PIRAUNG 3:24 - KITTA' MATANGKASA'

²⁴ Batara bawang, tena ruanna rapang barang-barang kupatanga. Lanri kammanami anjo, kumanrannuang mae ri Ia.

PIRAUNG 3:24 ပူးပေါင်းရင်းမြစ်များ

1 PATTOTTORANG 5:20

Anjo tantaraya tappaki ri Allata'ala siagang appala' tulungi mae ri Ia, naniturukiang pappala'na ke'nanga iamintu nisarei pammetang ke'nanga mae ri anjo tu Hagri siagang agang-aganna.

AYUB 13:15

Tena kujampangi lanri tappu' minasama'! Punna ero' Allata'ala ambunoa', kupassareang mami kalengku, mingka kupattojengi panggaukangku ri dallekanNa.

AYUB 22:25

Boli'mi kamma na Kaminang Makoasaya a'jari bulaennu, siagang a'jari pera'nu sannaka lompona anggaranna.

PAMMUJI 119:57

Ikatteji bawang kukacinnai, o, Batara, a'janjia' langgaukangi ajaranTa.

PAMMUJI 130:7

Manrannuangko mae ri Batara, he umma'Na, saba' Ia tuli mangngamaseanna, siagang tulusu' sadiana ero' appasalama'.

PAMMUJI 142:5

Ri wattungku assaile mae ri sa'ri, kuciniki angkana tena bantuangku. Tena anjagaia', yareka anjampangi kalengku.

PAMMUJI 16:5

O, Batara, iKatteji bawang Bataraku; Kisarea' sikontu apa kuparalluanga, sarengku niaki lalang limanTa.

PAMMUJI 31:24

Mangngaiko ri Batara, he, sikontu umma'Na, Najagai Batara tu tamamminraya. Mingka Nahukkungi tu tampoa tena napassanggai Nahukkung.

PAMMUJI 33:18

Najagai Batara tu mappilangngeria ia manrannuanga ri pangngamaseanNa.

PAMMUJI 42:11

Ancuru' taba sikali pa'maikku lanri nicau-cau ri musu. Tulusu' akkuta'nanna ke'nanga angkana, “Kemaeji Allata'alanu?”

PAMMUJI 42:5

Punna kuu'rangi wattu riolo si'nai pa'maikku, ri wattungku mange ri Balla'Na Batara ri Yerusalem siagang tau jaia appare' passua'-suarrang. A'jappa' ri dallekanna barisang tau jaia akkio' rannu akkelong lagu pammuji.

PAMMUJI 43:5

Angngapa nasi'na siagang lussa' pa'maikku? Manrannuanga' ri Allata'ala, na kulappala' sukkuru'mo pole mae ri Ia, ri Allata'alaku siagang Tumappasalamakku.

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PAMMUJI 71:14

Mingka inakke tuli lamanrannuanga' mae ri Katte, na pila' jai tau mammuji mae ri Katte.

PAMMUJI 73:26

Manna pole na'jari lamma nyawaku siagang batangkalengku, iKatte kagassingangku, o, Allata'ala; iKattemi yangasenna kupatanga sa'genna satunggu-tungguna.

PAMMUJI 84:12

Saba' Karaeng Allata'ala pa'la'langanta siagang Karaeng Malompo, assidakkiaki' pangngamaseang siagang kalompoang. Tale'bakai Natolla' apa bajika mae ri tau tenaya callanna ri tallasa'na.

PAMMUJI 94:19

Punna susa siagang lussa' pa'maikku, Kisaleoria' siagang Kipakarannua'.

YEREMIA 10:16

Allata'alana Yakub tena nasangkamma anjo barhala-barhalaya; Ia ampa'jari sikontu apa niaka. Arenna iamintu Batara Kaminang Koasaya; Iami le'ba' ampilei Israel a'jari umma'Na.

YEREMIA 51:19

Allata'alana Yakub tena nasangkamma anjo barhalaya; Iami ampareki sikontu apa niaka. Arenna iamintu Batara Kaminang Koasaya; le'baki Napile tu Israel a'jari umma'Na.

PIRAUNG 3:21

Mingka manna nakamma mamo ambangunji ammotere' panrannuangku, ri wattunna kuu'rangi anne passalaka:

MIKHA 7:7

Mingka ikatte manrannuangki' mae ri Batara; jarreki tappatta antayangi Allata'alata. LaNapilangngeri pappala' doanta siagang Napasalamakki'.

ROMA 15:12

Siagang kammami anne napaua pole Na'bi Yesaya, “Battu ri sossoranna Isai nia' lammumba sitau lammarentaya mae ri bansa-bansaya; Iami lanapanrannuangi anjo bansa-bansaya.”

PAOLE 18:2

Takkulleai ke'nanga nia' buttana, sangkamma suku-suku maraenga; ia natarimaya ke'nanga salaku imang-imanNa Batara iamintu bageang battu ri passare napassareanga bansa Israel mae ri Batara, sangkamma Napa'janjianga Batara.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.

1 SAMUEL 30:6

Sanna' susana ana' buana Daud, lanri tena ngasemmi bainenna siagang ana'na ke'nanga. Lanri kammana ero'mi ke'nanga ansambilai batu Daud. Jari lalang kasusaang lompomi nasa'ring Daud, mingka nipakajarreki pa'mai'na ri Karaeng Allata'alana.