PAPPICINI' 7:13 - KITTA' MATANGKASA'

¹³ Akkuta'nammi kalase'renna anjo pamimpinga mae ri nakke angkana, “Inai ngaseng anne tau ammakea juba kebo' siagang battu kemae ngasengi ke'nanga?”

PAPPICINI' 7:13 ပူးပေါင်းရင်းမြစ်များ

PA'JARIANG 16:8

Nakanamo anjo malaekaka, “O Hagar, atanna Sarai, battu kemaeko siagang la'lampa kemaeko?” Appialimi Hagar angkana, “Laria' ambokoi Sarai, ibuku.”

DANIEL 7:16

Nampa kureppesi kalase'renna tau niaka ammenteng anjoreng siagang appalakka' kasingarang ri passala'na yangasenna anjo kammaya. Jari napauamma'.

YOHANES 7:28

Le'baki anjo, lalang angngajara'Na Isa ri Balla'Na Batara, a'gora lompomi Nakana, “Jari nuasseng ngasenjA' angkana inaiA' anne, siagang battu kemae assalakKu? Teai ero' KalengKu naKunia' battu. INakke nisuroA' ri Ia niaka koasana assuro ri Nakke, nakkullei nipatappa'. Mingka tena nanuassengi.

LAMPA-LAMPANA 3:12

Ri wattunna nacini' Petrus anjo tau jaia, nakanamo ri ke'nanga, “E, tu Israel, angngapa nulannasa' ngaseng anciniki? Angngapa naikambe tulusu' nujanjang? Barang nukana lanri kakoasanna ikambe yareka lanri mannurukinna ikambe ri Allata'ala nakkulle a'jappa' anne taua?

PAPPICINI' 3:4

Mingka ri tangnga-tangnganu ri Sardis, nia' ija tau anjagai sollanna tuli tangkasa' pakeanna. Anjo ke'nanga lassiagangA' a'jappa ammakeang kebo', nasaba' nipassiratangi ke'nanga untu' anjo.

PAPPICINI' 4:10

su'ju'mi anjo pamimping ruampuloa angngappa', mae ri anjo ammempoa ri empoang kala'birang, nampa anynyomba mae ri Ia anjo mattallasaka sa'genna satunggu-tungguna. Nampa napasambila ke'nanga massing songko'na mae ri dallekanna anjo empoang kala'biranga, nangkana,

PAPPICINI' 4:4

Na nia' todong ruampulo angngappa' empoang kala'birang maraengang angkulilingi anjo empoang kala'birang se'rea. Anjoreng nia' ammempo ruampulo angngappa' pamimping ammakeang kebo', siagang ammake songko' bulaeng.

PAPPICINI' 5:11

Nampa accinikka' pole. Nia' kulangngere' sa'ra malaeka' assa'bu-sa'bu siagang a'juta-juta jaina! Ammentengi ke'nanga angkulilingi anjo empoang kala'biranga siagang anjo appaka anu attallasa' kammayatompa anjo ruampuloa angngappa' pamimping.

PAPPICINI' 5:5

Nampa nakanamo kalase'renna anjo pamimpinga mae ri nakke, “Teako angngarruki! Ciniki! Ammetami anjo singa battua ri suku Yehuda, sossorang lompona Daud. Akkullei Nareppe' anjo segeleka siagang Nasungke anjo kittaka.”

PAPPICINI' 7:9

Le'baki anjo kucinikimi pole, na nia'mo kucini' tamparang tau, sannaka jaina tau bonena; tena manna sitau akkulle anrekengi jaina! Ia ke'nanga tau battu ri massing-massing bansa, suku, pa'rasangang, siagang bahasa. Ammenteng ngasengi anjo tau jaia andallekang mae ri empoang kala'biranga siagang andallekang mae ri anjo Ana' Gimbalaka; ammakeang juba kebo' ngasengi ke'nanga siagang massing anna'galaki leko'-leko' kaluku lolo.

HAKING-HAKING 13:6

Le'baki anjo mangemi bainenna Manoah ri bura'nenna na nakana, “Daeng, nia' suroNa Allata'ala mae ri nakke, kammai tanja'na malaeka'Na Allata'ala, sa'gengku malla' dudumo. Tena nakupakkuta'nangang angkana battu kemaei. Na tena todong napauanga' arenna.