PIRAUNG 3:37 - KITTA' MATANGKASA'

³⁷ Punna tena Nakaerokangi Batara apa-apaya mattantu tenana nakkulle rupataua anggaukangi apa-apaya.

PIRAUNG 3:37 ပူးပေါင်းရင်းမြစ်များ

2 SAMUEL 16:10

Mingka Nakanamo karaenga ri Abisai siagang Yoab daenna, “Teako jampangi anjo. Lappassammi nanatunraia'. Nasaba' punna Batara ansuroi, inaika akkulle angkuta'nangi angkana angngapa nappakamma anjo?”

1 KARAENG-KARAENG 22:34

Sitabangi nia' sitau tantara Siria allappassangi ana' panana, natena nakunjungi angkana nai lanapitabai. Mingka anjo ana' panaya natabai Ahab na natarrusu' baju pa'bundukanna ri bageang sambunna. Ammarrammi Ahab mae ri paerang karetana angkana, “Nitaba'! Putaraki nanueranga' assulu' ri anne tampa' pa'bundukanga!”

2 KARAENG-KARAENG 6:33

Tenapa napuppusu' bicaranna Elisa, battumi karaenga anjoreng na nakana, “Anne kasusaanga Batara ampabattui mae ri katte! Jari apapi matu-matungku manrannuang ri pannulunNa?”

AYUB 10:13

Mingka anne kamma kuassemmi angkana siapa sallona tamakkana-kanaKi' anrancangi kacilakangku.

AYUB 2:10

Appialimi Ayub angkana, “Sangkammako tau dongoka a'bicara! Masa' bajikaji bawang ero' nitarima battu ri Allata'ala, nampa kodia lanitollaki?” Jari, manna pole nanituju Ayub ri sikontu anjo balaya, mingka tena nappasulu' kana-kana ambaliangi Allata'ala.

KALAPPASSANG 10:10

Nakanamo karaenga, “Assumpa' mae ri Batara, angkana ma'nassa tena nakukellaiko angngerangi tubai'-bainea siagang ana'-ana'nu. Ma'nassa singara'mi mae ri nakke angkanaya kodi ateka'nu.

PANGNGEBARANG 16:9

Akkullei rupataua appare' rancana, mingka Allata'ala ampattantui oloang tallasa'na.

PANGNGEBARANG 19:21

Rupataua jai rancanana, mingka kaputusanNa bawang Batara a'jari.

PANGNGEBARANG 21:30

Tena kaporeang, tarang pikkirang, siagang kacara'dekang akkulle attahang ri dallekanNa Batara.

YESAYA 46:10

Battu ri pakaramulanna Kupaumi apa-apa labattua ri bokoanganna, battu riolo Kutappu memammi apa lakajarianga. Kukana: Lakajarianga apa le'baka Kutappuki, mattantu Kugaukangi erokKu!

YEREMIA 23:32

INakke, Batara, langngewai na'bi-na'bi ampabattuai so'na-so'nana a'balle-ballea kabusu'. Napa'lingui ummakKu lanri balle-ballena siagang carita kosonna ke'nanga. Tena naKusuroi anjo na'bi-na'bi kammaya. Tena sikali matu-matunna ke'nanga mae ri ummakKu. INakke, Batara, anne akkana.”

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

ROMA 9:15

Nasaba' Nakana Allata'ala mae ri Musa, “LaKupappicinikangi barakkakKu, mae ri tau eroka Kupicinikiang barakkakKu, siagang laKupappicinikangi pangngamaseangKu mae ri tau eroka Kupicinikiang pangngamaseangKu.”

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.