ROMA 1:23 - KITTA' MATANGKASA'

²³ Teai Allata'ala tamamminraya nasomba ke'nanga, passangalinna patung-patung sangkammaya apa lakkullea mate; iamintu rupataua, jangang-janganga, olo'-olo' appaka bangkenna, siagang olo'-olo' a'loloka rawa ri buttaya.

ROMA 1:23 ပူးပေါင်းရင်းမြစ်များ

PAMMUJI 106:20

Nasambei Allata'ala malompoa siagang patung sapi pakanre rukuka.

YESAYA 40:18

Jari inai lanupasinrapangangi Allata'ala? Inai nukana Naagang sangkamma?

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!

YESAYA 44:13

Tukang kayua naukkuruki kayua. Appareki gambara' siagang pa'leo', naukiriki siagang pakkakasa' nampa napare' a'jari patung antanja' tau ga'ga, nampa naboli' lalang ri balla'na.

YEREMIA 2:11

Tale'bakai nia' se're bansa ansambei rewatana manna pole naanjo teai Allata'ala sitojennaya. Mingka, ummakKu le'bakKa' nasambei, kalompoanna ke'nanga siagang se'rea apa takkulle appare' apa-apa.

YEHEZKIEL 8:10

Jari antamama' nampa kuciniki. Rinring-rinrinna anjo kamaraka niukiriki siagang sangka' rupa ulara' kammayatompa olo'-olo' harang maraengannaya, siagang sangka' rupa ukirang barhala nasombaya tu Israel.

LAMPA-LAMPANA 10:12

Ilalanganna, nia' sangka' rupa olo'-olo' appaka bangkenna, sikamma olo'-olo' akkadangkanga, siagang jangang-jangang liaraka.

LAMPA-LAMPANA 17:29

Jari, lanri ana'-ana'Naki' Allata'ala, takkulleaki' ampasangkammai Allata'ala siagang patung bulaeng nipareka, yareka pera', yareka batu nipareka situru' kacara'dekanna rupataua.

ROMA 1:25

Nasambei Allata'ala kontutojenga siagang anu takontutojenga. Teai Allata'ala appa'niaka nasomba siagang nalayani ke'nanga, passangalinna apa-apa nipa'niaka. Padahala' iaji anjo appa'niaka musti nipuji satunggu-tungguna! Aming.

1 KORINTUS 12:2

U'rangi angkanaya ri wattunna tenapa nutappa' mae ri Batara, amminawangko anynyomba mae ri barhala pepea.

PAOLE 5:8

Teako appareki patung sangkammaya apa-apa ri langika, ri buttaya yareka lalang ri je'neka irawanganna buttaya.

1 PETRUS 4:3

Ri wattu allaloa, le'ba'mi sallo nugaukang apa nangaia nagaukang tau tenaya natappa' mae ri Batara. Tena nabaji' batenu appanggaukang ri katallassannu. Nuturukiangi hawa napasunu, angnginung-nginungko sa'gennu nasa'ring, assua'-suarakko, angnginung-nginungko siagang appakaringi'-ringikko anynyomba mae ri barhalaya.

PAPPICINI' 9:20

Mingka anjo tau ammantanga, tenaya nanibunoi ri anjo balaya, tena tompa natoba' battu ri dosa-dosa nagaukanga ke'nanga. Tenapa nammari ke'nanga anynyomba mae ri setang-setanga, siagang mae ri barhala-barhala bulaenga, peraka, tambagaya, batua siagang kayu tenaya nakkulle accini' yareka allangngere', yareka a'jappa.