PAPPICINI' 18:20 - KITTA' MATANGKASA'

²⁰ He, surugaya, a'rannu-rannuko lanri posso'na anjo kotaya. He, Umma'Na Allata'ala, suro-suroa, siagang na'bi-na'bia ma'rannu-rannuko! Nasaba' nihukkummi ri Allata'ala anjo kotaya, a'jari pa'balasa' mae ri apa-apa le'baka nagaukang mae ri kau ngaseng!

PAPPICINI' 18:20 ပူးပေါင်းရင်းမြစ်များ

PAMMUJI 107:42

Niciniki ri tau lambusuka na rannu, mingka tau ja'dalaka nitongkoki bawana.

PAMMUJI 109:28

Manna pole natunraia' ke'nanga, poro iKatte ambarakkakia'. Manna pole ambangung ke'nanga, lanipakasiriki ke'nanga; mingka poro inakke, atanTa, Kipakarannua'.

PAMMUJI 18:47

Batara mattallasaki! Nipujimi mappatojengku! Mala'biriki kalompoanNa Allata'ala mappasalamakku!

PAMMUJI 48:11

Masahoroki arenTa siagang nipuji ri sikontu linoa, ammarentaKi' siagang adele'.

PAMMUJI 58:10

Ri tenanapa nangngu'rangi, naposso'mo ke'nanga, sanrapang rompo' moncongbulo iji na tenapa nalompo mingka la'busu'mi niri'bakang ri anging, sanrapang lamung-lamung kalotoro'.

PAMMUJI 94:1

O, Allata'ala, IKatte Allata'ala assarea pa'balasa', Kipappicinikang laloi pa'balasatTa, o, Batara.

PANGNGEBARANG 11:10

Accayai kotaya punna anggappa dalle' tau lambusuka; akkio' rannui ra'yaka punna mate tau ja'dalaka.

YESAYA 26:21

Laturungi Batara battu ri pammantanganNa ri suruga untu' anghukkungi linoa siagang pandudu'na lanri dosana ke'nanga. Pammunoang le'baka nagaukang cokko-cokko ke'nanga lanisungke ngasengi. Tenamo nalanitongko' ri butta sikamma tau mate nibunoa.

YESAYA 44:23

Akkio' rannuko, he langi', ma'rannu-rannuko, he bone kambunna buttaya! Akkio' rannuko, he sikamma monconga! siagang romanga na sikamma poko' niaka lalang! Saba' Napappicinikammi Batara kala'biranNa lanri le'ba'na Napasulu' Israel umma'Na.

YESAYA 49:13

Akkelongko he langika, akkio' rannuko he buttaya, he sikamma monconga, akkio' rannuko! Saba' niaki battu Batara ansaleori umma'Na, Nakamaseangi umma'Na nijallakkanga.

ZEFANYA 3:15

Nasaba' ammarimi Batara anghukkungko; le'ba'mi Nabongka ngaseng musunnu. Nila'langngiko ri Karaeng Israel, iamintu KalenNa Batara. Kamma-kamma anne tenamo nuparallu malla'.

EFESUS 2:20

Nibangung tommako irate ri batu le'baka napadongko' sikamma tunisuroNa Allata'ala siagang na'bi-na'biNa; nampa Isa Almasi a'jari sanrapang batu malompona anjo bangunanga.

EFESUS 3:5

Riolo tena le'bakai nipau anjo rahasiaya mae ri rupataua; mingka kamma-kamma anne Nasungkemi RohNa Allata'ala mae ri tunisuroNa siagang na'bi-na'biNa.

EFESUS 4:11

Iami “assarei sikamma passarea mae ri rupataua”; nia' Nasare pangngellai a'jari tunisuro, na maraenganga Nasare pangngellai a'jari na'bi; maraengannaya pole Nasarei pangngellai a'jari paerang Kabara' Baji'; na maraengannaya pole Nasarei pangngellai a'jari tummarakai jama'ah siagang a'jari guru.

PAOLE 32:42

PanaKu rassi cera'na ke'nanga, cera' tunitahang siagang tau loko'. Nabunoi pa'dangKu sikamma tau angngewaya, musu la'bua uu'na tena nalaKulappassang.

2 PETRUS 3:2

Kukellaiko sollanna nuu'rangi kana-kana le'baka napau na'bi-na'biNa Allata'ala riolo, siagang apa Napassuroanga Batara, Karaeng Mappasalamatta, ia napabattua sikamma tunisuroNa mae ri kau.

YUDAS 1:17

Mingka sikamma sari'battangku sannaka kukarimangnginna, u'rangi apa-apa le'baka napau sikamma tunisuroNa Batara Isa Almasi pirangalloang.

PAPPICINI' 12:12

Lanri kammana, parallui ma'rannu-rannu surugaya siagang sikontu tau niaka ammantang lalang! Mingka cilakami buttaya siagang tamparanga, nasaba' naummi Billisika mae ri kau sanna' larrona, lanri naassenna angkana sinampe' mami wattunna.”

PAPPICINI' 18:6

Appanggaukang mako mae ri ia sangkamma batena appanggaukang mae ri kau ngaseng; balasaki a'lappi rua sikamma apa le'baka nagaukang Bonei mangko'na inungang a'lappi ruaya terasa'na nainungang napasadiaya untu' ikau ngaseng.

PAPPICINI' 6:10

Akkio' lompomi ke'nanga angkana, “O Batara Kaminang Koasaya, Ia matangkasaka na tojeng! Siapapi sallona nampa Kiadeli tuma'buttaya ri lino siagang Kihukkung ke'nanga lanri nabunona ikambe?”

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.