PIRAUNG 2:2 - KITTA' MATANGKASA'

² Sikontu parang ruku' ri pa'rasangang Yehuda, Naancuru' tamammaling-maling. Narappasaki napakamma larro sa'genna runtung sikamma pattahanganna angkallikai anjo pa'rasanganga. Anjo kakaraenganga na sikamma pamimpinna Naruntummi sa'genna nipakatuna.

PIRAUNG 2:2 ပူးပေါင်းရင်းမြစ်များ

AYUB 2:3

Akkuta'nammi Batara angkana, “Apaka le'ba'mi nuparhatikang atangKu Ayub? Ri sikontu linoa, tena tau sangkamma baji' pa'mai'na siagang majarre'na tappa'na. Anynyombai mae ri Nakke, siagang tena sikali na'gau' kodi. Tuli majarre'na tappa'na mae ri Nakke, manna pole le'ba'Ma' nunyonyo' ampitujui bala, manna natena passabakkanna.”

PAMMUJI 21:9

LaNajakkala' ngasengi sikontu musunna, laNaallei sikamma tu mangngabirissia ri KalenNa.

PAMMUJI 74:7

Natunui BallatTa sa'genna cappu'; nara'massi tampa' panynyombanga mae ri Katte.

YESAYA 22:5

Memang, KalenNa Batara Kaminang Tinggia siagang Kaminang Makoasaya le'ba' ampattantui anne alloa a'jari allo karicuang, kagegerang, siagang pa'beserang ri Ka'bung Paccinikang. Sikamma tembo'na kotaya lanirumbangi. Kemae-kemae nia' kalangngerang sa'ra ammarrang appala' tulung ri buluka.

YESAYA 23:9

Batara Kaminang Makoasaya, Iami angngalle kaputusang kamma anjo. Ia antappuki untu' ampa'le'baki kaborroanna pandudu'na mae ri sikamma wassele' le'baka nagappa ke'nanga, siagang napakatuna sikamma tau kaminang malompoa ri lino.

YESAYA 25:12

Sikamma tembo' pattahanganna Moab siagang tembo'-tembo' tinggina ke'nanga lanirumbangi nampa nipatappasa' naung ri buttaya sa'genna ancuru' sangkamma limbu'bu'.

YESAYA 26:5

Napakatunai Batara tau tampoa; Naancurukui kota pattahanganna ke'nanga, na Napasilappara' siagang buttaya.

YESAYA 27:11

Punna kalotoro'mo siagang tepo'mo anjo tangke-tangke kayua, battumi bai'-bainea angngalle nampa napa'jari kayu tunuang. Anjo bansaya tena apa-apa napahang, jari tena nalanisayang yareka tena nalanikamaseang ke'nanga ri Allata'ala Mappa'jarina.

YESAYA 43:28

imang-imannu narantassi ballakKu. Jari Kupassareammi nihina Israel, Kubalang parekangi turunganna Yakub nitumpasa'.”

YESAYA 47:6

Riolo larroA' mae ri ummakKu, tenamo naKukana iNakke ampatangi. Nampa Kupassareang ke'nanga mae ri kau, nampa tena nukamaseangi ke'nanga, ba'lalo manna tau toa-toaya nujallakkang nukapallaki todong.

YEREMIA 13:14

Nampa laKupasiruppa ke'nanga massing para ia. Tau toa siagang tau rungka laKupakamma ngaseng nampa tena nalanipammopporang. LaKupanraki ke'nanga, tena Kupassayangi yareka tena naKukamaseangi. INakke, Batara, anne akkana.”

YEREMIA 19:15

angkanaya Batara Kaminang Koasaya, Allata'alana Israel, akkana kammai anne, “Lanri kapala batunu siagang taerokako mappilangngeri, laKupabattui sikontu balaya mae ri anne kotaya siagang sikontu desa niaka ri tammulilina, iamintu bala le'baka Kurancana.”

