PIRAUNG 3:2 - KITTA' MATANGKASA'

² Pila' bellama' nire'resang antama' ri tampa' sassang makkapuka.

PIRAUNG 3:2 ပူးပေါင်းရင်းမြစ်များ

AYUB 18:18

Battu ri singaraka nibongkai antama' ri sassang; nibongkai battu ri lino katallassang.

AYUB 30:26

Kuminasai mate'nea siagang singaraka, mingka kasukkarrang siagang kasassangang battu.

YESAYA 59:9

Nakana anjo bansaya mae ri Allata'ala, “Kamma-kamma anne naassemmi ikambe angkana angngapa natena Kipasalamaki ikambe battu ri tau anjallakkangai ikambe. Attayangi singara' ikambe, mingka ia niaka sassanji bawang.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEREMIA 4:23

Accinika' mae ri buttaya, kosongi naroso' nicini', acconga' nai' ri langi', angngapa natena apa-apa accaya.

PIRAUNG 2:1

Nagaukangi Batara larroNa, nitongkoki Sion ri sassang. Kala'biranna Israel rapang langika tinggina, Napatappasa'mi naung ri buttaya. Ri wattu larroNa Batara, manna Balla'Na ri Sion taNajampangi.

PAOLE 28:29

Angngosalakko sangkamma tau buta ri tangngallo sassa'na alloa, mingka tena nubuntuluki oloanga. Sikontu usahanu lasala ngasengi. Tuli lanijallakkangko siagang tuli niellakko, nampa tena manna sitau akkulle antulungko.

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

YUDAS 1:6

U'rangi tongi sikamma malaeka' eroka appanggaukang allaloangai kakoasanna ke'nanga, sa'genna a'lampa ke'nanga ambokoi pammantanganna. Nisikko'mi ri Allata'ala sikamma anjo malaekaka siagang rante tamattappuka, irawa ri tampa' sassanga rawanganna buttaya. Anjoremmi ke'nanga nitahang turus, sa'genna nitappuki hukkunganna ke'nanga ri Allo sannaka heba'na sallang.