ROMA 1:31 - KITTA' MATANGKASA'

³¹ taerokai ke'nanga ampahangi tau maraenga; tajarrekai ke'nanga ri janjinna siagang sanna' palla'na.

ROMA 1:31 ပူးပေါင်းရင်းမြစ်များ

PANGNGEBARANG 18:2

Tau toloa tanangaiyai nisare pammahang; poro bone atinna bawang ero' nasungkea tojeng.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

YESAYA 33:8

Sikamma agang lompoa rassi bahaya, sa'genna a'jari sino; tena tau angngoloi. Tanirupaia parjanjianga siagang nitollaki passitujuanga. Tenamo nia' nijampangi.

YEREMIA 4:22

Nakana Batara, “tolo sikali anjo ummakKu, tamangngassengai ke'nanga ri Nakke. Rapanji ke'nanga ana'-ana' tenaya namappilangngeri tenaya pammahanna manna sike'de'; cara'deki ri kaja'dallanga, tena apa-apa nakulle ri kabajikanga.”

MATIUS 15:16

Appialimi Isa mae ri ke'nanga Nakana, “Maka tena ijapa nanupahangi?

MARKUS 7:18

Nakanamo Isa ri ke'nanga, “Apaka tena ijapa nupahangi? Maka takkulleai nupahang angkanaya anjo apa-apa antamaya ri bawana taua tena nakkulle ampa'jari ra'masaki taua?

ROMA 3:11

tena manna sitau ammahang siagang tena manna sitau anynyomba ri Allata'ala.

2 TIMOTIUS 3:3

Tena pangngarimangnginna siagang pangngamaseanna ke'nanga, tanangaiyai ampammopporangi paranna tau, nangai nabotto'-bottoki arenna paranna tau, nangai ammassa ri paranna tau, pallaki, siagang birisiki mae ri kabajikanga.