PIRAUNG 1:1 - KITTA' MATANGKASA'

¹ Tamaka sinona Yerusalem anne kamma, kota suara' dudua riolo. Tamaka porena riolo ri alla'na bansa-bansaya, anne kamma rapammi janda. Riolo kontui kota kaminang nisomba, anne kamma nipa'jarimi ata.

PIRAUNG 1:1 ပူးပေါင်းရင်းမြစ်များ

1 KARAENG-KARAENG 4:21

Massing-massing kaluarga para nia' koko anggoro'na siagang koko arana. Lalang sikontu tallasa'na Salomo ra'yaka ri sikontu Yehuda siagang Israel, appakkaramula battu ri Dan sa'genna Bersyeba, amangi siagang sannangi tallasa'na. Nasaba', sikontu karaenga ilaukanna Efrat tundu' ngasengi mae ri ia, siagang sikontu bansa battua ri pa'rasangang-pa'rasangang niaka ri tammulilina kakaraenganna agang ngasengi siagang ia. Butta niaka ri laukanna Binanga Efrat battu ri Tifsah ri birinna Binanga Efrat tulusu' kalau' ri kota Gaza ri Filistin sa'genna ri pa'baeng-baenna Mesir, yangasenna nikoasai ri Salomo. Sikamma bansa niaka anjoreng tundu' ngasengi mae ri ia siagang a'bayaraki passare mae ri ia. Apa-apa nikanre naparalluanga Salomo allo-allona nia' 5.000 litere' labu' halusu', 10.000 litere' labu' kasara', sampulo kayunna sapi nibaraya, ruampulo sapi ri paranga, siagang sibilangngang kayunna gimbala'. Pantaranganna anjo, iamintu pole jonga, kijang, siagang olo'-olo' akka'nyika.

2 KARAENG-KARAENG 23:33

Kala'busangi Yoahas ammarenta ri wattunna nijakkala' ri Nekho karaeng Mesir ri Ribla daera Hamat, siagang nipassai tu Yehuda a'bayara' 3.400 kilo pera' siagang 34 kilo bulaeng.

2 KARAENG-KARAENG 23:35

Sollanna akkulle nabayara' pa'bayara' natuntuka Karaeng Mesir, nasuromi Karaeng Yoyakim ra'yaka a'bayara' sima situru' massing pakkullena ra'yaka.

2 PATTOTTORANG 9:26

Koasai mae ri sikontu karaeng niaka ri daera luara' appakkaramula battu ri Binanga Efrat sa'genna mange ri pa'rasangang Filistin siagang pa'baeng-baenna Mesir.

EZRA 4:20

Le'baki nia' siapa are karaeng barani ammarenta anjoreng siagang nakoasai sikontu daera propinsi bageang ilau', nampa appajappa paja' siagang passare mae ri karaenga.

NEHEMIA 5:4

Siagang nia'mo pole angkana, “Le'baki ikambe angnginrang doe' untu' nipa'bayarrang ri sima napattantua karaenga untu' kokonna siagang koko anggoro'na ikambe.

NEHEMIA 9:37

Sikontu wassele' nigappaya ri anne buttaya musti nipassareangi mae ri sikamma karaenna pa'rasangang. Sikamma anjo tukoasaya Kiangkaki irateanna ummatTa, a'jari hukkungang dosana ikambe mae ri Katte. Ammarentai ke'nanga ri ero'-ero' pa'mai'na mae ri kambe siagang olo'-olo' piarana ikambe. Lanri kammana minjo nasessamo ikambe, sangnging pa'risi' siagang kasusaang nikasia'!”

PAMMUJI 122:4

Anrinnimi suku-suku bansaya battu, suku-suku bansa Napilea Batara, untu' appala' sukkuru' mae ri Ia situru' parentaNa.

YESAYA 14:12

He karaeng Babel, riolo ikau bintoeng bari'basa' accayaya, mingka kamma-kamma anne tu'guru' mako battu rate ri langika! Riolo nubetai bansa-bansaya, mingka kamma-kamma anne nipasambilamako ri buttaya.

