PAPPICINI' 21:27 - KITTA' MATANGKASA'

²⁷ Mingka tau anggaukangai apa appakaringi'-ringika, tau a'balle-ballea, bodona kana, sikontu apa-apa ra'masaka tena sikali nakkulle antama' anjoreng. Ia lanipa'biang antama' iamintu tau niaka bawang tattulisi' arenna lalang ri kitta'Na anjo Ana' Gimbalaka, iamintu Kitta'na Tau Attallasaka.

PAPPICINI' 21:27 ပူးပေါင်းရင်းမြစ်များ

PAMMUJI 101:8

Allo-alloi lakupaccappu' sikamma tau ja'dalaka ri anne pa'rasanganga. Sikontu tau manggaukanga kaja'dallang lakupa'lanynyaki battu ri kotaNa Batara.

KALAPPASSANG 32:32

Poro Kipammopporang laloi dosana ke'nanga; punna tena, lu'lu'mi arengku battu kitta'na sikamma tau attallasaka.”

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

YESAYA 52:1

Ambangungko, he Yerusalem, ambangung mako! Pakajarreki pa'mai'nu! Pakei pakeang kalompoannu! He Yerusalem, kota matangkasaka, takkulleami allalo antama tau rantasaka ri pakke'bu' lomponu.

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YEHEZKIEL 44:9

INakke, Batara Kaminang Tinggia, ampa'la'bangi ampaui angkanaya bansa maraeng tenaya nassunna' siagang tutenaya namannuruki ri Nakke, tena nipa'biangi antama' ri BallakKu. Anjo atorang kammaya nataba tongi bansa maraeng niaka ammantang tuli ri tangnga-tangngana bansa Israel”.

YO"EL 3:17

“He Israel, kamma-kamma anne lanuassemmi, angkanaya iNakke Karaeng Allata'alanu. AmmantangA' ri Sion, bulu' matangkasakKu. Na Yerusalem a'jari tongi kota matangkasa', talantamakkami bansa maraenga.

KAIMANGNGANG 13:46

Lalang garrinna anjo taua nibilang ra'masaki, siagang musti pantarannai pakkemaanga ammantang, bellai battu ri tau maraenga.

ZAKHARIA 14:21

Sikontu panci niaka ri Yerusalem siagang ri sikontu Yehuda lanisa'laki nipakatangkasa' untu' Napatang Batara Kaminang Koasaya. Pandudu' angngeranga koro'bang passare lanapakei untu' ampallui dageng lanapassareanga. Punna battu sallang anjo wattua, tenamo nania' padanggang ri Balla'Na Batara Kaminang Koasaya.

PAMMILANGNGANG 12:15

Jari nipasulu'mi Miryam battu pakkemaanga lalang tuju allo, siagang ta'lettekai anjo bansaya battu anjoreng sa'genna nipa'biang ammotere' Miryam ri pakkemaanga.

PAMMILANGNGANG 5:3

Musti nisuroi ke'nanga a'lampa sollanna tena nara'massi pakkemaanga, iamintu tampa' Kupammantangia siagang ummakKu.”

MATIUS 13:41

LaNasuroi malaeka'-malaeka'Na Ana' Ma'rupataua ampasse're ngasengi sikontu tau a'jari passabakkanga na'gau' dosa taua, kammayatompa sikontu tau a'gau' ja'dalaka.

MARKUS 7:2

Le'baki nacini' ana'-ana' gurunNa Isa angnganre nara'masa' limanna. Tena nabissai rolong limanna, situru' atoranna agamaya.

LUKAS 10:20

Mingka manna nakamma mamo, teako rannu dudui punna amminawammo roh-roh ja'dalaka ri parentanu. Bajikangangi punna rannuko lanri tattulisi'mi arennu lalang ri suruga.”

EFESUS 5:5

U'rangi baji'-baji': ia tau nangaia a'gau' bawang, yareka a'gau' tenaya nasiratang yareka angngoaya (anjo gau' kammaya sangkamma le'ba'ji gau' anynyombaya barhala), anjo tau kammaya takkulleai a'jari anggota umma' niparentaya ri Almasi siagang Allata'ala.

FILIPI 4:3

Kupala' tongi mae ri sikamma bela majarrekku, sollanna nubantu anjo baine ruaya. Le'ba'mi ke'nanga anjama terasa' siagang inakke untu' ambirittakangi Kabara' Baji' battua ri Allata'ala; sangkamma Klemen siagang sikamma sari'battang maraengannaya kuaganga ngaseng sipanjamang. Nia'mi areng-arenna ke'nanga tattulisi' lalang ri Kitta'na Tau Attallasaka.

1 TIMOTIUS 1:10

tau a'gau' bawanga, tau sigau' bawanga para bura'ne, pagorraka, paballe-ballea; sa'bi-sa'bi balle-ballea, kammayatompa inai-nai mamo anggaukangai apa-apa assisalaya siagang pangngajarang tojenga.

IBRANI 12:14

Usahako sollannu assiama' siagang yangasenna taua lalang katallassannu; kammayatompa usahako sollannu a'jari tangkasa' ri dallekanNa Batara. Nasaba' punna takammaya anjo tena manna sitau akkulle anciniki Batara.

2 PETRUS 3:13

Mingka ikatte nitayammi apa Napa'janjianga Allata'ala, iamintu langi' berua siagang butta berua, niaka kaadelang lalanganna.

PAPPICINI' 13:8

Anjo olo'-oloka lanisombai ri sikontu tau attallasaka ri lino, pantaranganna tau le'bakamo nitulisi' arenna ri wattu tenanapa nipa'niaki linoa, lalang ri kitta' katallassanNa anjo Ana' Gimbala' le'baka nisamballe.

PAPPICINI' 20:12

Siagang nia'mi kucini' sikamma tau matea, tau lompo yareka tau ca'di, ammenteng ri dallekanna anjo empoang kala'biranga. Nisungkemi kitta'-kittaka. Nampa nia' tommo se're kitta' maraeng nisungke iamintu Kitta'na Tau Attallasaka. Nampa nitappukimi hukkunganna sikamma tau matea situru' panggaukanna ke'nanga, kamma niaka tattulisi' lalang ri anjo kitta'-kittaka.

PAPPICINI' 20:15

Sikamma tau tenaya natattulisi' arenna lalang ri Kitta'na Tau Attallasaka, lanipela' ngasemmi antama' ri tamparang pepeka.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”

PAPPICINI' 3:5

Ia ammetaya lanisarei pakeang kebo'. TalaKupasulukai areng-arenna ke'nanga lalang ri Kitta'na Tau Attallasaka. Na ri dallekanNa ManggeKu siagang malaeka'-malaeka'Na, laKuakui ke'nanga angkanaya anjo ke'nanga ma'nassa taungKu ngaseng.