ROMA 1:32 - KITTA' MATANGKASA'

³² Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

ROMA 1:32 ပူးပေါင်းရင်းမြစ်များ

PAMMUJI 50:18

Punna accinikko sitau palukka', amminawangko ri ia, siagang sileporangko siagang tau nangaia a'gau' salimara'.

PANGNGEBARANG 28:4

Inai tanjampangiai hukkunga, agangi tau ja'dalaka; inai mannuruki ri hukkung, nabaliangi tau bambalaka.

HOSEA 7:3

Nakana Batara, “Napakei akkala' balle-ballena siagang panggaukang-panggaukang ja'dala'na ra'yaka untu' ampakasannangi atinna karaenga siagang sikamma pagawe-pagawe pamarentaya.

LUKAS 11:48

Jari kalennumi angngakui angkanaya nupassamaturuki anjo apa le'baka nagaukang boe-boenu; nasaba' boe-boenu memang ambunoi na'bi-na'bia, nampa ikau ampapparekangi jera'na.

LAMPA-LAMPANA 22:20

Kammayatompa ri wattunna nibuno anjo sa'binTa Stefanus, nia' tonga' anjoreng siagang kusitujui tongi nanibuno. Ba'lalo inakkemi anjagai pakeanna sikamma tau ambunoai.’

LAMPA-LAMPANA 8:1

Na sannang todong nyawana Saulus ri nibunonamo Stefanus. Iatommi anjo alloa nappakkaramulamo niondang mange-mange jama'aka ri Yerusalem. Sa'genna tassia'-siara'mo sikamma tau tappaka ri sikontu daera Yudea siagang Samaria. TunisuroNa mami Allata'ala tena natassia'-siara'.

ROMA 1:18

Battu ratei ri suruga Napappicinikang larroNa Allata'ala ri sikontu dosana siagang kaja'dallanna rupataua. Nasaba' anjo kaja'dallanga anrompai taua sa'genna tanaassenga taua pangngajarang annabaya battu ri Allata'ala.

ROMA 1:21

Naassengi rupataua Allata'ala, mingka taerokai rupataua ampakala'biriki salaku Allata'ala, siagang tena todong nappala' sukkuru' ri Ia. Ba'lalo apa-apa tenayaji matu-matunna nanawa-nawa rupataua; a'jari sassammi nawa-nawanna ke'nanga.

ROMA 6:21

Anjo wattua apa passawallang nugappa ri anjo panggaukang appakasirika? Poro kamateang bawang naerang anjo panggaukang-panggaukang kammaya!

ROMA 6:23

Nasaba' pahalana dosaya iamintu kamateanga; mingka pangngamaseang Napassareang bawang-bawanga Allata'ala, iamintu katallassang sitojennaya siagang katallassang satunggu-tunggua lalang ri Isa Almasi, Batarata.

2 TESALONIKA 2:12

Kale'bakkanna, sikamma anjo tau angngaiyai dosaya siagang tenaya natappa' mae ri anjo katojenganga, lanihukkungi.