ROMA 1:26 - KITTA' MATANGKASA'

²⁶ Lanri kammana anjo panggaukanna rupataua, nibalang parekammi ke'nanga ri Allata'ala anturuki hawa napasu hinana ke'nanga. Tubai'-bainena ke'nanga tenamo naero' ri bura'nea sangkamma biasaya ri rupataua, passangalinna parannami bai'-baine nakaeroki.

ROMA 1:26 ပူးပေါင်းရင်းမြစ်များ

PA'JARIANG 19:5

Akkio'mi ke'nanga ri Lot siagang akkuta'nang angkana, “Kemae anjo sikamma tau battua a'bangngi ri balla'nu? Passareangi anjo ke'nanga mae ri kambe, sollanna akkulle ikambe assikatinroang siagang ke'nanga!”

PAMMUJI 81:12

Mingka ummakKu taerokai mappilangngeri ri Nakke, taeroka Israel mannuruki ri Nakke.

ROMA 1:24

Iaminjo saba'na nanibalang parekammo ke'nanga ri Allata'ala nikoasaia ero'na ke'nanga untu' anggaukangi kaja'dallanga. Sa'genna nagaukammi ke'nanga apa-apa ra'masaka mae ri massing para ia.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

1 KORINTUS 6:9

Maka nuassenji angkanaya takkulleai a'jari umma'Na Allata'ala tu tenaya namannuruki? Teako eroki nitipu. Inai-nai a'gau' bawang, inai-nai anynyomba ri barhalaya, inai-nai a'gau' bawang, inai-nai a'gau' sala siagang paranna bura'ne yareka paranna baine,

EFESUS 4:19

Tangngassengami siri'-siri' ke'nanga; sa'genna naturukiammi sikontu hawa napasuna siagang a'gau' bawang mami situru' pangngaina ke'nanga.

EFESUS 5:12

Nasaba' anjo gau' cokko-cokkona ke'nanga, poro nibicara bawang nappakasiri'-siri'mo.)

1 TESALONIKA 4:5

Teako turuki hawa napasunu mae ri bainennu sangkamma nagaukanga tau kapere' tenaya naassengi Allata'ala.

1 TIMOTIUS 1:10

tau a'gau' bawanga, tau sigau' bawanga para bura'ne, pagorraka, paballe-ballea; sa'bi-sa'bi balle-ballea, kammayatompa inai-nai mamo anggaukangai apa-apa assisalaya siagang pangngajarang tojenga.

YUDAS 1:10

Mingka napakka'-pakkanaimi siagang nahinami ke'nanga sikontu anjo apa-apa tanapahanga ke'nanga. Sanrapangi ke'nanga olo'-olo' tenaya pikkiranna, iamintu pakkasia'naji bawang napake untu' angngassengi apa-apaya. Mingka passabakkang iatommi anjo apa-apa kammaya naancuru' ke'nanga.

YUDAS 1:7

U'rangi tongi kota Sodom siagang Gomora kammayatompa kota-kota niaka ri ampi'na, appanggaukang kammaya todong anjo sikamma malaekaka tuma'buttana. Nagaukangi ke'nanga nikanaya gau' bawang siagang gau' bambalaka; sa'genna nisessa ke'nanga siagang pepe' a'rinraya satunggu-tungguna, untu' a'jari pappakainga' mae ri sikontu rupataua.

HAKING-HAKING 19:22

Lalang assannang-sannanna ke'nanga, sikali nilipummi anjo ballaka ri tau banna'na anjo kotaya. Napagarumbanga tojemmi ke'nanga pakke'bu'na anjo ballaka na nakana ri anjo tau toaya, “Passareangi anjo bura'ne nueranga mae ri balla'nu mae ri kambe. Eroki ikambe ampakei!”