PAPPICINI' 18:14 - KITTA' MATANGKASA'

¹⁴ Nakanamo sikamma padangganga mae ri anjo bainea, “Tena ngasemmi sikamma apa nukaerokia; siagang tappela' ngaseng tommi kakalumanynyanganga siagang kagammarranga. Tenamo nalanugappa ammotere'!”

PAPPICINI' 18:14 ပူးပေါင်းရင်းမြစ်များ

PAMMUJI 106:14

Ri parang lompoa nigodami ke'nanga ri napasuna, na naso'ri Allata'ala.

PAMMUJI 78:18

Nakunjungimi ke'nanga naso'ri Allata'ala, appala' kanre nakaerokia ke'nanga.

PAMMILANGNGANG 11:34

Jari niaremmi anjo tampaka “Jera' Kabalalang”, lanri anjoremmi nitarawang sikamma tau matea napakamma balala.

PAMMILANGNGANG 11:4

Lalang pa'jappanna anjo tu Israel nia' todong bansa maraeng amminawang. Ero' dudui anjo ke'nanga angnganre dageng, nampa appakkaramula tommo tu Israel akkunrareng. Nakanamo ke'nanga, “Ah, coba nania' mamo dageng untu' nikanre-kanre!

MATIUS 11:8

Apa ero' mange nucini' anjoreng? Tau ammake pakeang ga'ga? Niaki ri balla' lompona karaenga tau ammakeang ga'gaya!

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

LUKAS 16:25

Mingka appialimi Abraham nakana, ‘U'rangi ana' angkanaya: lalang sikontu tallasa'nu le'ba'mi kau nugappa siagang nukasia' sikontu apa-apa bajika; mingka Lazarus sangnging apa-apa kodia bawang le'ba' nagappa. Kamma-kamma anne nakasia' tommi Lazarus te'nea anrinni, na ikau nukasia' tommi sessaya.

1 KORINTUS 10:6

Yangasemmi anjo a'jari conto mae ri katte, untu' ampakaingakki' sollanna tena nicinna mae ri apa-apa ja'dalaka sangkamma ke'nanga.

YAKOBUS 4:2

Cinnako, mingka tena nunggappa; jari ero' mako ammuno! Lompoi sumanga'nu, mingka tanugappayai apa nuboyaiya; jari a'besere' mako siagang assiba'ji mako. Tena nunggappa apa-apa, lanri tena nuppala' mae ri Allata'ala.

PAPPICINI' 18:13

kuli' kayu bauka, rampa-rampaya, sitanggi, minynya' bau', siagang kamanynyang; anggoro' siagang minynya', tarigu siagang gandung; sapi siagang gimbala'; jarang siagang bendi, ata-ataya, ba'lalo nyawana pole taua.

PAPPICINI' 18:15

Ammenteng battu bellami sikamma anjo padanggang a'jari kalumanynyanga napakamma anjo kotaya, lanri malla'na ke'nanga nataba kasessanna. Lasusami siagang langngarru'mi ke'nanga,