ROMA 1:19 - KITTA' MATANGKASA'

¹⁹ Anjo apa akkullea naasseng rupataua ri passala'na Allata'ala singara'mi lalang ri atinna taua, nasaba' KalenNami Allata'ala le'ba' ampakasingaraki mae ri rupataua.

ROMA 1:19 ပူးပေါင်းရင်းမြစ်များ

YESAYA 40:21

Maka tanuassengai siagang tanulangngerai, siagang tena nanipauangko battu riolo? Maka tena nanupahangi battu riolo antekamma pakaramulana linoa?

YESAYA 40:26

Ciniki langika, siagang parhatikangi! Inaika ampa'jari sikamma bintoenga? Ia angngatoroki ke'nanga rapang pasukang, Naassengi angkana siapa jaina ke'nanga, nampa massing Nasare areng. Tena manna se're tappela', lanri lompona koasaNa Batara!

YOHANES 1:9

Singara' sitojennaya, assingariai sikontu rupataua, nia'mi battu ri lino.

ROMA 1:20

Appakkaramula battu ri wattu Napa'nia'na Allata'ala linoa, anjo sipa'Na Allata'ala tenaya nakacinikang, iamintu sipa' Allata'alaNa siagang kakoasanNa tamamminraya, akkullemi napahang rupataua lalang ri sikontu apa Napa'niaka. Jari tena sikalimo alasanna rupataua untu' lampattojengi kalenna.

ROMA 2:14

Tanaassengai bansa-bansa maraenga hukkung agamana tu Yahudia. Mingka punna lanri ero' kalenna ke'nanga nanagaukang anjo napassuroanga anjo hukkunga, atinna tommi ke'nanga a'jari hukkung mae ri kalenna ke'nanga, manna natanaassenga ke'nanga hukkung agama Yahudia.