PIRAUNG 2:19 - KITTA' MATANGKASA'

¹⁹ Ambangungko ma'mole-mole tuntung bangngi untu' akkio' ampasuluki bone atinnu ri Batara. Palaki sollanna Mangngamaseang ri ana'-ana'nu naallea cipuru' takkaluppaya ri tunggala' panyingkulu'na aganga.

PIRAUNG 2:19 ပူးပေါင်းရင်းမြစ်များ

AYUB 3:24

Sambenna angnganrea, akkunrarenga', tena ammariku a'rikong.

PAMMUJI 119:55

Ri wattunna bangngi mangngu'rangia' mae ri Katte, o Batara, tuli kuta'gala'na hukkunTa.

PAMMUJI 134:2

Angkaki na nupatara limannu ri tampa' matangkasaka, siagang pujimi Batara!

PAMMUJI 141:2

Kitarimai pappala' doangku lalang koro'bang dupa, siagang kupatara limangku a'jari koro'bang bangngi.

PAMMUJI 142:2

Kulompoi sa'rangku akkio' mae ri Batara; kugassingi sa'rangku appala' bantuang battu ri Ia.

PAMMUJI 142:3

Akkunrarenga' ri dallekanNa; kupaui sikontu kasusaangku mae ri Ia.

PAMMUJI 28:2

Pilangngeri pappalakku punna akkioka' appala' tulung, Kiangkaki limangku mae ri Balla' matangkasatTa.

PAMMUJI 42:3

Nakkuka' ri Allata'ala mattallasaka, angngapapi kunampa akkulle mange assambayang ri Balla'Na?

PAMMUJI 42:4

Allo bangngia' angngarru', je'ne' mata mami kanre-kanreangku. Sila'busu'na alloa akkuta'nang musungku angkana, “Kemaeji Allata'alanu?”

PAMMUJI 62:8

Iami Allata'ala assarea' kasalamakkang siagang kalompoang, Iami pa'la'langangku siagang angngagangnganga' makassaka.

PAMMUJI 63:4

Lompoangangi anggaranna pangngamaseanTa na tallasaka, lanri kammana minjo kummuji ri Katte.

YESAYA 26:9

Punna bangngi, nakkuki nyawaku mae ri Katte, punna bari'basa' mattayangi atingku. Punna sallang Kiadeli buttaya, lanaassemmi pandudu'na linoa apa annabaya.

YESAYA 51:20

Tunggala' ri cappa'na aganga tu'guru' ngasengi taunnu lanri cappu'mi kagassinganna rapang jonga nialle ri tado'. Nitujui ke'nanga ri pangngalarroiNa Batara, siagang nitabai ri pangga'gara'Na Allata'alanu.

YEREMIA 14:18

Punna mangea' ri paranga, kuciniki maya'-maya'na tumatea lanri pa'bundukang. Kuciniki lalang ri kotaya kasessanga, tau a'biringa mate naalle cipuru'. Na'bia siagang imanga nagaukangi jama-jamanna natanassenga apa battuanna apa nagaukanga ke'nanga.”

YEREMIA 9:20

Kukana, “Pilangngeri kana-kananNa Batara he ikau ngaseng tubainea! Pangngajarrangi mae sikamma tulolonnu kelong-kelong karruka, mange ri agang-agannu kelong-kelong kasusaanga.

YEHEZKIEL 5:10

Tau toaya lanakanrei ana' kalenna siagang anaka lanakanrei tau toana. Kammami anjo batena laKuhukkung ke'nanga, siagang ia attallasaka ija laKupasiaraki mae ri sikontu tampa' maraenga.

YEHEZKIEL 5:16

LaKuancuruki parsadiaang kanre-kanreannu siagang Kubalang parekangi pandudu'nu naalle cipuru'. Lanakasiaki ke'nanga pa'risi'na kacipuranga, sanrapang ana' pana ciduka antarrusuki kalennu siagang ampanrakiko.

MIKHA 1:16

He tu Yehuda, polongi uu'nu salaku tanra susa mae ri ana'-ana'nu nukamaseanga. Cukkuruki ulunnu sa'genna a'gondolo' rapang jangang-jangang pakanre bakkea, nasaba' laniengkaki ana'-ana'nu mange ri butta pammelakkanga.

NAHUM 3:10

Mingka manna nakamma, nijakkala' tonji pandudu'na Tebe na niengka' mange ri pammelakkanga. Ri sikontu panyingkulu' aganga, niba'ji-ba'ji ana'-ana'na sa'genna mate. Sikamma tumalompona nirantei siagang rante siagang nibage-bagei ri tu antahangai.

MATIUS 14:25

Ri wattunna subumo, nia'mi Isa battu, a'jappa irate ri tompo'na je'neka.

MARKUS 1:35

Ammukona, ri wattu subuna ija, ambangummi Isa nampa a'lampa ambokoi ballaka. Mangei ri tampa' sino-sinoa ri pantaranganna kotaya. Mangei anjoreng appala' doang.

MARKUS 13:35

Jari paralluko a'jaga-jaga, nasaba' tena nuassengi ringngapanna nalammotere' patanna balla'. Akkulle ri wattu karuenna alloa, akkulle ri tangnga bangngia, akkulle ri wattu subua, yareka ri wattu lammumbana alloa.

LUKAS 6:12

Anjo wattua naiki Isa ri se'reang bonto, untu' appala' doang. Appala' doangi anjoreng sipattang bujuru'.

1 TIMOTIUS 2:8

Manna pole kemae, sikamma tu bura'nea kukellai assambayang siagang ati matangkasa', takkulleai nagaukang lalang kalarroang yareka passisala-salang.

HAKING-HAKING 7:19

Ri la'birinnamo lantang bangngia, battumi Gideon siagang taunna mange anjoreng ri pa'baeng-baenna tampa' kemana musunna. Anjo wattua beru nisambei tau a'jagaya ri anjo tampa' kemaya. Nanatui'mo tarompe'na Gideon siagang tarompe'na sikontu tau niaka ri reguna, na nasungke tommo pammantangang sulona.

1 SAMUEL 1:15

Mingka appialimi Hana angkana, “Tena nakunasa'ring, bapa', siagang tena sikali nakuangnginung anggoro'! Nakke tappu' panrannuanga', siagang sitabanga' appala' doang ancarita ngasengi kapa'risangku mae ri Batara.

1 SAMUEL 7:6

A'rappungang ngasemmi ke'nanga ri Mizpa. Anynye'ro'mi ke'nanga je'ne' nampa napatiri' salaku passare mae ri Batara, nampa appuasa ke'nanga siallo kabusu', anjo alloa. Nakanamo ke'nanga, “Dorakami ikambe mae ri Batara.” (Anjoremmi ri anjo Mizpa napakaramulai Samuel ampakabajiki sikamma parkara passisala-pasalanga ri tu Israel.)