PIRAUNG 2:6 - KITTA' MATANGKASA'

⁶ Naancuruki Balla'Na tampa' pa'rappunganna umma'Na untu' anynyomba ri Ia. Napatakkaluppai taua ri allo Pammari-marianga siagang allo-allo lompoa. Lanri tamaka larroNa Batara, Nasorongbokomi imanga siagang karaenga.

PIRAUNG 2:6 ပူးပေါင်းရင်းမြစ်များ

PAMMUJI 74:7

Natunui BallatTa sa'genna cappu'; nara'massi tampa' panynyombanga mae ri Katte.

PAMMUJI 76:2

Alla'bangi niasseng Allata'ala ri Yehuda; masahoroki arenNa ri Israel.

PAMMUJI 80:12

Tangke ca'dina a'la'baki sa'genna mange ri Tamparang Tangngaya, pucu'-pucu'na narapiki Binanga Efrat.

PAMMUJI 89:40

Kikaluppai parjanjianTa siagang atanTa, Kipasambilai empoang kala'biranna antama ri cammaraka.

YESAYA 1:13

Tena matu-matunna nuerang anjo passarea. ErokkA' ta'langnge angngaraki rasanna. BirisikkA' siagang tena Kuparrang ancinikko ampakalompoi Bulang Berua, allo-allo Pammari-marianga, allo-allo lompo kammayatompa sikamma passirapakkang agamanu. Yangasenna anjo nurantassi lanri dosa-dosanu, siagang a'jarimi erangngang battala' mae ri Nakke; mangngamMa' Kusa'ring angngerangi.

YESAYA 1:8

Yerusalem mami ammantang, mingka anjo kotaya nikulilingimi ri musu, tenamo kullena; rapang mami balla' koko ca'di ri koko anggoroka, yareka balla' kepo-kepo ri koko bonteka.

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

YESAYA 63:18

Angngapa Kilappassangi musua angngonjo'-onjokangi BallatTa, siagang nara'massi taua bulu' matangkasatTa?

YESAYA 64:11

Balla'Na Allata'ala matangkasaka siagang mala'birika tampa'na boe-boena ikambe mammuji-muji mae ri Katte, le'ba'mi niancuru' ri pepe'; Sikontu tampa' nangaia ikambe a'jarimi rumbangang.

YEREMIA 17:27

Yangasenna anjo lakajariangi punna mannurukiko mae ri Nakke siagang nusa'la' allo Pammari-marianga untu' iNakke. Teako angngangkaki barang-barang apa mamo allalo ri sikamma pakke'bu' lompona Yerusalem ri anjo alloa. Punna nudakkai anjo parenta-parentaKu, laKutunui pepe' sikamma pakke'bu'na Yerusalem siagang sikamma balla' karaenna sa'genna la'busu'; na anjo pepeka takkulleai nibuno.’ ”

YEREMIA 42:18

Sangkamma iNakke, Karaeng Allata'alana Israel Kutumpai kalarroangKu siagang kalussakkangKu mae ri pandudu'na Yerusalem, kamma tomminjo laKutumpai kalussakkangKu mae ri kau ngaseng a'lampaya mange ri Mesir. Lamallaki taua ancinikko; lanihinako, siagang lanipakei arennu a'jari kana pattunra. Tenamo nalanucini' pole butta passolongang cera'nu.”

YEREMIA 45:4

He Barukh! INakke, Batara, anruntung siagang ambangungi apa le'baka Kubangung, siagang ambi'buki apa le'baka Kulamung. Sikontu linoa Kupakamma ngasengi anjo.

YEREMIA 50:28

Sikamma tau laria mange ri Yerusalem battu ri Babel nacaritai antekamma batena Karaeng Allata'alata ambalasaki panggaukanna tu Babel mae ri Balla'Na Batara.)

PIRAUNG 1:4

Ri wattu allo-allo lompoa tenamo manna sitau battu mange ri Balla'Na Allata'ala. Sikamma tulolo pakelong niaka anjoreng ballasa'mi na sikamma imanga akkunrareng tommi. Tenamo tau ri sikontu pakke'bu' lompoa, sangnging si'na mami ri Kota Sion.

PIRAUNG 4:16

Tenamo naNaparhatikangi Batara umma'Na; Ia KalenNa ampasimbungi ke'nanga ampa'jari tanianggara'mo imang-imanna; tenamo angkamaseangi sikamma pamimpinga.

PIRAUNG 4:20

Najakkalaki ke'nanga karaeng Napilea Batara, tau napattoanga ikambe untu' lassare katallassang, siagang akkullea anjagaiki' battu ri musua.

PIRAUNG 5:12

Pamimping-pamimpinna ikambe nijakkalaki nampa nigentung, tau-tau toana ikambe tenamo nanipakalompoi.

YEHEZKIEL 17:18

Lanri nadakkaina sumpana siagang parjanjianna, takkulleai napata'lappasa' kalenna.

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

ZEFANYA 3:18

Lanri ikau Nakkelong rannu rapang tau assua'-suaraka.” Nakana Batara, “Bala eroka battu antujuko Kupattaenai. Kupattaenami katunaannu.

MALEAKHI 2:9

Na iNakke lampa'jari natunaiko umma' Israel lanri tenana numannuruki ri erokKu, kammayatompa lanri nupasimmara'-maraenna taua ri wattunna nuajara' ummakKu.”