' majarre' andallekangi a'rupa-rupaya katallassang.

FILIPI 4:20

Nipujimi Allata'ala Manggeta sa'genna satunggu-tungguna. Aming!

FILIPI 4:23

Poro Nabarakkaki ngasengko Batara Isa Almasi. Sallanna ikambe, Paulus siagang Timotius

KOLOSE 3:12

Ikau Umma'Nako Allata'ala. Nakamaseangko Allata'ala siagang Napileiko Allata'ala untu' a'jari umma'Na nasa'la' maraenga. Iaminjo saba'na numusti mangngamaseang, baji' pa'mai', tuna pa'mai', tena nukasara', siagang attahangko angkasiaki pa'risika.

KOLOSE 3:15

Parallui passiamakkang Napassareanga Almasi lalang ri atinnu ampattantui apa-apa eroka nutappuki. Nasaba' Nakiokko Allata'ala untu' a'jari anggota ri se'rea tubu, sollannu akkulle attallasa' lalang passiamakkang lanri anjo Almasi. Paralluko appala' sukkuru'.

1 TESALONIKA 1:1

Natarimai sikontu sari'battangku, iamintu jama'ah niaka ri Tesalonika, a'jaria Umma'Na Allata'ala Manggea siagang Batara Isa Almasi: Ikambe, iamintu Paulus, Silas, siagang Timotius, ma'minasa ngasengki' nuporo nisare ngaseng barakka' siagang salewangang ri Allata'ala.

1 TESALONIKA 1:4

Naassengi ikambe, angkanaya Nakamaseang ngasengko Allata'ala, siagang le'ba' mako Napile nampa Nasa'lakko a'jari umma'Na.

1 TESALONIKA 4:7

Nakiokki' Allata'ala, teai sollanta a'gau' bawang lalang ri katallassanta, passangalinna sollanta attallasa' mappakasannang mae ri atinNa Allata'ala.

1 TESALONIKA 5:28

Poro Nabarakkaki ngasengko Batarata Isa Almasi. Sallangku, Paulus

2 TESALONIKA 1:2

ma'minasa ngasengki' nuporo nisare ngaseng barakka' siagang salewangang ri Allata'ala.

2 TESALONIKA 3:16

Batara kabattuanna kasalewanganta. Poro Iami tuli assareko kasalewangang lalang sikontu katallassannu. Poro tuli Narurungang ngasengko Batara.

2 TESALONIKA 3:18

Poro Nabarakkaki ngasengko Batarata Isa Almasi. Sallangku, Paulus

1 TIMOTIUS 6:2

Sikamma ata tu Karistenga pinggawana, takkulleai tanajampangia pinggawana lanri sangkammaji ke'nanga para tu Karisteng. Ba'lalo musti nalayani la'bi bajiki pole pinggawana ke'nanga, nasaba' anjo pinggawa nalayani bajika julu tappa'na tonji nikamaseanga. Yangasenna anne musti nupangngajarrangi siagang nupappakaingakkangi.

2 TIMOTIUS 4:22

Poro nirurungangko ri Batara. Poro nibarakkaki ngasengko ri Batara! Sallangku, Paulus

TITUS 1:4

Titus! Ikau ana' tojeng-tojengkuko, lanri ikau siagang inakke para tappa' maki' mae ri Almasi. Kuminasai nanisareko barakka', pangngamaseang malammoro' siagang kasalewangang battu ri Allata'ala Manggea siagang Isa Almasi Karaeng Mappasalamatta.

FILEMON 1:25

Poro Nabarakkaki ngasengko Batara Isa Almasi. Sallangku, Paulus

FILEMON 1:3

Ma'minasaki' mae ri Allata'ala Manggeta siagang mae ri Batara Isa Almasi, nuporo Nasare barakka' siagang katallassang salewangang.

YAKOBUS 1:1

Natarimai sikontu Umma'Na Allata'ala, ia niaka tassiara' ri sikontu linoa. Sallang battu ri nakke Yakobus, atanNaya Allata'ala siagang Batara Isa Almasi.

1 PETRUS 1:15

Mingka, paralluko matangkasa' lalang sikontu apa nugaukanga, sangkamma matangkasa'Na anjo Allata'ala angkiokako.

1 YOHANES 3:1

Coba sai cini'! Teai sipato' Nakamaseanta Allata'ala, sa'genta niareng ana'-ana'Na Allata'ala; na kamma memang tongi, ikatte anne ana'-ana'Naki' Allata'ala. Iaminjo saba'na natena napahangki' anne lino ja'dalaka, nasaba' anne linoa tanaassengai Allata'ala.

2 YOHANES 1:3

Poro nisareki' barakka', pangngamaseang kammayatompa kasalewangang battu ri Allata'ala Manggea, siagang battu ri Isa Almasi Ana'Na anjo Manggea. Poro nitarima ngasengi anjo siagang ati maci'nong kammayatompa lalang pangngamaseang.

PAPPICINI' 2:1

“Untu' mae ri malaeka'na jama'ah Efesus, tulisiki kamma anne: Iaminne pappasang battu ri Ia anta'galakai anjo tujua bintoeng ri lima kananNa, siagang a'jappaya ri alla'na anjo tujua bangkeng lampu bulaenga.

PAPPICINI' 2:12

“Untu' mae ri malaeka'na jama'ah Pergamus, tulisiki kamma anne: Iaminne pappasang battu ri Ia anna'galaka pa'dang tarang pimbalia.

PAPPICINI' 2:18

“Untu' mae ri malaeka'na jama'ah Tiatira, tulisiki kamma anne: Iaminne pappasang battu ri Ana'Na Allata'ala, a'rinra-rinraya matanNa sangkamma pepe', siagang accayaya bangkenNa sangkamma tambaga nitunua.

PAPPICINI' 2:29

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka!”

PAPPICINI' 2:8

“Untu' mae ri malaeka'na jama'ah Smirna, tulisiki kamma anne: Iaminne pappasang battu ri Ia uru-urua siagang kala'busanga, le'baka mate Nattallasa' poleang.

PAPPICINI' 22:21

Poro Napassareangi barakka'Na Batara Isa mae ri sikontu Umma'Na Allata'ala!

PAPPICINI' 3:14

“Untu' mae ri malaeka'na jama'ah Laodikia, tulisiki kamma anne: Iaminne pappasang battua ri Aminga, Sa'bi tojenga siagang tamamminraya, kabattuanna sikontu apa Napa'niaka Allata'ala.

PAPPICINI' 3:22

Inai-nai akkulle allangngere', parallui naparhatikang anjo apa Napaua RohNa Allata'ala mae ri jama'ah-jama'aka!”

PAPPICINI' 3:7

“Untu' mae ri malaeka'na jamaah ri Filadelfia, tulisiki kamma anne: Iaminne pappasang battu ri Ia matangkasaka siagang kontutojenga. Iami anta'galaki konci battua ri Daud; punna Nasungkei pakke'buka, tena manna sitau akkulle antongkoki, siagang punna Natongkoki, tena manna sitau akkulle ansungkei.