PAPPICINI' 11:18 - KITTA' MATANGKASA'

¹⁸ A'jalloki tau tenaya natappa' ri Batara, lanri narapi'mi wattunTa ampappicinikangi kalarroanTa, siagang narapi' tommi wattunna Kiadeli tau matea. Iaminne wattunna laKisare passawallang sikontu atanTa, na'bi-na'biTa, kammayatompa sikontu ummatTa, iamintu sikontu tau anynyombaya mae ri Katte, baji' natau lompo, kammayatompa tau ca'di. Iaminne wattunna laKiancuru' tau angngancurukai buttaya!”

PAPPICINI' 11:18 ပူးပေါင်းရင်းမြစ်များ

PAMMUJI 103:11

Mingka antekamma tinggina langika battu ri buttaya, kammaminjo lompo pangngamaseanNa mae ri tau mappilangngeria.

PAMMUJI 110:5

Niaki Batara ri sa'ri kanannu, punna larroi, Nabetai sikontu karaenga.

PAMMUJI 147:11

Ia Nangaia Batara iamintu tau mappilangngeria, tau tuli manrannuanga ri pangngamaseanNa.

PAMMUJI 2:5

Nampa Naga'gara' larro ke'nanga, Napata'bangka ri pangngalarroiNa.

PAMMUJI 85:9

Erokka' ampilangngeri kananNa Karaeng Allata'ala; Napa'janjiangi kasalewanganga mae ri katte, umma'Na, assala' tenaja nigaukang poleangi dosaya.

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

KATO'BA 8:12

Manna sibilangngang kaja'dallang nagaukang se'rea tu doraka, tuli attallasa'na, ba'lalo la'bui umuru'na. Bedeng, nakana taua inai mannuruki ri Allata'ala, mattantu sarro bajiki tallasa'na.

DANIEL 11:44

Nampa nia'mo kabara' battu raya siagang battu wara' lampata'bangkai, sa'genna lattojeng-tojemmo a'bundu' siagang jai tau nabuno.

DANIEL 7:26

Nampa lassidangi pangadelanga ri suruga siagang lanabi'buki kakoasanna kammayatompa lanaancuru' taba sikali.

DANIEL 8:25

Lanri ia sannaki porena akkala'na, tuli lanjari balle-ballena. Lanakatampoangi kalenna, siagang tena napakainga' rioloi taua na napanraki tau jaia. Ba'lalo barani angngewai Karaeng Kaminang Lompoa. Mingka laniancuru' tongi nateaiji kagassingang rupatau.

MATIUS 5:12

Kasukkurangi siagang karannuangi, nasaba' lompoangangi pahala lanutarimaya sallang battu ri Allata'ala. Kamma tomminjo batena nisessa na'bi-na'bi le'baka battu rioloangannu.”

LUKAS 1:50

Sossorang mange ri sossorang tuli nikamaseang ri Batara tau mallaka ri Ia.

IBRANI 9:27

Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.

PAPPICINI' 10:7

Mingka punna napasa'ra tarompe'na anjo malaeka' makatujua, laNapa'jarimi rahasia eroka Nagaukang Allata'ala, sangkamma le'baka napabattu ngaseng ata-atanNa, iamintu na'bi-na'bia.”

PAPPICINI' 11:2

Mingka teako ukkuruki paranglakkeng pantaranganna anjo Balla'Na Allata'ala, nasaba' anjo bageanga le'ba'mi nipassareang mae ri tau tenaya natappa' mae ri Batara. Lanaonjo'-onjokangi ke'nanga anjo kota matangkasaka patampulo anrua bulang sallona.

PAPPICINI' 13:10

“Tau lanitarungkua, musti lanitarungkui. Siagang tau lanibunoa siagang pa'dang mattantu lanibunoi siagang pa'dang. Iaminjo saba'na namusti sa'bara' siagang tamamminraya Umma'Na Allata'ala.”

PAPPICINI' 13:16

Sikontu rupataua, lompo yareka ca'di, kasi-asi yareka kalumanynyang, tau ata yareka tau bebasa', nipassa ngasemmi ri anjo olo'-oloka untu' annarima pammatei ri lima kananna ke'nanga yareka ri tompo' kanynyinna ke'nanga.

PAPPICINI' 14:10

anjo taua langnginungi anggoro'Na Allata'ala, iamintu anggoro' pangngalarroinNa le'bakamo nipanaung ri pangnginunganna; manna sike'de' tena nalanipakurang anjo anggoro' pangngalarroia! Yangasenna anjo taua lanisessai lalang ri pepeka siagang bara a'rinraya ri dallekanna malaeka'-malaeka' matangkasaka siagang ri dallekanNa anjo Ana' Gimbalaka.

PAPPICINI' 15:1

Nampa nia' kucini' ri langika apa appakalannasaka siagang sannaka heba'na. Nia' tuju malaeka' siagang tuju bala kala'busanga. Iaminne kala'busanna Napappicinikang kalarroanNa Allata'ala.

PAPPICINI' 15:7

Nampa kalase'renna battu ri anjo appaka anu attallasa' ansarei anjo tujua malaeka' tuju pammoneang bulaenga nipare', rassia siagang kalarroanNa Allata'ala, iamintu Allata'ala Mattallasaka satunggu-tungguna.

PAPPICINI' 18:6

Appanggaukang mako mae ri ia sangkamma batena appanggaukang mae ri kau ngaseng; balasaki a'lappi rua sikamma apa le'baka nagaukang Bonei mangko'na inungang a'lappi ruaya terasa'na nainungang napasadiaya untu' ikau ngaseng.

PAPPICINI' 19:15

Battu ri bawaNa nia' assulu' pa'dang tarang; siagang iaminjo pa'danga laNapake ambetai bansa-bansaya, nampa laNaparenta ke'nanga siagang takkang bassi. LaNapaccoki anggoroka lalang ri pammaccokang anggoro' kalarroanNa Allata'ala Kaminang Koasaya.

PAPPICINI' 19:18

Maeko angkanrei assinna ngaseng karaenga, panglimaya, siagang assinna tau rewaya; maeko angkanrei assinna sikamma padongko' jaranga siagang jaranna ngaseng, kammayatompa assinna sikontu rupataua, tau lompo yareka tau ca'di, ata yareka tau bebasa'!”

PAPPICINI' 19:5

Nampa nia' kulangngere' sa'ra battu ri anjo empoang kala'biranga angkana, “Pujimi Allata'ala, ikau sikontu atanNa, siagang sikontu rupataua, tau lompo yareka ca'di, ia anynyombaya ri Allata'ala, pujimi Allata'ala!”

PAPPICINI' 20:12

Siagang nia'mi kucini' sikamma tau matea, tau lompo yareka tau ca'di, ammenteng ri dallekanna anjo empoang kala'biranga. Nisungkemi kitta'-kittaka. Nampa nia' tommo se're kitta' maraeng nisungke iamintu Kitta'na Tau Attallasaka. Nampa nitappukimi hukkunganna sikamma tau matea situru' panggaukanna ke'nanga, kamma niaka tattulisi' lalang ri anjo kitta'-kittaka.

PAPPICINI' 20:15

Sikamma tau tenaya natattulisi' arenna lalang ri Kitta'na Tau Attallasaka, lanipela' ngasemmi antama' ri tamparang pepeka.

PAPPICINI' 22:12

Nakana Isa, “Parhatikangi anne! Tenamo nasallo Kubattu angngerang sawala' untu' lanipa'balassang mae ri sikamma taua situru' apa massing le'baka nagaukang.