PIRAUNG 3:44 - KITTA' MATANGKASA'

⁴⁴ Anjo larroTa rapangi rammang kapalaka sa'genna takkullea nitarrusu' ri pappala' doanna ikambe.

PIRAUNG 3:44 ပူးပေါင်းရင်းမြစ်များ

PAMMUJI 80:4

O, Allata'ala, Kipammollei ikambe; lammoro' pa'mai' maKi' anciniki ikambe, nalasalama' ikambe.

PAMMUJI 80:5

O, Batara Allata'ala Kaminang Koasaya, sa'genna siapa salloTa lalarro, manna nappala' doang ummatTa?

PAMMUJI 97:2

Nikulilingi ri rammang siagang kasassangang; dasara'na pamarentahanNa iamintu kaadelang siagang hukkung.

YEREMIA 14:11

Nakana Batara ri nakke, “Teako palakki ri Nakke untu' antulungi anjo tau sikammaya.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

PIRAUNG 2:1

Nagaukangi Batara larroNa, nitongkoki Sion ri sassang. Kala'biranna Israel rapang langika tinggina, Napatappasa'mi naung ri buttaya. Ri wattu larroNa Batara, manna Balla'Na ri Sion taNajampangi.

PIRAUNG 3:8

Ammarranga' appala' tulung, mingka taerokai Allata'ala ampilangngeria'.

ZAKHARIA 7:13

Tena naKupiali pappala' doanna ke'nanga, lanri tenana todong namappilangngeri ke'nanga ri wattungKu a'bicara.