PIRAUNG 4:6 - KITTA' MATANGKASA'

⁶ Nihukkungi ummakKu la'bi battallangngang na hukkunganna tu Sodom le'baka sipakkida mataji bawang naancuru' lalang limanNa Allata'ala na teai tete gau' rupatau.

PIRAUNG 4:6 ပူးပေါင်းရင်းမြစ်များ

PA'JARIANG 19:24

Ti'ring appaturummi Batara bosi bara pepe' irateanna kota Sodom siagang Gomora.

PA'JARIANG 19:25

Niancuru'mi anjo ruaya kota, kammayatompa sikontu lapparaka, sikontu lamung-lamunga siagang sikontu tau niaka ammantang anjoreng.

YESAYA 24:2

Sikontu taua nakasia' ngasengi sare sangkammaya: imang-imanga siagang ra'yaka, ata niballia siagang pinggawaya, pabaluka siagang tummallia, tau appappinranga siagang tau angnginranga, kalumanynyanga siagang kasi-asia.

YEREMIA 20:16

Boli'mi kamma anjo angngeranga kabara' a'jari sangkamma anjo kota-kota niancuruka tanikamaseang ri Batara. Boli'mi kamma allangngere' tau ammarrang napakamma pa'risi' ri wattu bari'basa', siagang sa'ra ammarrang ri pa'bundukang ri tangngana alloa.

YEREMIA 23:14

Mingka Kuciniki ri Yerusalem na'bi-na'bia nagaukangi la'bi ja'dalaka pole. A'balle-ballei ke'nanga siagang a'gau' bawangi, kammayatompa naturukiangi taua a'gau' ja'dala', sa'genna manna sitau tania' ero' toba'. Untu' iNakke yangasenna anjo ke'nanga ja'dalaki sangkamma pandudu'na Sodom siagang Gomora.”

PIRAUNG 4:9

Sessai ke'nanga na mate palang-palang, lanri tena sikalimo lanakanre; ia matea lalang pa'bundukang, la'bi upakkangngangi kala mate cipuruka.

DANIEL 8:25

Lanri ia sannaki porena akkala'na, tuli lanjari balle-ballena. Lanakatampoangi kalenna, siagang tena napakainga' rioloi taua na napanraki tau jaia. Ba'lalo barani angngewai Karaeng Kaminang Lompoa. Mingka laniancuru' tongi nateaiji kagassingang rupatau.

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

MATIUS 24:21

Ri wattu battuna anjo allo-allo appakamallaka labattumi susa lompo dudua, tenayapa nale'ba' kajariang baku' nia'na linoa, siagang tenayamo nalakajariang pole ribokoanganna.

LUKAS 10:12

U'rangi, angkanaya ri allonna kiamaka sallang, lalomoangangi nipammopporang ri Allata'ala dosana taua ri Sodom, naia tau niaka ri anjo kotaya!”

LUKAS 12:47

Inai-nai palayang angngassengi ero'na karaenna, mingka tena nasadia siagang tena nagaukangi ero'na karaenna, lanicambo'mi nipasitangnga mate.