PIRAUNG 1:3 - KITTA' MATANGKASA'

³ Nabokoimi tu Yehuda pa'rasanganna, lanri nipa'jarina ata na tamaka pa'risi'na tallasa'na. Anne kamma nia'mi ri tangnga-tangngana bansa maraeng tampa' tenaya nasalewangang. Nikurummi ri musunna ke'nanga ri wattu pa'risi'na tallasa'na.

PIRAUNG 1:3 ပူးပေါင်းရင်းမြစ်များ

2 KARAENG-KARAENG 25:11

Nampa ra'ya' niaka ija ri kotaya, iamintu sesa-sesa tau cara'deka anjama, tau kasi-asia siagang tau laria mae ri tu Babel, niengka' kabusuki ri Nebuzaradan mange ri Babel.

2 KARAENG-KARAENG 25:21

ri daera Hamat. Anjorengi ke'nanga nisessa nampa nibuno. Kammami anjo batena tu Yehuda niengka' battu ri pa'rasanganna ke'nanga nampa nierang mange ri butta pammelakkanga.

2 KARAENG-KARAENG 25:4

nirumbammi tembo'na kotaya ri musua. Anjo bangngia, manna pole sitabangi nikurung anjo kotaya ri tu Babel, lari kabusu'mi tantara Yehuda mange ri Lappara'na Yordan. Anjorengi ammalo ke'nanga ri koko balla' karaenga, nampa assulu' battu ri pakke'bu' lompo ampasisambungai anjo ruaya tembo' ri anjo tampaka.

2 KARAENG-KARAENG 25:5

Mingka niondangi Zedekia ri tantara Babel, nampa nijakkala' ri lappara'na Yerikho. Sikontu ana' buana lari kabusuki ambokoi.

YEREMIA 13:19

Kota-kotana Yehuda ri bageang timboroka nikurungi ri musu, siagang tenamo akkulle antarrusuki anjo pakkurunga. Sikontu tu Yehuda niengka' ngasengi mange ri butta pammelakkanga.”

YEREMIA 16:16

Nakana Batara, “LakkiokKa' jai paboya juku' untu' anjakkalaki anne taua. Nampa lakkiokKa' jai pasoso' untu' assosoki ke'nanga ri sikamma monconga siagang buluka, siagang ri sikamma leang-leang batua.

YEREMIA 24:9

LaKupa'jari cilakai ke'nanga sa'genna sikontu bansaya ri sikontu linoa a'jari malla' ngasengi. Kemae-kemae ke'nanga Kupasiara', lanicau-caui ke'nanga, dipa'jari kakkallang siagang nicalla-calla. Arenna ke'nanga lanipakei a'jari pattunra.

YEREMIA 39:9

Kala'busanna ra'ya' niaka ija ammantang ri kotaya, siagang sikamma tau le'baka lari a'limbang ri tu Babel, niengka'mi mange ri Babel ri Nebuzaradan, komandang pasukang lompona Babel.

YEREMIA 52:15

Nampa ra'ya' niaka ija ri kotaya, iamintu sikamma pajama cara'deka niaka ammantang tassesa, sikamma tau kasi-asia, siagang sikamma tau lariamo a'limbang ri tu Babel, kabusu'na niengka'mi ri Nebuzaradan mange ri Babel.

YEREMIA 52:8

Mingka tantara Babel naondangi Karaeng Zedekia nampa najakkala' ri lappara'na Yerikho. Sikontu ana' buana a'lampa ngasengi ampilari.

PIRAUNG 2:9

Sikamma pakke'bu' lompona nitambungi kabusu'mi ri butta, sikontu panjolina tepo' kabusu'mi; karaenga siagang pagawe-pagawe pamarentaya nia'mi ri pammelakkanga. Tenamo nanipangngajarrangi HukkunNa Batara; na'bia tena tommo nannarima pangngunju' battu ri Batara.

PIRAUNG 4:15

Nakana taua, “Bellako anrinni! Kau tau ra'masa' ngasengko, teako beroi ikambe!” Jari a'lampami ke'nanga a'la'bang a'jappa battu ri se'reang bansa mange ri bansa maraenga, mingka tena sikali tau ampa'biangi untu' ammantang tuli ri se'reang tampa'.

PIRAUNG 5:5

Rapang olo'-olo' nipassai ikambe anjama battala', mangngangi ikambe, mingka tanikellaiaki' ammari-mari.

YEHEZKIEL 5:12

Bage tallunna pandudu'nu lamatei passabakkang garring siagang bala kacipurang antujuai kotaya. Bage tallunna lamate nibunoi siagang pa'dang ri pantaranganna kotaya, nampa bage tallunna pole laKupasiaraki mange-mange siagang laKuondangi siagang pa'dang.

PAOLE 28:48

Lanri kammana minjo namusti nupare' ata kalennu mae ri musu-musunnu Nakiringa Batara untu' angngewako. Lanaalleko cipuru', turere, siagang lassolarakko kammayatompa lakakurangangko lalang sikontu passala'. Lanikapallakkiko nijallakkang ri Batara sa'gennu ancuru'.