PAOLE 9:1 - KITTA' MATANGKASA'

¹ “Pilangngeri sikamma sari'battangku ngaseng! Anne alloa a'limbangko untu' ampantamakki daerana bansa-bansa la'bi lompoanganga siagang la'bi kassakkangnganga naikau. Kota-kotana ke'nanga lompo-lompo ngasengi, siagang tinggi tembo' pattahanganna sanrapang tinggina langika.

PAOLE 9:1 ပူးပေါင်းရင်းမြစ်များ

PA'JARIANG 11:4

Nakanamo ke'nanga, “Umba kimbangung kota siagang se're menara ta'rapika coppo'na sa'genna ri langi', sollanna ki'jari masahoro' siagang tena kisisa'la'-sa'la ri sikontu linoa.”

KALAPPASSANG 32:1

Ri wattunna nacini' bansa Israel angkanaya sallo dudumi Musa natanaungapa ammotere' Musa battu ri monconga, mingka tuli ammantanna rate, battumi ke'nanga allipungi Harun na nakana ri ia, “Taniassengai angkana apa kajariang ri Musa, anjo tau angngerangaki' assulu' battu ri Mesir; jari papparekammi ikambe se're rewata akkullea ampimpingi ikambe.”

DANIEL 4:11

Anjo poko' kayua sanna' tinggina; batanna lompoi na kassa'. Coppo'na sa'gennai langika, sa'genna akkullei nicini' ri sikontu niaka ri buttaya.

AMOS 2:9

Mingka manna nakamma, he ummakKu, untu' ikaumi naKupanraki tu Amori tinggia kalenna rapang poko' camara siagang kassaka rapang poko' kayu terpentin.

PAMMILANGNGANG 13:22

Uru-uruna a'lampai ke'nanga ri bageang timboranna anjo pa'rasanganga nampa battu mange ri kota Hebron, tampa' napammantangia tu Ahiman, Sesai siagang Talmai, jari-jarina Enak. Anjo kota Hebron tuju taungi le'ba'na nibangung nampa nibangung kota Zoan ri Mesir.

PAMMILANGNGANG 33:51

anne parenta-parentaya untu' bansa Israel: “Punna a'limbangko ri Binanga Yordan untu' antama' ri pa'rasangang Kanaan,

PAOLE 1:28

Jari apa matu-matunta mange anjoreng? Anjo tau nikiringa mange anjoreng napakamalla' maki' lanri nalaporo'na ke'nanga angkana anjo bansa niaka anjoreng la'bi kassakangngangi siagang la'bi baraniangngangi na ikatte, kammayatompa lalangi ke'nanga ammantang ri kota-kota nikallika tembo' kammaya langi' tinggina. Acciniki ke'nanga rassasa anjoreng!’

PAOLE 11:23

Na Batara lambongkai anjo sikontu bansaya battu ri dallekannu, siagang kau lampammantangngi buttana bansa-bansa lompoangnganga siagang kassakangnganga naikau.

PAOLE 11:31

Tassalloami nanu'limbang ri Binanga Yordan siagang nupammantangngi butta Napassareanga Karaeng Allata'alanu mae ri kau. Punna le'baki nualle anjo buttaya siagang punna ammantang mako anjoreng,

PAOLE 27:2

Ri allo a'limbannu ri Binanga Yordan untu' antama' ri pa'rasangang Napassareanga Karaeng Allata'alanu mae ri kau, musti appaentengko siapa are batu lompo nampa nupa'leoki.

PAOLE 3:18

Anjo memang wattua kusaremi ke'nanga parenta kammaya anne: Nasareko Karaeng Allata'alanu daera rayanganna Binanga Yordan untu' a'jari pammantangngannu. Mingka sikontu tantaranu musti angngerangi sanjata nampa a'limbang ri Binanga Yordan ri dallekanna suku-suku Israel maraenga.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

PAOLE 4:38

Bansa-bansa la'bi lompoanganga siagang la'bi kassakanganga Nabongkai battu ri dallekannu, sollanna Naantarakko mange ri pa'rasanganna ke'nanga Napassareanga mae ri kau, pa'rasangang nupatanga kamma-kamma anne.

