ROMA 1:20 - KITTA' MATANGKASA'

²⁰ Appakkaramula battu ri wattu Napa'nia'na Allata'ala linoa, anjo sipa'Na Allata'ala tenaya nakacinikang, iamintu sipa' Allata'alaNa siagang kakoasanNa tamamminraya, akkullemi napahang rupataua lalang ri sikontu apa Napa'niaka. Jari tena sikalimo alasanna rupataua untu' lampattojengi kalenna.

ROMA 1:20 ပူးပေါင်းရင်းမြစ်များ

PA'JARIANG 1:1

Uru-uruna, ri wattu Napa'jarina Allata'ala sikontu apa-apaya,

PA'JARIANG 21:33

Nampa a'lamummo Abraham se're poko' kayu niarenga tamariska ri Bersyeba, siagang appakkaramula anjo wattua napakemi anjo tampaka untu' anynyomba ri Batara, Allata'ala mannannunganga.

AYUB 12:7

Akkuta'nangko mae ri jangang-jangang siagang olo'-olo' maraengannaya na nasareko ke'nanga pangngajarang.

PAMMUJI 104:31

Poro satunggu-tungguna kalompoanNa Batara! Poro rannui mae ri sikontu bate pa'jariNa!

PAMMUJI 104:5

Kijarreki Kitannang buttaya ri dasara'na, sa'genna tena nalata'lengga satunggu-tungguna.

PAMMUJI 119:90

TamamminraTa attahangi lalang sikontu jammang, Kipaentengi linoa sa'genna tulusu' nia'.

PAMMUJI 139:13

Kipa'jari sikamma bageang-bageang niaka ri tubuku, na Kiparekka' lalang ri pammanakkanna ammakku.

PAMMUJI 8:3

nikelongang ri ana'-ana' siagang ana' loloa. Majarreki pamarentahanTa tamakkulle nilengga untu' antongkoki bawana musua siagang balia.

PAMMUJI 90:2

Ri tenanapa nipa'jari sikamma moncong-monconga, tenanapa Kipareki buttaya siagang linoa, iKattemi Allata'ala mannannungang, tena pakaramulanTa nataena kala'busanTa.

YESAYA 26:4

Tuli tappa' mako mae ri Batara, saba' Karaeng Allata'ala tuli anjagaiki'.

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YEREMIA 5:21

“Pilangngeri, he ikau ngaseng sikamma tau dongoka siagang toloa! Nia' matannu, mingka tena nuccini'; nia' tolinnu mingka tena nullangngere'!

YEREMIA 51:15

Batara ampa'jari buttaya lanri koasaNa, Napareki linoa lanri kacara'dekanNa, Naka'rangi langika lanri akkala' baji'Na.

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

MARKUS 10:6

Mingka ri pakkaramulanna, ri wattu Napa'jarina Allata'ala rupataua, nipaui angkanaya, ‘Napa'jari Allata'ala ke'nanga bura'ne siagang baine.

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

YOHANES 15:22

Ebara' angkana tena naKubattu siagang tenapa naKupabattuang ngaseng anjo sikammaya mae ri ke'nanga, tenaja naladoraka ke'nanga. Mingka kamma-kamma anne tenamo alasanna ke'nanga untu' antongkoki dosana ke'nanga.

LAMPA-LAMPANA 17:29

Jari, lanri ana'-ana'Naki' Allata'ala, takkulleaki' ampasangkammai Allata'ala siagang patung bulaeng nipareka, yareka pera', yareka batu nipareka situru' kacara'dekanna rupataua.

LAMPA-LAMPANA 22:1

“Ikatte ngaseng bapa'-bapaka, siagang sari'battanga ngaseng! Eroki kupakasingara' kalengku mae ri katte ngaseng. Jari pilangngerimi anne kanangku!”

ROMA 1:19

Anjo apa akkullea naasseng rupataua ri passala'na Allata'ala singara'mi lalang ri atinna taua, nasaba' KalenNami Allata'ala le'ba' ampakasingaraki mae ri rupataua.

ROMA 16:26

Mingka kamma-kamma anne, situru' passuroNa Allata'ala mannannunganga, le'ba'mi nipa'nyata siagang nipabattu anjo rancanaya mae ri sikontu bansa-bansaya, iamintu le'baka natulisi' na'bi-na'bia, sollanna tappa' ngaseng siagang mannuruki ngaseng ke'nanga mae ri Allata'ala.

ROMA 2:1

Lanri kammana, sari'battangku ngaseng, inaiko kutadeng antu sa'gennu akkulle ampasalai tau maraenga? Tena sikali apa-apa ri kau untu' akkulle ampattojengi kalennu! Nasaba' punna nupasala parannu tau, padahala' kalennu anggaukangi anjo apa-apa nagaukanga ke'nanga, ikau tommi ampabattui hukkunganga mae ri kalennu.

ROMA 2:15

Panggaukannami ke'nanga ampa'nassai angkanaya tattulisiki ri atinna ke'nanga anjo apa-apa napassuroanga anjo hukkung-hukkunga. Atinnami pole ke'nanga ampa'nassai anjo passalaka, nasaba' nia' wattunna nanipasala yareka nanipannaba ri pikkirang kalenna todong ke'nanga.

1 KORINTUS 1:20

Jari, apa matu-matunna anjo tau niaka pangngassenganna? Apa matu-matunna sikamma anjo tau cara'deka? Apa matu-matunna tu panritaya ri anne linoa? Le'ba'mi Napakasingara' Allata'ala angkanaya kaporeanna anne linoa poro balle-balle lompo bawang!

PAOLE 33:27

Allata'ala latuli angngalleiko; limanNa mannannunganga a'jari pattumpa'nu. Nabongkai musua battu ri dallekannu, Nasuroko angngancuruki sikontu balia.

PAOLE 4:19

Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.

KOLOSE 1:15

Iaminjo Almasi rupa ma'nyataNa Allata'ala tenaya nakacinikang; iaminjo Almasi ana' bungasa', mala'bianganga na sikontu apa-apa nipa'niaka.

KOLOSE 2:9

Nasaba' sikontu batangkalenNa Allata'ala nia'mi lalang ri KalenNa Almasi, iamintu lalang ri ma'rupataua.

1 TIMOTIUS 1:17

Siratangi nipakalompo siagang tuli nipuji Allata'ala, Karaenna sikontu jammanga, lanri Iami mannannungang, tenaya nakacinikang siagang tenaya ruanna! Aming.

1 TIMOTIUS 6:16

Iaji bawang takkullea nikoasai ri kamateanga; Iami ammantang lalang ri singara' tenaya nakkulle nireppesi ri manna pole inai. Tena manna sitau le'ba' anciniki, yareka akkulle anciniki. Untu' Iami kala'biranga siagang kakoasanga sa'genna satunggu-tungguna! Aming!

IBRANI 11:27

Lanri tappa'na, natamallakamo Musa ri pangngalarroinna karaenga nanabokoi butta Mesir. A'lampami Musa mange ri tampa' lanatujua sangkamma le'ba' angkanaya le'ba'mi nacini' anjo Allata'ala tenaya nakacinikang.

IBRANI 9:14

la'biangampa pole cera'Na Almasi. Tete ri Roh mannannunganga, Napassareammi KalenNa Almasi mae ri Allata'ala a'jari koro'bang sukkuka baji'na. Cera'Na antangkasi ati mailalanta battu ri upacara agama tenaya matu-matunna sollanta akkulle a'jari palayang mae ri Allata'ala mattallasaka.