PIRAUNG 1:9 - KITTA' MATANGKASA'

⁹ Ma'nassami nicini' ra'masa'na mingka tena najampangi apa lakajariang mae ri kalenna. Tamaka sanna'na karuntunganna, mingka tena manna sitau ero' battu ansaleori. Namappala'mo pangngamaseang battu ri Batara, lanri ammetanamo musu-musunna.

PIRAUNG 1:9 ပူးပေါင်းရင်းမြစ်များ

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

2 KARAENG-KARAENG 14:26

Naciniki Batara antekamma sessana tu Israel, nampa tena manna sitau antulungi ke'nanga.

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

PAMMUJI 119:153

Kiciniki pa'risikku siagang Kipasalama' laloa', saba' tena nakubalang parekangi hukkunTa.

PAMMUJI 140:8

O, Batara, Allata'alaku, mappasalamakku magassinga, le'ba'ma' Kijagai lalang pa'bundukang.

PAMMUJI 25:18

Kiparhatikangi sessaku siagang kasukkarrangku, siagang Kipammopporangi sikontu dosaku.

PAMMUJI 69:21

Tappu' minasama' napakamma nihina, tenamo sumangakku. A'boya' pa'rikongang, mingka sia-siaji, a'boya' panynyaleori, mingka tena kunggappa.

KALAPPASSANG 3:17

Siagang le'ba'mi Kupattantu untu' angngerangi ke'nanga assulu' battu ri Mesir, tampa'na nijallakkang ke'nanga, siagang Kuantaraki ke'nanga mange ri se'reang pa'rasangang kalumanynyang siagang copponga buttana, iamintu pa'rasangang Kanaan, bansa Het, Amori, Feris, Hewi, siagang Yebus.

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

KATO'BA 4:1

Nampa kuparhatikang pole sikamma apa tenaya naadele', ia kajarianga ri anne linoa. Angngarruki tau nijallakkanga, natena tau ero' antulungi ke'nanga. Tena manna sitau ero' ambantui, lanri lompona koasana anjo sikamma tau anjallakkangai ke'nanga.

YESAYA 3:8

Tojeng, tu'guru'mi Yerusalem! Runtummi Yehuda! Saba' sikontu kana-kananna siagang panggaukanna naewai Batara siagang nabaliangi kakoasanNa.

YESAYA 37:17

O, Batara, Kiparhatikang laloi apa kajarianga mae ri kambe kamma-kamma anne. Pilangngerimi sikamma kana-kana mappakatunana Sanherib mae ri Katte, Allata'ala mattallasaka.

YESAYA 37:23

Nuassenji angkana inai anjo nupakka-pakkanaia siagang nuhinaya? INakke, Allata'alana Israel, Allata'ala matangkasaka.

YESAYA 37:29

siagang Kulangngere'mi ri passala'na anjo kalarroannu siagang katampoannu. Kamma-kamma anne Kusarei pakkai' ka'murunnu siagang Kusarei sa'mang bawanu, nampa Kubesokko ammotere' allalo ri oloang nuoloa ri wattunnu battu.”

YESAYA 37:4

Nasuroi karaeng Asyur perwira tantarana untu' anghinai Allata'ala mattallasaka. Inai angngassengi, gassingka Nalangngereki Karaeng Allata'ala anjo panghinaanga na Nahukkung tau ampasulukai anjo kana kammaya! Lanri kammana anjo appala' doang laloko mae ri Allata'ala untu' sikamma tau attallasaka ija.”

YESAYA 40:2

Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”

YESAYA 47:7

Nukapangi angkanaya la'jari karaeng baineko satunggu-tungguna, na tanuassenga yareka tanupikkira kale'bakkanna.

YESAYA 51:19

Nitujuko ri ruang rupa bala; lanri bundu' naancuru' taba sikali pa'rasangannu siagang mate cipuru' ra'ya'nu. Tena angkamaseangko siagang ansaleoriko.

YESAYA 54:11

Nakana Batara, “He Yerusalem, kota cilakaya, tena kullenu siagang tena panynyaleorinnu. LaKupadongkoki ammotere' sikamma dasara'nu, batu-batu ka'jalaka ballinna Kupake.

YEREMIA 13:27

Le'ba'mi Kucini' nugaukang sikamma apa-apa tenaya naKungai. Kucini'mi nuondang rewata-rewata maraenga ri buluka siagang ri kokoa, rapang sitau bura'ne a'lingu-lingu ero' mae ri bainenna taua, yareka jarang laki balere' dudua mae ri jarang ganaya. He pandudu'na Yerusalem, cilaka mako! Angngapapi nulata'lappasa' battu ri sikontu kaja'dallanga?”

