ROMA 1:27 - KITTA' MATANGKASA'

²⁷ Bura'-bura'nea kamma todong; nabokoimi tubai'-bainena ke'nanga, nampa paranna bura'ne naagang a'gau' bawang. Panggaukang appakasiri' nagaukang tubura'-bura'nea ri paranna tu bura'ne, sa'genna massing natarimamo pa'balasa' kaja'dallanna ke'nanga.

ROMA 1:27 ပူးပေါင်းရင်းမြစ်များ

KAIMANGNGANG 18:22

Tu bura'nea tena nakkulle assikatinroang siagang paranna bura'ne; Nakabirisi Allata'ala panggaukang kammaya anjo.

KAIMANGNGANG 20:13

Punna nia' tu bura'ne a'gau' bawang siagang paranna tu bura'ne, anjo ke'nanga appakaringi'-ringiki siagang hinai panggaukanna, siagang musti nihukkung mate rua-ruai. Matei ke'nanga lanri salana tonji.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.