PIRAUNG 4:20 - KITTA' MATANGKASA'

²⁰ Najakkalaki ke'nanga karaeng Napilea Batara, tau napattoanga ikambe untu' lassare katallassang, siagang akkullea anjagaiki' battu ri musua.

PIRAUNG 4:20 ပူးပေါင်းရင်းမြစ်များ

PA'JARIANG 2:7

Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.

PA'JARIANG 44:30

Nakanamo pole Yehuda ri Yusuf, “Lanri kammana, karaeng, punna ammotereki anne atanta ngaseng mange ri manggena ikambe, nampa tena anjo andi'na ikambe, mattantu lamatemi manggena ikambe napakamma. Nyawana niaki ri antu anaka. Nalanri toa dudunamo, sa'genna anjo kasusaang naeranga ikambe la'jari sabaki nalamate.

2 SAMUEL 1:14

Akkanami Daud, “Barani sikaliko ambunoi karaeng Napilea Batara!”

2 SAMUEL 1:21

He, bulu'-bulu'na Gilboa, pilangngeri pakkiokku: Gassingka nabasaiko saliuka siagang bosia! Lappassangi kalotoro' naroso' kokonnu siagang parannu. Nasaba' anjorengi tassambila pa'lapa' pa'bundukanna tu baranaia. Na taiang tommo pa'lapa' pa'bundukanna Saul, tenamo naniminyaki pole.

2 SAMUEL 18:3

Mingka appialimi sikamma anjo taua angkana, “Teaki' karaeng. Nasaba' punna tarpassa musti lari ikambe, yareka manna tawaruanaja battu ri kambe mate, tenapa nasukku' pakkasia'na musua, nasaba' ikatteji naboya karaeng. Ikatte sangkammaki' sampuloa sa'bu battu ri kambe anggaranta. Nampa pole bajikangngangi akkiring maki' bantuang mae ri kambe battu lalang ri kotaya.”

2 SAMUEL 19:21

Nalangngere'na anjo kana kammaya nakanamo Abisai ana'na Zeruya, “Siratammi nihukkung mate Simei lanri le'baki natunrai karaeng le'baka Napilei Batara.”

2 PATTOTTORANG 35:25

Appareki Na'bi Yeremia se're kelong karru' untu' Karaeng Yosia. Sa'genna kamma-kamma anne anjo kelonga nipakei ri Israel ri pakelonga, baji' bura'ne kammayatompa baine, lalang pangngu'rangi kasusaang mae ri kamateanna Yosia. Anjo kelonga nipantamaki ri passe'reanna kelong-kelong karruka.

YESAYA 32:2

Yangasenna ke'nanga lamassing la'jari rapang tampa' pa'la'langngang battu ri anging siagang barubua. Rapangi ke'nanga binanga a'lo'loroka ri parang kassika, rapang pa'la'langang batu lompo ri butta kalotoroka.

YEREMIA 39:5

Mingka niondangi ke'nanga ri tantara Babel nampa najakkala' Zedekia ri lappara'na Yerikho. Nampa nierang Karaeng Zedekia mae ri Karaeng Nebukadnezar ri kota Ribla ri daera Hamat, nampa nitappuki hukkungang mate.

YEREMIA 52:8

Mingka tantara Babel naondangi Karaeng Zedekia nampa najakkala' ri lappara'na Yerikho. Sikontu ana' buana a'lampa ngasengi ampilari.

YEREMIA 52:9

Nampa nierang Karaeng Zedekia mange ri Karaeng Nebukadnezar ri kota Ribla ri daera Hamat, nampa nitappuki hukkungang mate nagappa.

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

YEHEZKIEL 12:13

Mingka laKubuangi jalaKu untu' anjakkalaki. LaKuerangi mange ri Babel, siagang anjorengi lamate natale'baka nacini' anjo kotaya.

YEHEZKIEL 17:18

Lanri nadakkaina sumpana siagang parjanjianna, takkulleai napata'lappasa' kalenna.

YEHEZKIEL 31:17

Lanarurungangi ke'nanga mange ri linona tau matea nampa asse're siagang ke'nanga rioloangnganga tu'guru'. Nampa sikontu anjo le'baka ammempo irawanganna anjo poko' kayua lanipasiaraki ri alla'na bansa-bansaya.

DANIEL 4:12

Leko'-leko'na sanna' copponna, siagang teai sipato' roasa'na rapponna, akkullei angganna' nikanre ri bonena sikontu linoa. Olo'-olo' liaraka anra'bai irawa ri la'lanna kammayatompa jangang-janganga a'ru'mungi ri tangke-tangkenna. Na sikontu apa-apa attallasaka akkullei nakanre rapponna.

HOSEA 13:10

Appalakko karaeng siagang pamimping, mingka kemaemi ke'nanga kamma-kamma anne? Maka akkullei ke'nanga ampasalamaki ra'ya'nu?

HAKING-HAKING 9:15

Appialimi anjo rompo' akkatintinga, ‘Punna attojeng-tojeng ngasengko ero' ampa'jaria karaennu, maeko a'la'lang irawangangku. Punna tena nuero' lassuluki pepeka battu ri anne tangke-tangke akkatintingku na natunu ngaseng sa'genna la'busu' sikontu poko'-poko' arasa' niaka ri Libanon.’ ”

1 SAMUEL 12:3

Kamma-kammaminne, nakuammenteng ri dallekannu ngaseng! Punna nia' kasalang le'ba' kugaukang, tuntu'ma' ri dallekanNa Batara siagang ri dallekanna karaeng Napilea. Niakka nakule'ba' angngalle sapi yareka keledai battu ri tau maraengang? Niakka nakule'ba' annipu yareka anjallakkang tau yareka annarima doe' pacoco'? Paumi, sollanna akkulle kupoterang manna naapa-apa mamo.”

1 SAMUEL 12:5

Nampa nakanamo Samuel, “Anne alloa, Batara siagang karaeng Napilea a'jari sa'bi angkanaya ma'nassa tena salangku manna pole sike'de'.” Appialimi ke'nanga angkana, “Iyo', kammatojengi, Batara a'jari sa'binta.”

1 SAMUEL 16:6

Ri wattunna a'rappungammo ke'nanga siagang nacini'mi Samuel ana'na Isai, niarenga Eliab, napikkiri'mi angkana, “Ma'nassa iaminne laNapilea Batara.”

1 SAMUEL 24:10

Kamma-kamma anne kalenta angkasiaki angkanaya ilalang ri kali'bonga sumpaeng, Napassareammi Batara kalenta mae ri atanta. Nia'mo tau anynyonyoka' sollanna kubunoki', mingka tena nakuero'. Appiali atanta angkanaya taerokai atanta ampa'risi karaenna atanta le'baka Napile Batara.

1 SAMUEL 24:6

Nakanamo ri ana' buana, “Tapporo Nakatutuia' Batara sollanna tena ku'gau' ja'dala' mae ri karaengku ia le'baka Napile Batara. Manna pole sike'de' takkullei kupa'risi, lanri iami karaeng Napilea Batara!”

1 SAMUEL 26:16

Tena nusanggu' anggaukangi tugasa'nu Abner! Lanri Batara mattallasaka, ikau ngaseng siratangko nibuno, lanri tena nanujagai karaennu, karaeng Napilea Batara. Ciniki sai, kemaei pokena karaenga? Kemaei pammoneang je'ne'na niaka ri ba'leang ulunna sumpaeng?”

1 SAMUEL 26:9

Mingka nakanamo Daud, “Teako apa-apai! Musti Nahukkungi Batara tau a'gau' ja'dalaka mae ri karaeng Napilea.