PAOLE 9:26 - KITTA' MATANGKASA'

²⁶ siagang appala' doamma' angkana, O, Batara Kaminang Tinggia, tea' laloKi' ancuruki anne umma' KalenTa, bansa le'baka Kilappassang siagang Kiantaraka assulu' battu ri butta Mesir lalang kagassingang siagang kakoasang malompoTa.

PAOLE 9:26 ပူးပေါင်းရင်းမြစ်များ

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

1 KARAENG-KARAENG 8:51

Iami ke'nanga umma' kalenTa, ia Kieranga assulu' battu ri Mesir, pa'rasangang le'baka napammantangi ke'nanga nisessa.

1 KARAENG-KARAENG 8:53

IKatte o Karaeng Allata'ala, le'ba'mi Kipile ke'nanga battu ri alla'na bansaya untu' a'jari umma' kalenTa, sangkamma le'baka Kipau mae ri ke'nanga tete ri Musa atanTa, ri wattu Kirurunganna boe-boena ikambe assulu' battu ri Mesir.”

NEHEMIA 1:10

O, Batara, ikambe anne ata-atanTa, umma' kalenTa le'baka Kipasalama' lalang koasaTa siagang kahebakkanna kagassinganTa.

PAMMUJI 106:23

Jari ero'mi Allata'ala ampossoki umma'Na, mingka nipisangkai ri Musa, tunipileNa. Musa a'jari antangngai ke'nanga, sa'genna naung larroNa Allata'ala.

PAMMUJI 107:2

Pau ma'mole-molei anjo kammaya, he ikau le'baka nipasalama' battu ri kasusaanga.

PAMMUJI 28:9

Kipasalama' laloi ummatTa, o, Batara, barakkaki sikamma tau Kipatanga. A'jariKi' sanrapang pakalawaki mae ri ke'nanga, na Kijagai ke'nanga sa'genna satunggu-tungguna.

PAMMUJI 57:1

Untu' pamimping pakelong. Situru' lagu: TeaKi' papossoki. Pammujina Daud, ri wattunna lari antama' ri kali'bong batua alliliangi Saul.

PAMMUJI 77:15

IKattemi Allata'ala anggaukangai gau' appakalannasaka, le'ba'mi Kipa'nyata koasaTa ri alla'na bansa-bansaya.

PAMMUJI 78:35

Nau'rangimi ke'nanga angkana Allata'ala pa'la'langanna ke'nanga, siagang Kaminang Tinggia Tumappasalama'na ke'nanga.

PAMMUJI 99:6

Musa siagang Harun antamaki imang-imanna, Samuel kalase'renna tau appala' doanga mae ri Ia. Akkioki ke'nanga mae ri Batara, siagang appialimi.

KALAPPASSANG 15:13

Kipimpingi anne bansa le'baka Kipasalama', lanri majarrekKi' mae ri janjinTa. Lanri koasa malompoTa naKila'langi, siagang Kirurungang mae ri butta matangkasatTa.

KALAPPASSANG 33:13

Punna kamma, Kipauang laloma' angkana apa rancanaTa, sollangku akkulle allayaniKi' siagang tuli kupakasannang pa'maitTa. Kiu'rangi tongi angkanaya anne bansaya le'ba'mi Kipile a'jari iKatte ampatangi.”

KALAPPASSANG 34:9

Nakana, “O Batara, punna ma'nassa nia' tojeng pangngellainTa mae ri nakke, kupalaki, poro amminawang laloKi' siagang ikambe. Anne bansaya memang kapala batui, mingka Kipammopporang laloi kaja'dallanna siagang dosana ikambe, siagang poro Kitarima laloi ikambe salaku umma' kalenTa.”

YESAYA 44:23

Akkio' rannuko, he langi', ma'rannu-rannuko, he bone kambunna buttaya! Akkio' rannuko, he sikamma monconga! siagang romanga na sikamma poko' niaka lalang! Saba' Napappicinikammi Batara kala'biranNa lanri le'ba'na Napasulu' Israel umma'Na.

