PIRAUNG 2:8 - KITTA' MATANGKASA'

⁸ Le'ba'mi Natappuki Batara angkanaya musti niruntungi tembo'-tembo'na Sion. Le'ba'mi Naukkuru' anjo tembo'-temboka, sollanna akkulle kabusu' Naruntung. Anne kamma sikontu tembo'-tembo'na siagang menarana a'jari loro kabusu'mi.

PIRAUNG 2:8 ပူးပေါင်းရင်းမြစ်များ

2 SAMUEL 8:2

Nabeta tommi Daud tu Moab. Nasuroi ke'nanga attinro ri buttaya, nampa nabuno ta'rua lalang tattallua tau. Jari, tundu'mi tu Moab mae ri Daud siagang a'bayara'mi passare ke'nanga mae ri ia.

2 KARAENG-KARAENG 21:13

LaKuhukkungi Yerusalem sangkamma batena Kuhukkung Samaria siagang Ahab karaeng Israel kammayatompa jari-jarina. LaKubarrasaki sa'genna tangkasa' sanrapang panne le'baka nibissai nampa nipatinompang.

AYUB 13:21

ammari maKi' ansessa', siagang teaKi' pitujuia' kahebakkanTa!

YESAYA 22:5

Memang, KalenNa Batara Kaminang Tinggia siagang Kaminang Makoasaya le'ba' ampattantui anne alloa a'jari allo karicuang, kagegerang, siagang pa'beserang ri Ka'bung Paccinikang. Sikamma tembo'na kotaya lanirumbangi. Kemae-kemae nia' kalangngerang sa'ra ammarrang appala' tulung ri buluka.

YESAYA 28:17

Kaadelanga laKupa'jari pa'baku', siagang kalambusanga Kupa'jari pangngukkuru'.” Bosi batua lambarrasaki sa'genna tangkasa' sikamma balle-balle nupattoanga. A'baya langnganyukkangi tampa' paccokkoannu.

YESAYA 3:26

Ri sikamma pakke'bu' lompona kotaya lasusai taua lanri kamateangi siagang lappiraungi, nampa kalenna anjo kotaya lasanrapangi baine nisolarri, ammempo naung ri buttaya.

YESAYA 34:11

Kiti'balang siagang landa' lammantang anjoreng, kammayatompa kokocika siagang kalaa'. LaNapa'jari ricui siagang kosongi Batara anjo buttaya sangkamma tenanapa apa-apa nipa'jari.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YEREMIA 14:2

“Si'nai pa'mai'na Yehuda a'birimmi kamma mate kota-kotana. Anra'bami naung taunna ri buttaya nakkunrareng. Ammuriciki Yerusalem appala' tulung.

YEREMIA 5:10

LaKusuroi musua ampanraki koko anggoro'na ke'nanga, mingka tena napanraki taba sikali. LaKusuroi anjo musua ambattasaki tangke-tangke anggoro'na ke'nanga, nasaba' anjo tangke-tangkea teai iNakke ampatangi.

YEREMIA 52:13

Nebuzaradan natunui Balla'Na Batara, balla' karaenga, siagang balla'na sikontu pamimpinga ri Yerusalem.

PIRAUNG 2:17

Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

PIRAUNG 2:18

He tembo'-tembo'na Yerusalem, akkiokko mae ri Batara! Pamatti'mi je'ne matannu rapang binanga assolonga je'nena allo bangngi. Angngarru' tulusukko, teako ammari sa'genna mangngang nusa'ring!

PIRAUNG 2:2

Sikontu parang ruku' ri pa'rasangang Yehuda, Naancuru' tamammaling-maling. Narappasaki napakamma larro sa'genna runtung sikamma pattahanganna angkallikai anjo pa'rasanganga. Anjo kakaraenganga na sikamma pamimpinna Naruntummi sa'genna nipakatuna.

PIRAUNG 2:5

A'jarimi rapang musu Batara; Natunrungi Israel sa'genna runtung. Naancuru' sikontu pattahangnganga siagang balla' karaenga, na pila' Natambai susana pandudu' niaka ri Yehuda.

YEHEZKIEL 20:22

Mingka tena naKugaukangi sollanna tena nanihinai arengKu ri bansa-bansa ancinikai ke'nanga bansa Israel Kuerang assulu' battu ri Mesir.