PIRAUNG 2:17 - KITTA' MATANGKASA'

¹⁷ Nagaukammi pa'gammara'Na Batara apa le'baka Narancana riolo na Napappakaingakkang mae ri katte. Tamammaling-malimmi angngancurukki', Nasarei musua pammetang. Napa'jari rannui ke'nanga anciniki katu'guranta.

PIRAUNG 2:17 ပူးပေါင်းရင်းမြစ်များ

1 KARAENG-KARAENG 9:7

laKubongkai ummakKu Israel battu ri pa'rasangang le'baka Kupassareang mae ri ke'nanga. LaKubokoi tongi anne balla' le'baka Kupattantu untu' a'jari tampa' passambayangannu mae ri Nakke. Kemae-kemae bansa Israel lanihina siagang lanikakkali.

PAMMUJI 35:24

Pattojenga', saba' adelekKi', o, Batara Allata'alaku, teaKi' lappassangngi musua anggoraia'.

PAMMUJI 35:26

Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.

PAMMUJI 38:16

Mingka manrannuanga' ri Katte, o, Batara, na iKatte, Batara Allata'alaku, Kipialia'.

PAMMUJI 89:42

Sikontu tau allaloa anrampasaki apa-apanna, a'jari tunicau-caui ri bansa-bansa siampi'na.

PAMMUJI 89:43

Kisarei pammetang musu-musunna, Kipa'jari rannu ngasengi sikontu balinna.

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

YEREMIA 18:11

Nakana Batara ri nakke, “Kamma-kamma anne, pabattui mae ri sikamma tu Yehuda siagang pandudu'na Yerusalem angkanaya kamma-kamma anne apparekKa' rancana untu' ambaliangi ke'nanga, siagang Kupasadiangi ke'nanga hukkungang. Suroi ke'nanga ampamari cara tallasa'na ke'nanga dorakaya kammayatompa napakabajiki panggaukanna ke'nanga.

YEREMIA 4:28

Lasusai buttaya, sassang makkapuki langika. Le'ba'mi akkana Batara siagang talaNapinrayami rancanaNa. Le'ba'mi Napattantu Natappuki talammonokai manna sike'de'.

YEREMIA 40:3

Kamma-kamma anne Nagaukammi anjo kammaya, lanri dorakami bansanu siagang taerokai mannuruki mae ri Ia.

PIRAUNG 1:5

Pore ngasemmi musu-musunna lanri akkullena nakoasai ke'nanga. Nipa'risi ri Batara, lanri majaina dosana. Nitahammi pandudu'na, na nilaling mange ri butta pammelakkang.

PIRAUNG 2:8

Le'ba'mi Natappuki Batara angkanaya musti niruntungi tembo'-tembo'na Sion. Le'ba'mi Naukkuru' anjo tembo'-temboka, sollanna akkulle kabusu' Naruntung. Anne kamma sikontu tembo'-tembo'na siagang menarana a'jari loro kabusu'mi.

PIRAUNG 3:43

Kiondangi ikambe nampa Kibuno taccokkomi pangngamaseanTa lalang ri larroTa.

PIRAUNG 4:11

Napa'betteseki larroNa Batara na Natunu Kota Sion sa'genna sillappara' buttaya.

YEHEZKIEL 5:11

INakke Allata'ala mattallasaka, Batara Kaminang Tinggia, siagang iaminne kana-kanangKu: Lanri le'ba'namo nura'massi BallakKu siagang sikontu panggaukannu ja'dalaka siagang appakaringi'-ringika, jari laKuancurukko natena Kupammopporangko.

YEHEZKIEL 8:18

Lanapisa'ringi ke'nanga pangngalarroi lompoKu! Tena nalaKumaapakkang siagang laKupammopporang ke'nanga. Manna pole na'gora-gora lompo tojeng ke'nanga appala' doang ri Nakke, tena nalaKupilangngeri ke'nanga!”

YEHEZKIEL 9:10

Tena nalaKukamaseang ke'nanga. LaKugaukangi mae ri ke'nanga apa le'baka nagaukang ke'nanga mae ri tau maraenga.”

DANIEL 9:12

TindakanTa sicoco' le'baki apa le'baka Kipa'janjiang mae ri kambe siagang mae ri pamarentana ikambe. Le'ba'mi Kihukkung kota Yerusalem la'bi sannakkangngang nakota maraenga ri anne linoa.

MIKHA 2:3

Lanri kammana anjo Nakana Batara, “Kurancanakangi bala lompoa mae ri kau ngaseng, sa'gennu takkullea ta'lappasa'. Ri anjo wattu sialaka tenamo nula'jappa tampo.

ZEFANYA 1:2

Nakana Batara, “LaKuputtai sikontu-kontuna apa niaka ri tompo'na buttaya:

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”