YEREMIA 21:7

Ikau siagang sikamma pagawenu kammayatompa sikamma tau ta'lappasaka battu ri pa'bundukanga, kacipurang siagang garring, yangasenna laKulappassangko najakkala' Karaeng Nebukadnezar siagang musu-musu eroka ambunoko. Lanabuno ngasengko Nebukadnezar, tena nalanapammopporangko siagang tena nalanakamaseangko. INakke, Batara, anne a'bicara.”

YEREMIA 5:10

LaKusuroi musua ampanraki koko anggoro'na ke'nanga, mingka tena napanraki taba sikali. LaKusuroi anjo musua ambattasaki tangke-tangke anggoro'na ke'nanga, nasaba' anjo tangke-tangkea teai iNakke ampatangi.

PIRAUNG 2:17

Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

PIRAUNG 2:21

Tau toa tau rungka tattalasa' mate ri aganga, turungka bura'ne baine mate lanri pa'dang. Ri wattu larroTa, tamammaling-malingKi' ansamballei ke'nanga.

PIRAUNG 2:5

A'jarimi rapang musu Batara; Natunrungi Israel sa'genna runtung. Naancuru' sikontu pattahangnganga siagang balla' karaenga, na pila' Natambai susana pandudu' niaka ri Yehuda.

PIRAUNG 3:43

Kiondangi ikambe nampa Kibuno taccokkomi pangngamaseanTa lalang ri larroTa.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

YEHEZKIEL 7:4

Tena nalaKukamaseangko yareka tena nalaKupammopporangko. LaKuhukkungko situru' sikontu kakodiang le'baka nugaukang. Jari nuassemmi angkanaya iNakkemi Batara.”

YEHEZKIEL 7:9

Tena nalaKukamaseangko yareka tena nalaKupammopporangko. LaKuhukkungko situru' sikontu panggaukang kodi le'baka nugaukang. Jari nuassemmi angkanaya iNakke Batara siagang iNakke anghukkungko.”

YEHEZKIEL 8:18

Lanapisa'ringi ke'nanga pangngalarroi lompoKu! Tena nalaKumaapakkang siagang laKupammopporang ke'nanga. Manna pole na'gora-gora lompo tojeng ke'nanga appala' doang ri Nakke, tena nalaKupilangngeri ke'nanga!”

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

MIKHA 5:14

Lalang allumpana larroKu laKubalasaki kaja'dallanna sikontu bansa tenaya namannuruki ri Nakke.”

MALEAKHI 1:4

Ebara' angkana anjo jari-jarina Esau, iamintu tu Edom angkanai, “Le'ba'mi niancuru' kota-kotana ikambe, mingka lanabangungi ikambe ammotere',” lappialimi Batara angkana, “Akkullei nabangung ke'nanga ammotere', mingka laKurumbangi. Laniarengi ke'nanga ‘Pa'rasangang Bassung’ siagang ‘Bansa natabaia pangngalarroinNa Batara sa'genna satunggu-tungguna.’ ”

MATIUS 18:33

Maka tasiratangai nukamaseang anjo agannu sangkamma todong batenu kukamaseang?’

2 KORINTUS 10:4

Kagassinganna ikambe lalang anggaukangi anne jama-jamanga teai kagassingang battu ri anne linoa, passangalinna kagassingang battu ri Allata'ala. Iaminjo kagassinganga napake ikambe angngancuruki kagassinganna linoa, antepoki bicara pa'geakkanga,

PAOLE 28:52

Lanabunduki ngasengi sikamma kota niaka ri pa'rasangang Napassareanga Karaeng Allata'alanu mae ri kau. Anjo tembo'-tembo' kalli' tinggia siagang nukanaya kassa' siagang nupattoanga laruntung ngasengi.

PAOLE 32:22

A'rinrai larroKu rapang pepe' ampakamutungi sikamma apa niaka mattompo' butta; a'le'lereki pepeka sa'genna sirinna langika, antunui monconga sa'genna aka'-aka'na.