ROMA 1:18 - KITTA' MATANGKASA'

¹⁸ Battu ratei ri suruga Napappicinikang larroNa Allata'ala ri sikontu dosana siagang kaja'dallanna rupataua. Nasaba' anjo kaja'dallanga anrompai taua sa'genna tanaassenga taua pangngajarang annabaya battu ri Allata'ala.

ROMA 1:18 ပူးပေါင်းရင်းမြစ်များ

KALAPPASSANG 23:7

Pakabellai tuduhang takontutojenga, siagang teako pa'biangngi nihukkung mate tau tenaya nasala, lanri tena Kupattojengi tau a'gau' ja'dala' kammaya anjo.

ROMA 1:19

Anjo apa akkullea naasseng rupataua ri passala'na Allata'ala singara'mi lalang ri atinna taua, nasaba' KalenNami Allata'ala le'ba' ampakasingaraki mae ri rupataua.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

ROMA 2:3

Mingka ikau ngaseng sikamma sari'battangku, ikau pole anggaukang tongi anjo apa-apa nucallaya nagaukang tau maraenga. Gassingka nukana lakkulleko ta'lappasa' battu ri pangngalarroiNa Allata'ala?

ROMA 3:9

Jari, maka la'bi bajikangangi empoanta ikatte tu Yahudia na empoanna bansa-bansa maraenga? Tena sikalia! Le'ba'mi kupau angkanaya, baji' tu Yahudi yareka tu battua ri bansa-bansa maraenga, nikoasai ngasemmi ri dosaya.

ROMA 4:15

Anjo hukkung-hukkung agama Yahudia appabattu tongi hukkungang battu ri Allata'ala. Mingka ka'de' tenai anjo hukkung-hukkunga, tena tommi panggaukang andakkaiyai anjo hukkung-hukkunga.

ROMA 5:6

Ri wattunta nia' lalang ri kalammanga, matemi Isa Almasi untu' ikatte, ri wattu le'bakamo Napattantu Allata'ala; padahala' ikatte tau bella maki' battu ri Allata'ala.

ROMA 5:9

Kamma-kamma anne assibajiki maki' ammotere' siagang Allata'ala lanri kamateanNa Isa Almasi; lanri kammana, mattantu tommi lanipasalamatta battu ri pangngalarroinNa Allata'ala lanri Isa Almasi.

ROMA 6:13

Tea tongko passareangi tubunu mae ri kakoasanna dosaya nanipake anggaukangi kaja'dallanga. Passangalinna passareangi kalennu mae ri Allata'ala, a'jari tau le'bakamo nipalette' battu ri kamateanga mae ri katallassanga. Passareangi sikontu batangkalennu mae ri Allata'ala, sollanna nipakei anggaukangi ero'Na Allata'ala.

EFESUS 5:6

Teako erokki nitipu ri bicara-bicara tenaya bonena. Nasaba' ia ngasemmi anne kammaya ampammumbai pangngalarroiNa Allata'ala mae ri tau tenaya namannuruki ri Ia.

KOLOSE 3:6

Yangasennami anjo kammaya ampabattui pangngalarroinNa Allata'ala mae ri tau tenaya namannuruki ri Ia.

2 TESALONIKA 2:10

Lanapakei sikamma akkala' patipu kaja'dallanga sollanna akkulle napakalingu sikamma tau langgappaya kapanrakang. Lapanraki ke'nanga lanri tenana naero' antarimai siagang tenana nangai biritta katojengang battua ri Allata'ala, akkullea ampasalamaki ke'nanga.

2 TESALONIKA 2:6

Mingka ri kamma-kammaya anne nia' ijapa apa-apa antahangi natammumbayapa anjo Tau Ja'dalaka; nanuasseng angkanaya apa anjo antahangai. Punna narapi'mo sallang anjo wattu le'baka Napattantu Allata'ala, lammumbami anjo Tau Ja'dalaka.