PIRAUNG 1:15 - KITTA' MATANGKASA'

¹⁵ Napakatunai Batara sikontu tubaraniku porea. Napagio' kabusuki tantaraya sollanna putta sikontu tau rungkaku. Naonjo'-onjokangi bansaku sa'genna ancuru', rapang tau ammaccoka rappo anggoro'.

PIRAUNG 1:15 ပူးပေါင်းရင်းမြစ်များ

2 KARAENG-KARAENG 9:33

Nakanamo Yehu mae ri ke'nanga, “Pasambilai naung mae antu bainea!” Na nipasambilamo Izebel ri ke'nanga naung battu ri tontonganga, nampa nilissarrang ri kareta sa'genna ta'racci' cera'na mae ri temboka siagang mae ri sikamma jaranna anjo karetaya.

PAMMUJI 119:118

Kitollaki tau ammengkaya battu ri katantuanTa, sia-siaji bawang akkala' balle-ballena ke'nanga.

YESAYA 28:18

Parjanjiannu siagang kamateanga kammayatompa passitujuannu siagang lino tau matea lanipassala-salangi; sa'genna punna battu balaya, laancurukko nionjo'-onjokang.

YESAYA 41:2

Inai ampagioki tukoasaya battu raya, siagang tulusu' assarei pammetang? Inai assarei pakkulle untu' ambetai sikamma bansa-bansaya, siagang napatundu' sikamma karaenga? Pa'danna ampassimbungi ke'nanga rapang limbu'bu', panana ampatassiaraki ke'nanga rapang rarame nairikang anging.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

YESAYA 63:3

“Kale-kalengKu antama' ri pammaccokang anggoroka tena battu ri ummakKu antulungA'. Kuonjo'-onjokangi bansa-bansaya lalang larroKu, rapang tau angngonjo'-onjokanga rappo anggoro'. Tappaccoki cera'na ke'nanga na nabasai bajungKu, nara'massi sikontu pakeangKu.

YEREMIA 13:24

LaKupasisa'la'-sa'lakko rapang awang niirika ri anging battua ri paranga.

YEREMIA 14:17

Nasuroa' Batara ampauangi si'naku mae ri umma'Na. Musti akkana' kamma anne, “Boli'ma' tenammariku angngarru', allo bangngi ammatti' je'ne' matangku. Nasaba' loko' sanna'mi bansaku siagang teai sipato' sessana

YEREMIA 18:21

Mingka kamma-kamma anne, Batara, lappassammi mate cipuru' ana'-ana'na ke'nanga yareka mate lalang pa'bundukang. Lappassammi tubai'-bainena ke'nanga tappela' bura'nenna siagang ana'na; lappassammi tubura'-bura'nea mate naalle garring siagang turungkana mate lalang pa'bundukang.

YEREMIA 37:10

Ebara' angkana nubetai sikontu tantarana Babel sa'genna ia ammantanga iamami sannaka loko'na lalang ri kema-kemana ke'nanga, mingka lambangungi ke'nanga nampa natunu anne kotaya sa'genna la'busu'.’ ”

YEREMIA 50:26

Bundukimi Babel battu ri kere-keremae, siagang lappoi sikontu gudang gandunna! Pattambungi barang-barang nirampasaka sangkamma punna appatambungko gandung! Ancuruki anne pa'rasanganga! Teako nia' nusesa!

YEREMIA 51:34

Yerusalem niancuruki siagang nikanrei sa'genna la'busu' ri karaeng Babel; nakosongi anjo kotaya rapang botolo' nakosongi. Rapang sikayu olo'-olo' sannaka lompona angnga'luki Yerusalem siagang napantama ri battanna sikontu apa bajika battu ri anjo kotaya, nampa napela' la'binna.

YEREMIA 6:11

Anjo larroTa mae ri ke'nanga a'bara tongi lalang ri kalengku, Batara! Sukkaraki lakuparrangngi.” Nampa Nakana Batara, “Pa'betteseki anjo larroa mae ri ana'-ana' niaka ri sikamma agang lompoa siagang mae ri sikamma tau rungka sitabanga a'rappung. Lanijakkalaki sikamma bura'nea siagang bainea, kammayatompa sikamma tau toa duduamo umuru'na tena todong nalata'lappasa'.

PIRAUNG 2:21

Tau toa tau rungka tattalasa' mate ri aganga, turungka bura'ne baine mate lanri pa'dang. Ri wattu larroTa, tamammaling-malingKi' ansamballei ke'nanga.

PIRAUNG 3:34

Punna kamma tunijallakkang pa'maitta lalang ri tahananga,

DANIEL 3:13

Nalangngere'na karaenga anjo kammaya, teaimi sipato' larrona. Appasulu'mi parenta sollanna nierang anjo tau tallua andallekang ri ia.

YO"EL 3:13

Sanna' ja'dala'na ke'nanga; te'baki ke'nanga rapang gandung ti'noka ri kokoa. Onjo'-onjokangi ke'nanga rapang anggoro' niaka lalang ri pammaccokanga, rassia sa'genna tattumpa.

MIKHA 7:10

Riolo nahinaki' musua nakana, “Kemaeji anjo Batara, Allata'alanu?” Mingka kamma-kamma anne lanaciniki ke'nanga apa Nagaukanga Batara untu' ikatte, siagang la'jari siri'-siri'mi ke'nanga. Laniciniki anjo musu-musunta nibeta siagang nionjo'-onjokang rapang peo' ri aganga.

MALEAKHI 4:3

Ri anjo alloa langngalleA' tindakang, nalanubeta tau ja'dalaka, sa'genna rapang ke'nanga limbu'bu' nuonjo'-onjokanga.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

PAPPICINI' 19:15

Battu ri bawaNa nia' assulu' pa'dang tarang; siagang iaminjo pa'danga laNapake ambetai bansa-bansaya, nampa laNaparenta ke'nanga siagang takkang bassi. LaNapaccoki anggoroka lalang ri pammaccokang anggoro' kalarroanNa Allata'ala Kaminang Koasaya.

HAKING-HAKING 10:8

Sampuloi assagantuju taung sallona anjo ruaya bansa anjallakkang ngasengi tu Israelka ri Gilead, iamintu daera tu Amori irayanganna Binanga Yordan. Nasessa ta'liwa'-liwa'mi ke'nanga tu Israelka.