YESAYA 22:2

Tena nasiratang sikabusu'na kotaya assua'-suara' siagang a'reja-reja. Saba' sikamma turewanu matei lalang anne bunduka, tena namate lanri mate a'bundu'.

YESAYA 3:26

Ri sikamma pakke'bu' lompona kotaya lasusai taua lanri kamateangi siagang lappiraungi, nampa kalenna anjo kotaya lasanrapangi baine nisolarri, ammempo naung ri buttaya.

YESAYA 49:21

Jari lanukana lalang ri pa'mai'nu, ‘Inaika allassukangi anjo ana'-anaka untu' inakke? Sai inakke tappela' ngasemmi ana'-anakku, na kutakkulleamo pole ammana'? Inakke nilalinga' mae ri butta pammelakkanga na kunipakabella siagang niboli' kale-kalengku. Battu kemae ngasengi anjo sikamma ana'-anaka, siagang inai ampakalompoi ke'nanga?’ ”

YESAYA 50:5

Nasarea' Batara pammahang, tena kungngewa yareka ta'giling battu ri Ia.

YESAYA 52:2

Ambangungko battu ri limbu'buka, he Yerusalem, pa'be'beseki limbu'bu' niaka ri kalennu. He pandudu'na Sion nitahanga, la'gasi rante niaka ansikkoki kallonnu!

YESAYA 52:7

Tamaka sannanna pa'maika anciniki kabattuanna tunisuroa; a'jappai allalo ri pa'monconganga siagang angngerang kabara' baji, kabara' salewangang, kabara' kasalamakkang mae ri Sion: nakana, “Allata'alanu Karaeng!”

YESAYA 54:4

Teako mallakki, talanipakasirikako; talanihinayako sa'gennu ammakkala' kacci. Lanukaluppai tamajarre'na tappa'nu ri wattu rungkanu; tanuu'rangiami sinona nukasia' ri wattunnu rapang janda.

YEREMIA 31:7

Nakana Batara, “Akkelongko a'rannu-rannu untu' Israel, ummakKu – bansa makase'rea ri sikontu bansaya Akkelongko kelong-kelong pammuji, siagang kabarrangi, angkana: ‘Le'ba'mi Napasalama' Batara niaka tassesa battu ri umma'Na.’

YEREMIA 40:9

Nakanamo Gedalya ri ke'nanga, “Tena nuparallu malla' manyara mae ri tu Babel. Ammantang mako ri pa'rasanganta anne, siagang a'jari mako ata mae ri karaeng Babel. Kutanggongiko lasalama' ngaseng.

YEREMIA 42:2

mae ri nakke nampa angkana, “Bapa', sangkamma kicinika kalenta, ikambe anne riolo jaiki', na kamma-kamma anne sike'de' mamaki' ammantang. Napalaki ikambe ri katte Bapa', nakiero' ampappala' doangngangi ikambe mae ri Karaeng Allata'ala kisombaya. Kipappala' doangngangi ikambe anne niaka ija tassesa ri Karaeng Allata'ala kisombaya,

YEREMIA 44:2

Iaminne pasanNa Batara Kaminang Koasaya, iamintu Allata'alana Israel, mae ri ke'nanga, angkana, “Kalennu ngaseng le'ba' anciniki bala le'baka Kupabattu mae ri Yerusalem siagang kota maraenga ri Yehuda. Sa'genna pole kamma-kamma anne anjo kota-kotaya ancuru' ngasengiji siagang tena nanipammantangngi.

YEREMIA 44:6

Iaminjo saba'na naKutumpa lussakKu siagang pangngalarroingKu mae ri kota-kota Yehuda siagang agang-aganga ri Yerusalem. Yangasenna Kutunui sa'genna a'jari loro-loro siagang kalotoro' sangkamma akkullea nicini' kamma-kamma anne.

