PIRAUNG 2:21 - KITTA' MATANGKASA'

²¹ Tau toa tau rungka tattalasa' mate ri aganga, turungka bura'ne baine mate lanri pa'dang. Ri wattu larroTa, tamammaling-malingKi' ansamballei ke'nanga.

PIRAUNG 2:21 ပူးပေါင်းရင်းမြစ်များ

2 PATTOTTORANG 36:17

Napagio'mi Batara atinna karaeng Babel sollanna battu ambunduki ke'nanga. Anjo karaenga nabunomi tu Yehuda rungka-rungkaya, kammayatompa ia niaka lalang ri Balla'Na Batara. Tena manna sitau nakamaseang, tau toa yareka tau rungka, bura'ne yareka baine, tau garring yareka tau tagarring. Nipassareang ngasengi ri Allata'ala ke'nanga mae ri karaeng Babel.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

YEREMIA 11:22

Lanri kammana anjo, Nakanamo Batara Kaminang Koasaya, “LaKuhukkungi ke'nanga! Sikamma tau rungkana ke'nanga lamatei lalang pa'bundukang, lamate cipuruki ana'-ana'na ke'nanga.

YEREMIA 13:14

Nampa laKupasiruppa ke'nanga massing para ia. Tau toa siagang tau rungka laKupakamma ngaseng nampa tena nalanipammopporang. LaKupanraki ke'nanga, tena Kupassayangi yareka tena naKukamaseangi. INakke, Batara, anne akkana.”

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

YEREMIA 21:7

Ikau siagang sikamma pagawenu kammayatompa sikamma tau ta'lappasaka battu ri pa'bundukanga, kacipurang siagang garring, yangasenna laKulappassangko najakkala' Karaeng Nebukadnezar siagang musu-musu eroka ambunoko. Lanabuno ngasengko Nebukadnezar, tena nalanapammopporangko siagang tena nalanakamaseangko. INakke, Batara, anne a'bicara.”

YEREMIA 4:31

Allangngereka' sa'ra kunrareng rapang baine eroka ammana'; rapang baine lolo allassukanga ana' bungasa', kammaminjo karru'na Yerusalem siagang sukkara'na a'mai'. Akkaeng-kaengi limanna nakkunrareng, angkana, “Bala kugappa – lanibunoa' ri musua!”

YEREMIA 51:22

Kupakeko untu' ambunoi bura'nea siagang bainea, tau toaya siagang tau rungkaya, tau loloa siagang rungka tenayapa bainenna.

YEREMIA 6:11

Anjo larroTa mae ri ke'nanga a'bara tongi lalang ri kalengku, Batara! Sukkaraki lakuparrangngi.” Nampa Nakana Batara, “Pa'betteseki anjo larroa mae ri ana'-ana' niaka ri sikamma agang lompoa siagang mae ri sikamma tau rungka sitabanga a'rappung. Lanijakkalaki sikamma bura'nea siagang bainea, kammayatompa sikamma tau toa duduamo umuru'na tena todong nalata'lappasa'.

YEREMIA 9:20

Kukana, “Pilangngeri kana-kananNa Batara he ikau ngaseng tubainea! Pangngajarrangi mae sikamma tulolonnu kelong-kelong karruka, mange ri agang-agannu kelong-kelong kasusaanga.

YEREMIA 9:21

Antama'mi kamateanga ri tontonganga, annarrusu' antama' ri balla' karaenga; nabakkai ana'-anaka ri aganga kammayatompa turungkaya ri paranga.

PIRAUNG 1:15

Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.

PIRAUNG 1:18

Mingka Batara bawang tojeng, lanri kudakkai parentaNa. Pilangngeri, ikau bansa-bansaya, cinikka' lalang ballasakku. Nitahangi turungkaku siagang tulolongku, na nilaling mange ri pammelakkanga.

PIRAUNG 1:4

Ri wattu allo-allo lompoa tenamo manna sitau battu mange ri Balla'Na Allata'ala. Sikamma tulolo pakelong niaka anjoreng ballasa'mi na sikamma imanga akkunrareng tommi. Tenamo tau ri sikontu pakke'bu' lompoa, sangnging si'na mami ri Kota Sion.

PIRAUNG 2:17

Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

PIRAUNG 2:2

Sikontu parang ruku' ri pa'rasangang Yehuda, Naancuru' tamammaling-maling. Narappasaki napakamma larro sa'genna runtung sikamma pattahanganna angkallikai anjo pa'rasanganga. Anjo kakaraenganga na sikamma pamimpinna Naruntummi sa'genna nipakatuna.

PIRAUNG 3:43

Kiondangi ikambe nampa Kibuno taccokkomi pangngamaseanTa lalang ri larroTa.

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

YEHEZKIEL 7:4

Tena nalaKukamaseangko yareka tena nalaKupammopporangko. LaKuhukkungko situru' sikontu kakodiang le'baka nugaukang. Jari nuassemmi angkanaya iNakkemi Batara.”

YEHEZKIEL 7:9

Tena nalaKukamaseangko yareka tena nalaKupammopporangko. LaKuhukkungko situru' sikontu panggaukang kodi le'baka nugaukang. Jari nuassemmi angkanaya iNakke Batara siagang iNakke anghukkungko.”

YEHEZKIEL 8:18

Lanapisa'ringi ke'nanga pangngalarroi lompoKu! Tena nalaKumaapakkang siagang laKupammopporang ke'nanga. Manna pole na'gora-gora lompo tojeng ke'nanga appala' doang ri Nakke, tena nalaKupilangngeri ke'nanga!”

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

AMOS 4:10

AppabattuA' garring mae ri kau sangkamma Kupabattua mae ri Mesir. Sikamma tau rungkanu Kubunoi lalang pa'bundukang, siagang sikamma jarannu Kurampasaki. Kubonei pakkemaannu siagang bakke-bakke sa'genna sanna' botto'na nuara'. Mingka manna pole nakamma, tena tongijapa nummotere' ri Nakke.

AMOS 8:13

Anjo alloa, ba'lalo manna tau rungka tamangngapa-apaya latena ngaseng nangngu'rangi napakamma turere.

ZAKHARIA 11:6

TaerokaMa' mangngamaseang pole manna pole mae ri nai anrinni ri pa'rasanganga. KalengKu lampassareangi sikontu pandudu'na mae ri sikamma tukoasaya. Anjo ke'nanga langngancuruki anne pa'rasanganga, nampa tena nalaKurampasa' ammotere' battu ri kakoasanna ke'nanga.”

PAOLE 28:50

Sekkeki ke'nanga siagang manna inai talanakamaseangi, baji' tau toa kammayatompa tau rungka.

PAOLE 32:25

Bundu' angngeranga kamateang niaki ri sikamma oloanga, manna ammantanga ri balla' nabattui todong malla'. Turungkana bansaya lamatei, ana' lolo na tau toa dudu tena passangalinna.

YOSUA 6:21

Sikamma tau niaka lalang ri anjo kotaya, tau toa yareka tau rungka, bura'ne yareka baine, nabuno ngasemmi ke'nanga siagang pa'dang. Manna sikontu olo'-oloka kammayami sapi, gimbala', siagang keledai nabuno ngaseng tongi ke'nanga.

1 SAMUEL 15:3

Jari a'lampako siagang bunduki tu Amalek na nuancuru' sikamma apa-apanna ke'nanga. Teako niakki apa-apa nuboli' tassesa. Bunoi sikontu tu bura'nea, bai'-bainea, ana'-anaka, siagang ana' loloa. Kammayatompa sapia, gimbalaka, untaya siagang keledaia.”