PIRAUNG 3:38 - KITTA' MATANGKASA'

³⁸ Anjo bajika siagang ja'dalaka nigaukangi lanri parentaNa bawang Batara.

PIRAUNG 3:38 ပူးပေါင်းရင်းမြစ်များ

2 SAMUEL 16:10

Mingka Nakanamo karaenga ri Abisai siagang Yoab daenna, “Teako jampangi anjo. Lappassammi nanatunraia'. Nasaba' punna Batara ansuroi, inaika akkulle angkuta'nangi angkana angngapa nappakamma anjo?”

AYUB 2:10

Appialimi Ayub angkana, “Sangkammako tau dongoka a'bicara! Masa' bajikaji bawang ero' nitarima battu ri Allata'ala, nampa kodia lanitollaki?” Jari, manna pole nanituju Ayub ri sikontu anjo balaya, mingka tena nappasulu' kana-kana ambaliangi Allata'ala.

PAMMUJI 75:7

Saba' tena nabattu raya yareka battu lau' pangngadelanga tena todong nabattu wara' yareka battu timboro'.

PANGNGEBARANG 29:26

Jai tau nangai a'boya-boya pa'mai' ri tukoasaya, mingka assarea kaadelang, Bataraji bawang.

KATO'BA 7:14

Jari, rannu mako punna natabako upa'. Mingka punna natujuko bala, teako kaluppai angkanaya Allata'ala assareko rua-rua. Taniassengai apa lakajarianga ribokoangannaya.

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

YEREMIA 32:42

Antekamma bateKu le'ba' appabattu bala mae ri anne bansaya, kammatommi anjo laKusarei ke'nanga sikontu apa baji' le'baka Kupa'janjiang mae ri ke'nanga.

AMOS 3:6

Maka latena nannekkere' tau ri kotaya punna nalangngere' sa'ra tarompe' tanra pa'bundukanga? Maka akkullei natuju bala se'rea kota, punna tena Napabattui Batara?