PIRAUNG 1:6 - KITTA' MATANGKASA'

⁶ Anjo kaporeanna kota Yerusalem ammantang mami a'jari carita. Sikamma pamimpinna a'jari lammami rapang jonga sanna' cipuru'na. Tena pakkullena ri musu battua angngondangi.

PIRAUNG 1:6 ပူးပေါင်းရင်းမြစ်များ

2 KARAENG-KARAENG 19:21

Nakana Batara, “Nakakkaliko siagang nacau-cauko kota Yerusalem, Sanherib.

2 KARAENG-KARAENG 25:4

nirumbammi tembo'na kotaya ri musua. Anjo bangngia, manna pole sitabangi nikurung anjo kotaya ri tu Babel, lari kabusu'mi tantara Yehuda mange ri Lappara'na Yordan. Anjorengi ammalo ke'nanga ri koko balla' karaenga, nampa assulu' battu ri pakke'bu' lompo ampasisambungai anjo ruaya tembo' ri anjo tampaka.

2 KARAENG-KARAENG 25:5

Mingka niondangi Zedekia ri tantara Babel, nampa nijakkala' ri lappara'na Yerikho. Sikontu ana' buana lari kabusuki ambokoi.

PAMMUJI 50:2

Battu ri Sion, kota kaminang ga'gaya, ammumbai Allata'ala siagang cayaNa.

PAMMUJI 96:9

Ammakeko pakeang ibada na nusomba Batara! Annekere' mako ri dallekanNa, he sikontu linoa!

YESAYA 1:21

Kota tamamminraya tappa'na riolo taunna, kamma-kamma anne sanrapammi baine pagau' sala! Riolo yangaseng pandudu'na adeleki, lambusuki, mingka kamma-kamma anne sangnging pabuno-buno pandudu'na.

YESAYA 12:6

Akkio' rannuko he pandudu'na Sion, akkelongko siagang rannu. Allata'ala matangkasa'na Israel, sanna' la'biri'na, ammantangi ri tangnga-tangnganu ngaseng.”

YESAYA 4:5

Nampa irateanna Bulu' Sion siagang sikamma tau niaka a'rappung anjoreng, laNapa'niaki Batara rammanga ri wattu allo, siagang umbu na pepe' a'rinra ri wattunna bangngi. KalenNa Allata'ala lalang koasaNa lalla'langi siagang lanjagai sikontu anjo kotaya.

YEREMIA 13:18

Nakana Batara ri nakke, “Suroi karaenga siagang amma'na naung battu ri empoang kakaraenganna, nasaba' anjo songko' karaeng ga'gana tu'guru'mi battu ri ulunna.

YEREMIA 29:4

“Kammaminne kananNa Batara Kaminang Koasaya, Allata'alana Israel, mae ri sikontu tau Napelaka battu ri Yerusalem mange ri Babel:

YEREMIA 47:3

Lallangngereki ke'nanga sa'ra bangkeng jarang, sa'ra reku'na karetaya, siagang a'galutturu'na roda-rodana. Tau toaya la'jari lammai, natenamo nanawa-nawai ana'na.

YEREMIA 48:41

Kota-kotana siagang sikamma pattahanganna laniallei, siagang tantarana lamallaki rapang baine eroka ammana'.

YEREMIA 52:11

Le'baki anjo nikocci'mi assulu' matanna Zedekia, nampa nisikko' siagang nierang mange ri Babel. Anjoreng nipantamaki ri tarungkua, siagang tale'bakai assulu' battu anjoreng sa'genna mate.

YEREMIA 52:13

Nebuzaradan natunui Balla'Na Batara, balla' karaenga, siagang balla'na sikontu pamimpinga ri Yerusalem.

YEHEZKIEL 24:21

ampabattui anne pasanga mae ri kau ngaseng angkana; Ikau nukalompoang pa'maiki kakassakanna Balla'Na Batara. Nungai nucini' siagang angkunjungi, mingka laNara'massi Batara Balla'na. Siagang sikamma anggota kaluarganu loloa ija, ia niaka ija ammantang ri Yerusalem, lanibunoi lalang ri pa'bundukang.

YEHEZKIEL 24:25

Nakana Batara ri nakke, “Jari, he tau, laKuallei battu ri ke'nanga anjo BallakKu kassaka, a'jaria kalompoang pa'mai'na siagang kasannangnganna ke'nanga, siagang nangaia naciniki siagang nakunjungi. Nampa laKualle todong ana'-ana'na ke'nanga.

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.

PAOLE 32:30

Kemae lakkulle sitau langngondang tau sisa'bu, siagang rua tau langngondang sampulo sa'bu tau? Batara, Allata'alana ke'nanga, le'ba' ambalukangi ke'nanga, nibokoimi ke'nanga ri Allata'ala malompoa.