PIRAUNG 3:31 - KITTA' MATANGKASA'

³¹ Nasaba', tena nalaNasorongbokoki' Batara untu' satunggu-tungguna.

PIRAUNG 3:31 ပူးပေါင်းရင်းမြစ်များ

2 SAMUEL 14:14

Ikatte lamate ngasengki'; ikatte anne rapangki' je'ne' tattumpaya naung ri buttaya siagang tenaya nakkulle nipasse're ammotere'. Manna Allata'ala tena todong nalaNapattallasa' ammotere' tau mateamo; lanri kammana anjo poro kiusahai laloi karaeng sollanna akkulle ammotere' poleang tau nipelaka.

1 KARAENG-KARAENG 11:39

Lanri dorakai Salomo, laKuhukkungi turunganna Daud, mingka tena nasa'genna satunggu-tungguna.’ ”

PAMMUJI 77:7

Ri wattunna bangngi kunawa-nawai, siagang akkuta'nang lalang pa'mai', angkana,

PAMMUJI 94:14

Saba' talaNabokoiyai Batara umma'Na; talaNabawang-bawangngangiai pisaka Napatanga.

YESAYA 27:8

Nahukkungi Batara umma'Na, iamintu Napelaki ke'nanga mange ri pa'rasangang maraenga. Nabongkai ke'nanga siagang anging ja'dala' niaka battu raya.

YESAYA 57:16

Tena natuli laKusalakang ummakKu; tena nauntu' situlusukKu lalarro, sollanna tena natappu' sumanga' ke'nanga, nasaba' iNakke ampattallasaki ke'nanga.

YEREMIA 31:37

Ebara' angkana nia' se're wattu nakkulle niukkuru' langika, siagang akkulle nisalidiki dapara'na rawa buttaya, iaminjo wattua nalaKusorongboko Israel lanri sikontu panggaukang ja'dala'na ke'nanga. INakke, Batara, anne akkana.”

YEREMIA 32:40

LapparekKa' parjanjiang mannannungang siagang ke'nanga. Tena Kulammari a'gau' baji' mae ri ke'nanga. LaKupa'jari mallaki ke'nanga siagang mappakalompoi ri Nakke lalang sikontu nyawana sollanna tena nabella ke'nanga ri Nakke.

YEREMIA 33:24

“Le'ba'mi nuparhatikang apa napaua taua mae ri tu Israel siagang tu Yehuda? Nakana ke'nanga angkanaya Kupela'mi anjo ruaya bansa le'baka Kupile. Iaminjo saba'na nanacini' tuna ummakKu, tenamo nabilangi salaku se're bansa.

MIKHA 7:18

Tena Allata'ala sangkammanTa, o Batara, ampammopporangai dosana umma' nipileNa niaka tassesa. Tena Kituli lalarro; kabalekanna, sannangi nyawaTa ampappicinikangi pangngainTa tenaya sanggana.

NAHUM 1:12

Na Nakanamo Batara ri Israel, umma'Na, “Manna pole anjo tu Asyur kassaki siagang jai taunna, mingka laniancuruki ke'nanga sa'genna lanynya'. He bansaKu, le'ba' mako Kupa'jari ballasa', mingka tenamo nalaKugaukang pole anjo kammaya mae ri kau.

1 SAMUEL 12:22

Le'ba'mi assumpa Batara, angkanaya tena nalaNabokoiko, lanri le'ba'namo Napattantu angkanaya laNapa'jariko umma' KalenNa.