PAPPICINI' 1:19 - KITTA' MATANGKASA'

¹⁹ Lanri kammana, tulisi' ngasengi sikamma apa-apa nucinika, iamintu apa-apa niaka ri kamma-kammaya anne, siagang apa-apa lakajarianga sallang.

PAPPICINI' 1:19 ပူးပေါင်းရင်းမြစ်များ

HABAKUK 2:2

Appialimi Batara mae ri nakke kamma anne, “Ukiriki baji' pa'nassana mae ri papang batua, apa Kupa'nyataya mae ri kau sollanna akkulle gampang nibaca.

PAPPICINI' 1:1

Ia bonena anne Kittaka, iamintu apa-apa le'baka Napappicinikang Isa Almasi ri passala'na sikontu apa-apa lakajarianga sallang. Napappiassengangi Allata'ala mae ri Almasi sollanna Napabattu Almasi mae ri sikontu atanNa Allata'ala apa-apa tenayamo nasallo namusti kajariang. Nasuromi Almasi a'lampa malaeka'Na mae ri atanNa, iamintu Yohanes, untu' ampappiassengangi mae ri ia anjo apa-apa lakajarianga.

PAPPICINI' 1:11

Nakana anjo sa'raya, “Tulisiki apa nucinika, nampa nukiring anjo kitta' nutulisika mae ri tujua jama'ah, iamintu: Efesus, Smirna, Pergamus, Tiatira, Sardis, Filadelfia, siagang Laodikia.”

PAPPICINI' 1:12

Assailema' mae ri boko ero' anciniki angkana maka inai anjo a'bicara mae ri nakke. Nampa nia' kucini' tuju bangkeng lampu ammakea sumbu, bulaenga nipare'.

PAPPICINI' 10:4

Assa'rana anjo gunturuka, ero'mi kutulisi'; mingka nia'mo kulangngere' sa'ra battu ri suruga angkana, “Rahasiakangi anjo apa napaua anjo tujua gunturu', teako tulisiki!”

PAPPICINI' 19:9

Nampa nakana anjo malaekaka mae ri nakke, “Tulisiki anne: ‘Maupaki sikamma tau le'baka nibuntuli mae ri passua'-suarranna pa'buntinganNa anjo Ana' Gimbalaka.’ ” Nampa nasambung pole anjo malaekaka angkana, “Iaminne biritta tojenga, battua ri Allata'ala.”