YEREMIA 16:7

Tena todong tau laero' appare' pammaca-macang untu' ansaleori tau susaya. Tena lamminawang turu' susa ba'lalo manna tau ammoteranga manggena yareka amma'na.

YEREMIA 2:34

Ra'masaki pakeannu napakamma cera'na tu kasi-asia siagang tau tenaya salana, teai cera'na palukka' nijakkalaka. Mingka manna nakamma

YEREMIA 48:26

Nakana Batara, “Pareki Moab nasa'ring, lanri napattampoangi kalenna mae ri Nakke. Langgulung-gulungi lalang ri langngena, siagang lanikakkali ri taua.

YEREMIA 5:31

a'balle-ballei na'bi-na'bia, sikamma imanga allayani situru' ri ero' pa'mai' kalenna na ikau ummakKu nungai anjo kammaya. Mingka apa lanugaukang punna battu allo kala'busanga?”

YEREMIA 50:29

Nakana Batara, “Suroi sikamma tantara angngeranga pana ambunduki Babel. Pagio' ngasengi sikamma tau cara'deka ammake sanjata pana. Kurungi anjo kotaya siagang teako lappassangngi manna sitau ta'lappasa'. Balasaki sikontu panggaukanna siagang gaukammi ri ke'nanga sangkamma le'baka panggaukanna, lanri le'baki a'gau' kurangajara' mae ri Nakke, Kaminang Matangkasaka, iamintu Allata'alana Israel.

PIRAUNG 1:17

Kupatarai limangku appala' tulung, mingka taenamo ero' ansaleoria'. Attammulili musua Napabattu Batara; battui ke'nanga ambundukia'. Nipare' kamma mama' loro, apa appakaringi' ri alla'na ke'nanga.

PIRAUNG 1:21

O Batara, pilangngeri kunrarengku, taenamo ansaleoria'. Rannumi musu-musungku, lanri Kipitujuingku bala. Kipabattu lalomi anjo allo le'baka Kipa'janjiang; Kipa'risimi ke'nanga kamma inakke.

PIRAUNG 2:13

O Yerusalem, Kota Sion ningaiku, rapangi tamparang lompoa sanna'na runtunnu. Apami kutadeng lakukana untu' assareko panynyaleori? Nasaba', tena niakkapa tau ballasa' sangkamma ikau. Sitojeng-tojenna tenamo tau akkulle assareko kabajikang.

PIRAUNG 4:1

Bulaeng accillaka pi'lasa'mi tanja'na batu-batu Balla'Na Allata'ala tassiara'mi ri aganga.

PIRAUNG 5:1

Kiu'rangi laloi, o Batara apa kajarianga mae ri kambe. Kiciniki laloi anne ikambe, Kiciniki antekamma tunanamo ikambe.

HOSEA 2:14

Nakana Batara, “Lanri kammana anjo laKuerangi mange ri parang lompoa; laKunyonyoki anjoreng siagang kana-kana passingaiang.

ZEFANYA 2:10

Kammami anjo pandudu'na Moab siagang Amon lanihukkungi lanri katampoanna siagang kaborroanna ke'nanga, kammayatompa lanri le'ba'na nahina umma'Na Batara Kaminang Koasaya.

YOHANES 11:19

Jaimi tu Yahudi battu angkunjungi Marta siagang Maria untu' ansaleori ke'nanga lanri matena sari'battanna.

PAOLE 26:7

Nampa akkio'mo ikambe appala' tulung mae ri Katte, Batara, Allata'alana boe-boena ikambe. Kipilangngeri pakkio'na ikambe siagang Kiparhatikammi kasessanna ikambe.

PAOLE 32:27

Mingka takkulleai tinggi pa'mai' musunna Israel, rapang nibetai bansaKu lanri ke'nanga,’ nasaba' iNakke bawang, iNakke bawang, anggaukangi anjo sikammaya.

PAOLE 32:29

Apa saba' nanibeta ke'nanga, tena napahangi; tanapahangngai apa anjo kajarianga.

1 PETRUS 4:17

Narapi'mi wattunna laNaadeli Allata'ala linoa. Na Umma' KalenNa Allata'ala laniadeli la'bi riolo. Jari punna lappakkaramula angngadeli Allata'ala ri katte, antekammami kajarianna sikamma tau tenaya natappa' ri anjo Kabara' Baji' battua ri Allata'ala?

1 SAMUEL 1:11

Nampa a'janji Hana angkana, “O Batara Kaminang Koasaya, Kiparhatikangi anne atanTa! Kiciniki kapa'risanna atanTa. Kiu'rangi siagang teaKi' kaluppai atanTa! Punna Kisare atanTa sitau ana' bura'ne, a'janji atanTa lanapassareang anjo anaka mae ri Katte lalang sikontu tallasa'na. A'janji tongi atanTa angkanaya talanipolongai uu'na.”