PIRAUNG 1:19 - KITTA' MATANGKASA'

¹⁹ Makkioka' ri bela-bela bajikku mingka ma'bali' ballangi ke'nanga ri nakke. Sikamma imanga na pamimping bansaya mate kabusu'mi ri agang-agang niaka ri kotaya, ri wattu a'boyana kanre untu' katallassanna.

PIRAUNG 1:19 ပူးပေါင်းရင်းမြစ်များ

YEREMIA 2:28

Kemae ngaseng anjo barhala-barhala nupareka? Punna nia' kasukkarang, suromi anjo sikamma barhalaya ampasalamakko' punna akkullei! He Yehuda, anjo rewata-rewatanu sangkammai jaina kota-kotanu!

YEREMIA 30:14

Sikontu tumangngainu takkaluppami ri kau; taerokami ampikkiriki kalennu. Kamma musu le'baka a'bakka na nahukkungko siagang palla', lanri jaina dosanu siagang lompona kasalannu.

YEREMIA 4:30

He Yerusalem, nibokoi mako na tena apa-apa akkulle nugaukang! Untu' apa nummake baju eja nanubelo-beloi kalennu siagang bulaeng na pera', kammayatompa numodei matannu siagang paccalla'? Tena matu-matunna numodei kalennu, nasaba' sikamma tanrinnu taerokami mae ri kau, ba'lalo ero'mi ke'nanga angngallei nyawanu.

PIRAUNG 1:1

Tamaka sinona Yerusalem anne kamma, kota suara' dudua riolo. Tamaka porena riolo ri alla'na bansa-bansaya, anne kamma rapammi janda. Riolo kontui kota kaminang nisomba, anne kamma nipa'jarimi ata.

PIRAUNG 1:11

Ballasa'mi na makkunrareng pandudu'na amboyai tallasa'na; barang lompoa anggaranna napassambe siagang roti, sollanna akkulle attallasa' na tamatea. Akkio'mi Yerusalem angkana, “O Batara, ciniki atanTa, parhatikangi sikontu pa'risi' kukasiaka.”

PIRAUNG 1:2

Tuntung bangngimi angngarru' si'na nyawana, ammatti' je'ne' matanna. Tenamo manna sitau tanrinna maero' battu ansaleori. Nibali' ballang ri bela-belana ta'giling ma'jari bali mae ri kalenna.

PIRAUNG 2:20

O Batara, ciniki na Kiparhatikang anjo ke'nanga tau Kisessaya! Maka nia' kammaya anjo le'ba' Kigaukang? Anrong angkanrei ana' kalenna nangaia, imanga siagang na'bia nibunoi lalang ri BallatTa matangkasaka.

PIRAUNG 4:17

Mangngammi matanna ikambe attayang pannulung tenaya nabattu-battu. Manrannuangi ikambe ri pannulunna senreang bansa, mingka tenaya nakkulle assare apa-apa.

PIRAUNG 5:12

Pamimping-pamimpinna ikambe nijakkalaki nampa nigentung, tau-tau toana ikambe tenamo nanipakalompoi.