PIRAUNG 3:23 - KITTA' MATANGKASA'

²³ tuli beruna tunggala' bari'basa' tojeng-tojeng, anjo Batara tena le'bakai amminra pa'mai'Na!

PIRAUNG 3:23 ပူးပေါင်းရင်းမြစ်များ

PAMMUJI 146:6

Iami ampa'jari langika siagang linoa, tamparanga siagang sikontu bonena; Ia tamamminraya satunggu-tungguna.

PAMMUJI 30:5

Kelongangi lagu pammuji-mujia mae ri Batara, he, umma'Na tamamminraya, siagang appala' sukkurukko mae ri Kaminang Matangkasaka.

PAMMUJI 36:5

Ri katinroanNa narancana kaja'dallanga; tena baji' apa nagaukanga, ja'dalaka tanatollakai.

PAMMUJI 36:6

O, Batara, pangngamaseanTa santinggi langika, tamamminraTa sa'genna rammanga.

PAMMUJI 89:33

laKuhukkungi ke'nanga paccambo' lanri tamannurukinna, laKupitujui bala ke'nanga lanri dosa-dosana.

KALAPPASSANG 34:6

Nampa allalomo Batara ri dallekanna Musa na Nakana, “INakke Batara, iamintu Allata'ala malammoro' pa'maika siagang mangngamaseanga. Anjo pangngamaseangKu alla'bi-la'bi; majarreKa' siagang tena naKulinta' larro.

YESAYA 33:2

O, Batara, Kikamaseang laloi ikambe. IKattemi panrannuanna ikambe. Kijagai ikambe ri tunggala' alloa, siagang pasalamaki ikambe ri wattu kasukkaranga.

ZEFANYA 3:5

Mingka nia' iji Batara ri anjo kotaya; tuli Nagaukangi apa annabaya siagang tale'bakai sala. Tunggala' bari'basa' mattantu Nasarei kaadelang umma'Na. Mingka, tau tenaya naassengi kaadelanga ri anjo kotaya, tuli tenana siri'na a'gau' ja'dala'.

TITUS 1:2

situru' panrannuanga mae ri katallassang sitojennaya siagang mannannunganga. Le'ba'mi Napa'janjiang Allata'ala anjo katallassanga ri wattu tenanapa nanipa'jari anne linoa; natena olona la'balle-balle Allata'ala.

IBRANI 10:23

Paralluko anna'gala' jarre' mae ri panrannuang le'baka nimangakui, nasaba' tappakki' angkanaya laNarupai janjinNa Allata'ala.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.