PAPPICINI' 14:16 - KITTA' MATANGKASA'

¹⁶ Nampa Napasoemo kandaoNa anjo ammempoa irate ri rammanga nanikattomo linoa.

PAPPICINI' 14:16 ပူးပေါင်းရင်းမြစ်များ

MATIUS 16:27

Tasalloami Nabattu Ana' Ma'rupataua siagang kakoasanNa ManggeNa, nirurungang ri malaeka'-malaeka'Na. Iaminjo wattua naNabalasa' massing panggaukanna rupataua.

PAPPICINI' 14:14

Nampa kuciniki, na nia'mo kucini' rammang kebo'. Irate ri anjo rammanga nia' sitau ammempo sangkammaya nicini' tau tanja'Na. Ri ulunNa nia' songko' bulaeng, na ri limanNa nia' se're kandao tarang.

PAPPICINI' 14:15

Nampa nia' se're malaeka' maraengang assulu' battu ri Balla'Na Allata'ala. Akkio' lompomi mae ri Ia anjo ammempoa irate ri rammanga angkana, “Soeammi kandaoNu siagang akkatto mako kamma-kamma anne, nasaba' narapi'mi wattunna pakkattoanga; toami buttaya, jari wattunnami nikatto!”

PAPPICINI' 14:17

Nampa nia' kucini' se're malaeka' maraengannaya pole assulu' battu ri Balla'Na Allata'ala ri suruga. Anna'gala' tongi se're kandao tarang.

PAPPICINI' 14:19

Jari napasoemi kandaona naung ri buttaya anjo malaekaka, nampa nakere' ngaseng rapponna anjo anggoroka battu ri poko'na, nampa napasambila antama' ri pammaccokang anggoro' pangngalarroi lompoNa Allata'ala.