YESAYA 63:19

IKatte ampa'jari ikambe rapang tena le'bakaKi' makoasa mae ri kambe; rapang tena le'bakai ikambe a'jari ummatTa.

YEREMIA 14:21

Kiu'rangi janjinTa, teaKi' pakatunai ikambe; teaKi' kaluppai janjinTa siagang ikambe. Yerusalem tampa' empoang kala'biranTa, teaKi' pakatunai.

YEREMIA 15:1

Nakana Batara ri nakke, “Tena nalaKukamaseang anne bansaya, manna pole nania' Musa siagang Samuel anrinni untu' ammenteng ampappalakkangi ke'nanga pangngamaseangKu. Suroi anne bansaya a'lampa, tena Kuero' anciniki ke'nanga!

PIRAUNG 2:20

O Batara, ciniki na Kiparhatikang anjo ke'nanga tau Kisessaya! Maka nia' kammaya anjo le'ba' Kigaukang? Anrong angkanrei ana' kalenna nangaia, imanga siagang na'bia nibunoi lalang ri BallatTa matangkasaka.

MIKHA 6:4

Le'ba' mako Kuerang assulu' battu ri butta Mesir, siagang Kulappassangko battu ri nipareka ata; le'ba'mi Kusuro Musa, Harun, siagang Miryam untu' ampimpingko.

PAOLE 15:15

U'rangi angkanaya ikau ata tonjako riolo ri Mesir nampa nipakabebasakko ri Karaeng Allata'alanu; iaminjo saba'na nakupassareang anne parentaya mae ri kau.

PAOLE 21:8

O, Batara, Kipammopporangi Israel ummatTa Kilappassanga battu ri Mesir. Kipammopporangi ikambe, siagang teaKi' naikambe Kibattalli ri passabakkang nibunona anne tau tenaya nasala.’

PAOLE 32:9

Mingka anne jari-jarina Yakub Napilei Batara untu' KalenNa.

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.

PAOLE 9:12

Nampa Nakana Batara mae ri nakke, ‘Naungko linta', nasaba' anjo bansanu nueranga assulu' battu ri butta Mesir a'gau' ja'dala'mi. Ammengkami ke'nanga battu ri parenta-parentaKu, siagang appare'mi patung untu' nasomba.’

PAOLE 9:27

Kiu'rangi ata-atanTa Abraham, Ishak siagang Yakub, siagang teaKi' jampangi anjo sipa' kapala batuna, yareka kaja'dallanna siagang dosana anne bansaya.

PAOLE 9:29

Mingka Kiu'rangi laloi, o Batara, angkanaya anne ke'nanga bansa Kipile a'jari ummatTa, siagang Kierangi battu ri Mesir lalang kagassingang siagang kakoasang malompoTa.”

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

IBRANI 9:12

Sikaliji Almasi antama' ri anjo Kamara' Kaminang Matangkasaka ilalang ri anjo kemaya sa'genna satunggu-tungguna. Anjo wattua tena Nangngerang cera' bembe laki, yareka cera' sapi rungka untu' lanipangngadakkang; passangalinna cera' KalenNa Naerang, na lanri kammanami anjo naNalappassang maki' battu ri dosa-dosaya sa'genna satunggu-tungguna.

PAPPICINI' 5:9

Akkelommi ke'nanga se're kelongang beru nakana: “IKattemi siratang angngallei anjo kittaka, siagang anreppeki sege'-segele'na. Nasaba' Ikattemi le'ba' nibuno, na lanri kamateanTa, na le'ba'mo Kiballi sikontu rupataua battu ri a'rupa-rupa suku, bahasa, pa'rasangang, siagang bansa, untu' Kierang ri Allata'ala.

1 SAMUEL 7:9

Lanri kammana, ammolommi Samuel sikayu ana' gimbala' rungka, nampa nakoro'bangkang sipa'gang a'jari koro'bang nitunu untu' Batara. Le'baki anjo appala' doammi sollanna Natulung Batara tu Israel. Na nitarimamo pappala' doanna.