PAOLE 6:10

“A'janji Karaeng Allata'alanu mae ri boe-boenu iamintu Abraham, Ishak siagang Yakub angkanaya laNapassareangi anjo pa'rasanganga mae ri kau. Kota-kotana lompoi siagang coppongi, nampa teai ikau ambangungi.

PAOLE 7:1

“LaNaerangko Karaeng Allata'alanu mange ri pa'rasangang lanupammantangngia, siagang jai bansa laNabongka battu anjoreng. LaNabongkai tujua bansa la'bi lompo siagang la'bi kassakkangngang na ikau ri dallekang matannu, iamintu: Tu Het, Girgasi, Amori, Kanaan, Feris, Hewi siagang Yebus.

YOSUA 1:11

sollanna a'lampa ke'nanga akkuliling ri sikontu pakkemaanna umma' Israel siagang napabattu anne parentaya angkana, “Appasadiako bokong, nasaba' tallungallo mami numusti a'limbang ri Binanga Yordan untu' ampantamakki pa'rasangang Napassareanga Karaeng Allata'alanu mae ri kau.”

YOSUA 1:15

Musti nubantui ke'nanga, sa'genna napantamakki ke'nanga butta niaka ilaukanna anne Binanga Yordan, Napassareanga Karaeng Allata'alanu mae ri ke'nanga. Punna le'ba'mo Nasare Batara kaamangngang sikontu bansa Israel, nampa mako akkulle ammotere' ri butta kalennu irayanganna anne Binanga Yordan, napassareanga Musa atanNa Batara mae ri kau.”

YOSUA 14:12

Lanri kammana anjo, sareamma' kamma-kamma anne daera pa'moncongang Napa'janjianga Batara mae ri nakke ri wattungku ammotere' siagang sikamma tau kuaganga angngerang laporang. Anjo wattua kalennu allangngereki, angkanaya anjoreng nia' bansa lompo tinggia pakkaleanna, niarenga bansa Enak. Lalangi ke'nanga ri kota-kota lompo nitemboka tammulilina ammantang. LaNatulunga' kapang Batara, sa'genna akkulle kubongka ke'nanga, sangkamma Napaua Batara.”

YOSUA 3:14

Anjo wattua sitabangi wattu pakkattoang; na kamma biasa anjo wattua allumpai je'ne'na Binanga Yordan. Ri wattunna nabokoi tu Israel pakkemaanna ke'nanga untu' a'limbang ri Binanga Yordan, a'jappa riolomi sikamma imanga na naerang Patti Parjanjianga. Na ri wattunna napaonjo' bangkenna anjo imang-imanga antama' ri je'ne' binangaya,

YOSUA 3:16

ammantang memammi silalonna a'lo'loro' je'ne'na anjo binangaya. Bellai, irate ri bageang ulunna anjo binangaya, asse'remi je'ne'na ri Adam, iamintu se'reang kota niaka ammantang ri ba'leanna kota Sartan. Anjo je'ne' a'lo'loroka mange ri Tamparang Matea ammantang taba sikali, sa'genna akkullemo bansa Israel a'limbang irate ri butta kalotoroka assidallekanga siagang kota Yerikho. Anjo sikamma imang-imang ambulekai anjo Patti Parjanjianga tuli ammentenna ri tangnga-tangngana binangaya sa'genna battu ngaseng anta'le sikontu umma' Israel.

YOSUA 3:6

Nampa naparentakang Yosua sikamma imanga sollanna naangka' anjo Patti Parjanjianga nampa a'lampa riolo ri dallekanna umma' Israel. Nagaukammi ke'nanga anjo apa naparentakanga Yosua mae ri ke'nanga.

YOSUA 4:19

Tanggala' sampulo bulang makase're nabattu umma' Israel ri ba'leanna Binanga Yordan. Nampa akkema ke'nanga ri Gilgal, irayanganna Yerikho.

YOSUA 4:5

nampa nakana, “A'lampako mange ri tangngana Binanga Yordan, ri dallekanna Patti ParjanjianNa Karaeng Allata'alanu. Massing angngalleko se're batu battu anjoreng, iamintu sampulo anrua batu jaina situru' jaina suku-suku niaka lalang ri bansa Israel.