PAPPICINI' 9:17 - KITTA' MATANGKASA'

¹⁷ Na lalang paccinikku, kuciniki anjo jaranga siagang sikontu pabaena. Anjo pabaena ammake ngasengi baju bassi sannaka ejana siagang a'rinraya tanja'na, gau' siagang kunyi' accaya. Anjo jaranga sangkamma ngasengi singa ulunna; na nia' pepe', umbu, siagang bara pepe' assulu' battu ri bawana.

PAPPICINI' 9:17 ပူးပေါင်းရင်းမြစ်များ

PA'JARIANG 19:24

Ti'ring appaturummi Batara bosi bara pepe' irateanna kota Sodom siagang Gomora.

1 PATTOTTORANG 12:8

Ri wattu nia'na Daud ri pattampakkanna ri parang lompoa, jai pejuang masahoro' siagang niaka pangalamanna battu ri suku Gad battu a'gabung mae ri ia. Iami ke'nanga pejuang-pejuang sannaka cara'de'na ammake sanjata poke siagang pa'lapa' barambang; sanna' ngaseng baranina ke'nanga sanrapang singa, siagang lacciri' sikali ke'nanga sanrapang jonga.

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YEHEZKIEL 33:22

Ri bangngi tenana nabattu, kupisa'ringimi kakoasanNa Batara. Jari ri wattunna battu anjo taua mae ri nakke, akkullema' a'bicara siagang tenamo nakupepe.

DANIEL 8:2

Lalang anjo paccinikku, kuciniki kalengku nia' ri propinsi Elam, ri Susan, ibukotana Persia. Ammentenga' ri ampi'na Binanga Ulai;

DANIEL 9:21

Lalang appala' doangku, anjo Gabriel, le'baka kucini' lalang paccinikku riolo, nia'mi anri'ba' a'lampa mae ri nakke. Anjo wattua narapi'mi wattunna taua assare koro'bang karueng.

PAPPICINI' 11:5

Punna nia' tau ancoba-cobai a'gau' kodi mae ri ke'nanga, lassulu'mi battu ri bawana ke'nanga pepe' akkullea angngancuruki musu-musunna. Kammaminjo carana nanabuno sikamma tau eroka ampa'ri'-pa'risi ke'nanga.

PAPPICINI' 14:10

anjo taua langnginungi anggoro'Na Allata'ala, iamintu anggoro' pangngalarroinNa le'bakamo nipanaung ri pangnginunganna; manna sike'de' tena nalanipakurang anjo anggoro' pangngalarroia! Yangasenna anjo taua lanisessai lalang ri pepeka siagang bara a'rinraya ri dallekanna malaeka'-malaeka' matangkasaka siagang ri dallekanNa anjo Ana' Gimbalaka.

PAPPICINI' 19:20

Nijakkala'mi anjo olo'-oloka siagang sikontu na'bi takontutojenga, iamintu le'baka appare' panggaukang appakalannasa' ri dallekanna anjo olo'-oloka. (Iaminjo gau'-gau' appakalannasaka napake anjo olo'-oloka antipui anjo tau le'baka ngaseng nabatei anjo olo'-oloka, siagang anjo tau anynyombaya mae ri patunga.) Nampa nipela' attallasa' anjo olo'-oloka siagang na'bi balle-ballea antama' ri tamparang pepe' a'rinra-rinraya siagang bara.

PAPPICINI' 20:10

Nampa nipasambila anjo Billisi' antipuai ke'nanga antama' ri tamparang pepeka siagang bara a'rinraya. Anjoremmi rolong nipela' anjo olo'-oloka siagang na'bi takontutojenga. Tammari-mariai ke'nanga lanisessa allo bangngi sa'genna satunggu-tungguna.

PAPPICINI' 21:20

pundasi makalimaya battu ri batu baiduri sepa, makaannanga battu ri batu dalima, pundasi makatujua battu ri batu ratna campaka, pundasi makasagantujua battu ri batu pirusu', pundasi makasalapanga battu ri batu topasa', pundasi makasampuloa battu ri batu karisoparasa', pundasi makasampuloa asse're battu ri batu lasuardi, siagang pundasi makasampuloa anrua battu ri batu kacubung.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

PAPPICINI' 9:18

Iaminjo assuluka battu ri bawana anjo jaranga, iamintu: pepe', umbu siagang bara pepe' ampanraki siagang ambunoi bage talluna sikontu rupataua.

PAPPICINI' 9:9

Barambanna ke'nanga nilapakki apa-apa sangkammaya baju bassi. Sa'ra ka'nyi'na sangkammai sa'ra kareta nibesoka ri jarang, sannaka jaina maju lalang ri pa'bundukanga.