PIRAUNG 5:17 - KITTA' MATANGKASA'

^17-18 Sinomi Bulu' Sion lanri nibokoi; kongkong romang mami a'lemere' anjoreng. Lanri kammana panra' lompomi atinna ikambe, tabajikami paccini'na ikambe napakamma angngarruka tojeng.

PIRAUNG 5:17 ပူးပေါင်းရင်းမြစ်များ

AYUB 17:7

Tabajikami paccinikku lanri susaku; roso' ta'ronammi sikontu tubuku.

PAMMUJI 31:9

Tena Kibalang parekanga' nitahang ri musua, mingka Kipa'jaria' laloasa a'jappa.

PAMMUJI 38:8

Nitunui ri rammusu' tubuku, tenamo baji' ri batangkalengku.

PAMMUJI 6:7

Posoa' na kudodong akkunrareng; bangngi-bangngi ammatti' je'ne' matangku ambasai tampa' katinroangku.

PAMMUJI 69:3

Tappeccorokka' antama' ri je'ne' lantanga, tena pattuppuangku. Tallanga' ri je'ne' lantanga, nilo'lorang ri bombang manaika.

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

YESAYA 38:14

Sa'rangku pila' ca'dimi na pila' lamma, rapang jangang-jangang bodobangkeng akkunrareng. Mangngammi matangku acconga nai' ri langi', Batara, Kilappassanga' battu ri anne kasusaanga.

YEREMIA 46:5

Mingka inakke, Batara, Kuciniki ke'nanga ammunduru' napakamma malla'. Sikamma tantarana nibetai, lari napakamma malla' tamassaile mae ri boko.

YEREMIA 8:18

Rapangi nie'ba' atingku na pacce, susa tena balleanna.

PIRAUNG 1:13

Napaturungi pepeka battu ri langi' akkanrea sa'genna antama' ri atingku. Attannangi sikko' ri dallekangku untu' antu'guranga'. Nampa Nalappassanga' kale-kalengku ballasa' sila'busu' allo.

PIRAUNG 1:22

Parhatikangi anjo sikontu kaja'dallanna ke'nanga, na Kigaukang mae ri ke'nanga kamma Kigaukanga mae ri nakke lanri sikontu dosa kugaukanga mae ri Katte. Akkunrarenga' lalang ri ballasakku, si'na nyawaku kuta'ronang-ronang.”

PIRAUNG 2:11

Akkambammi matangku lanri tenammariku angngarruka tojeng, pa'risi' nyawaku tena rapanna. Pacce nyawaku anciniki runtung bansaya; anciniki ana'-anaka siagang ana' loloa sessa ri tangngana aganga ri kota-kotaya.

YEHEZKIEL 21:15

Napa'jari bansaKu tappela' kabaranianna siagang tu'guru' tatto'ro. Kuancangi kotana ke'nanga siagang anjo pa'danga, accillaka sangkamma kila', siagang sadiaya untu' ammuno.

YEHEZKIEL 21:7

Punna akkuta'nang ke'nanga angkana angngapa nukkunrareng, paumi angkanaya si'nai pa'mai'nu lanri kabara' laniaka battu. Anjo kabaraka lanapannekkereki nyawana ke'nanga, lammai limanna ke'nanga, annekkereki kulantu'na siagang tappelaki sumanga'na. Tojeng, narapi'mi wattunna, na kabusu'na anjo lakajariang ngasemmi. INakke, Batara Kaminang Tinggia anne akkana.”

KAIMANGNGANG 26:36

Sikamma taunnu ia niaka ri pammelakkang ri pa'rasangang maraenga, laKupa'jari teai sipato' malla'na, sa'genna manna sa'ra leko' kayu nairi'ja bawang anging nalangngere' nalarimo napakamma malla'. Lalariko sanrapang tau niondanga lalang ri pa'bundukanga, nampa tu'gurukko manna natenaja musu ri ampi'nu.

MIKHA 6:13

Kamma-kamma anne appakkaramulaMa' annunrung siagang angngancuru' lanri dosa-dosanu ngaseng.

PAOLE 28:65

Manna kemaeko tena nulanggappa kasannangngang, tena tampa' lakkulle nukana ikau pata; laNapa'jari lussa' sikaliko Batara siagang laNapa'jari tappu' minasako natena panrannuannu.