PAOLE 8:8 - KITTA' MATANGKASA'

⁸ Anjo pa'rasanganga angngerangi wassele' sangka' rupanna, kammayami gandung, anggoro', rappo ara, rappo delima, poko' zaitun siagang bani.

PAOLE 8:8 ပူးပေါင်းရင်းမြစ်များ

PA'JARIANG 49:11

Ana' keledaina nipaukang ri poko', poko' anggoro' mabajika. Anggoro' lanapasassa ri pakeanna, anggoro' eja sanrapang cera'.

2 SAMUEL 4:6

Baine a'jagaya ri anjo ballaka ta'do'doki ri wattu attapina gandung, sa'genna attinro. Lanri kammana anjo akkullei Rekhab siagang Baana antama' cokko-cokko ri anjo ballaka.

1 KARAENG-KARAENG 5:11

Na untu' assarei kanre sikamma bone balla' kakaraenganna Hiram, taung-taungi nisare Hiram ri Salomo 322.500 kilo gandung, 4.400 litere' minynya' zaitun asli.

2 KARAENG-KARAENG 18:32

sa'gennu kupalette' mange ri se'reang pa'rasangang eroka sangkamma pa'rasangang kalennu. Anjoreng nia' koko anggoro' a'rappoa untu' ikau, siagang koko gandung assarea wassele' labu' untu' kanrenu. Anjoreng ri pa'rasanganga jai poko' zaitun, minynya' zaitun siagang je'ne' bani. Punna nuturuki apa kupassuroanga mae ri kau, lattallasakko la'bu umuru'nu. Teako pilangngeri Hizkia! Poro ero'naji amballe-balleiko angkanaya laNapasalamakko Batara.

PAMMUJI 147:14

Ia anjagai daeranu sollanna tuli amang, ampakabassorokko siagang gandung kaminang bajika.

PAMMUJI 81:16

Tau birisika ri ke'nanga laKupatunduki, lanihukkungi ke'nanga satunggu-tungguna.

YESAYA 7:23

Anjo wattua sikamma koko anggoro' massing nilamungia tassisa'bu poko' anggoro' siagang nianggaraka sisa'bu doe' pera', lanitimboi ri romang katinting.

YEREMIA 2:7

Kuerangi ke'nanga mange ri pa'rasangang coppong untu' angkasiaki sikamma wassele' bajika anjoreng. Mingka anjorengi narantassi ke'nanga buttaKu nanapa'jari appakaringi'-ringi' apa-apa Kupatanga.

YEREMIA 5:17

Lanapaccappuki ke'nanga wassele' buttanu siagang kanre-kanreannu kammayatompa nabunoi ana'-ana'nu. Lanasamballei ke'nanga olo'-olo' sapinu siagang gimbala'nu, siagang lapanraki ngasengi poko'-poko' anggoro'nu siagang poko'-poko' aranu. Lanaancuruki ke'nanga kota-kota ammakea tembo' pattahangngang ia nupattoanga.

YEHEZKIEL 27:17

Yehuda siagang Israel napassambei barang-barang danggangannu siagang gandung, je'ne' bani, minynya' zaitun, siagang rampa-rampa.

HOSEA 2:8

Amma'nu tenamo naania' angkanaya iNakke assarei gandung, anggoro', minynya' zaitun, siagang sikontu bulaeng na pera' niaka napake untu' anynyomba ri anjo Rewata Baal.

MIKHA 4:4

Tunggala' taua laamangi siagang salewangang lalang tallasa'na ri tangnga koko anggoro'na siagang koko poko' arana; tenamo lampakamallaki, iaminjo janjinNa Batara Kaminang Koasaya.

HABAKUK 3:17

Manna pole tena rapponna poko' araya na poko' anggoroka tena anggoro'na, manna pole tena wassele'na poko' zaitunga, nappakala'ba' pa'mai' wassele' gandunga ri kokoa, manna pole namate kabusu' gimbalaka natena bonena bara olo'-oloka,

PAMMILANGNGANG 13:23

Nampa battumo ke'nanga mange ri Ka'bung Lappara'na Eskol. Anjoreng ri tampaka ammolommi ke'nanga sitangke rappo anggoro' sannaka battala'na, sa'genna musti nibule' rua. Angngerang tommi ke'nanga piram batu are rappo delima siagang rappo ara.

YOHANES 6:13

Napasse're ngasemmi ke'nanga, na nia' sampulo anrua baku' rassi ngaseng tassesa battu ri anjo roti limambatua, nakanrea anjo tau jaia.

YOHANES 6:9

“Anrinni nia' ana'-ana' bura'ne angngerang limambatu roti siagang ruang kayu juku'. Mingka apa matu-matunna anne mae ri tau sikammaya jaina?”

PAOLE 32:13

BansaNa akkullei nakoasai moncong-monconga, ri butta a'batu-batua attimboi poko'-poko' zaitunga. Nakanrei ke'nanga wassele' koko-kokonna, nainung je'ne' bani taniparakaia ri alla' batu karanga.

PAOLE 32:14

Olo'-olo'na appabattui wassele' jai dageng siagang dadi'; gandunna siagang je'ne' anggoro'na kaminang baji'.

PAOLE 6:3

sikamma sari'battangku ngaseng; gaukangi anjo kammaya siagang pa'mai' tamamminranu, sollannu salewangang siagang a'jari bansa lompo ri pa'rasangang kalumanynyanga siagang copponga buttana, sangkamma Napa'janjianga Karaeng Allata'alana boe-boeta.

PAOLE 8:7

Karaeng Allata'alanu angngerangko mange ri pa'rasangang copponga buttana; pa'rasangang jaia binangana siagang timbuseng je'ne'na, niaka je'ne' a'lo'loro' rawanganna buttana, assolonga mae ri sikamma ka'bunga siagang buluka.

PAOLE 8:9

Tena nulanaalle cipuru' siagang tena nulakakurangang anjoreng. Batu karanna akkimbolongi bassi, siagang akkulleko angngeke tambaga battu ri bulu'-bulu'na.