YEREMIA 50:23

Sikontu pa'rasanganga nitunrungi ri Babel sa'genna ancuru', mingka kamma-kamma anne tepo'mi anjo pattunrunna! Sikontu bansaya ta'bangkai allangngereki apa kajarianga mae ri anjo pa'rasanganga.

YEREMIA 9:11

Nakana Batara, “LaKupa'jari rumbangngang Yerusalem tampa' paccokkoanna kongkong romanga. Kota-kota Yehuda la'jari sinoi, tampa' tenayamo nanipammantangngi.”

PIRAUNG 1:19

Makkioka' ri bela-bela bajikku mingka ma'bali' ballangi ke'nanga ri nakke. Sikamma imanga na pamimping bansaya mate kabusu'mi ri agang-agang niaka ri kotaya, ri wattu a'boyana kanre untu' katallassanna.

PIRAUNG 2:1

Nagaukangi Batara larroNa, nitongkoki Sion ri sassang. Kala'biranna Israel rapang langika tinggina, Napatappasa'mi naung ri buttaya. Ri wattu larroNa Batara, manna Balla'Na ri Sion taNajampangi.

PIRAUNG 2:10

Sikontu tutoa-toana kotaya ammempo mami ri butta tamakkana-kana; nakiori limbu'bu' ulunna ke'nanga, nammake kaeng karung tanra susana. Manna sikamma tuloloa su'ju'mi naung sa'genna buttaya.

PIRAUNG 4:1

Bulaeng accillaka pi'lasa'mi tanja'na batu-batu Balla'Na Allata'ala tassiara'mi ri aganga.

PIRAUNG 5:16

Tenami kalompoanna ikambe cilakami ikambe napakamma doraka.

YEHEZKIEL 26:16

Nacini'na sarennu kammaya, sikamma karaeng battu ri bansa-bansa niaka ri biring tamparanga, nala'gasi juba kalompoanna siagang baju sulanna ke'nanga, nampa ammenteng battu ri empoang kakaraenganna, namange ammempo ri buttaya annekkere'. Teai sipato' malla'na ke'nanga sa'genna takkulleami sannang nyawana.

YEHEZKIEL 26:2

“He tau, a'rannu-rannui pandudu'na Tirus na nakana, ‘Ancuru'mi Yerusalem! Lanynya'mi kagassinganna lalang ri pa'dangganganga! Tenamo niagang a'bali lalang pa'danggangang!’ ”

YEHEZKIEL 5:5

Nakana Batara Kaminang Tinggia, “Ciniki, iaminne Yerusalem. Anne kotaya Kuboliki ri pocci'na linoa, siagang bansa-bansa maraenga ri tammulilina.

KAIMANGNGANG 26:31

naKuancuru' kota-kotanu, tampa'-tampa' panynyombannu, siagang tena naKutarimai sikamma koro'bannu.

KAIMANGNGANG 26:33

Lappa'niakKa' pa'bundukang ri pa'rasangannu siagang laKupasimbung-simbungko mae ri pa'rasanganna bansa maraenga. Lammantangi ta'ronang sikamma kokonnu siagang laKulappassangi a'jari loro kota-kotanu.

ZEFANYA 2:15

Iaminjo lakajarianga mae ri anjo kota ma'reja-rejaya siagang nakanaya kalenna amang siagang sannang. Pandudu'na nakapangi angkanaya anjo kotana ke'nanga kaminang lompo ri linoa. Teai sipato' sinona anjo daeraya, tena sikali bonena pantaranganna olo'-olo' ri romang a'ru'munga anjoreng! Sikamma tau niaka allalo anjoreng ri kotaya la'jari ta'bangka kabusuki siagang la'jari mallaki nakasia'.

PAPPICINI' 18:7

Sarei kasessang siagang kasusaang sangkammaya jaina siagang kalompoang nakala'biang nasareangai ri kalenna todong. Nasaba' tuli nakanana mae ri kalenna, ‘Inakke anne karaeng baine ammarentaya! Inakke teaia' janda; tena nalakukasia' nikanaya si'na!’