PAOLE 8:18 - KITTA' MATANGKASA'

¹⁸ U'rangi angkanaya sikontu tojenna Karaeng Allata'alanu ansareko kakalumanynyangngang. Nagaukangi anjo kammaya lanri sa'genna anne alloa tuli tamamminrana mae ri parjanjiang Napareka siagang boe-boenu.

PAOLE 8:18 ပူးပေါင်းရင်းမြစ်များ

1 PATTOTTORANG 29:12

Sikontu kakalumanynyanganga siagang kasalewanganga iKatte ngaseng nakabattui; sikontu-kontuna iKatte ngaseng angkoasai lalang kagassinganTa siagang kakoasanTa; iKatte makoasa ampa'jari manna inai-nai a'jari tau lompo siagang magassing.

2 PATTOTTORANG 25:9

Akkuta'nammi Amazia angkana, “Mingka antekammami anjo sikontu pera' le'bakamo kupassareang mae ri ke'nanga?” Appialimi anjo na'bia angkana, “Akkullei Napoterang Batara mae ri katte la'bi jaiangngang pole naanjo.”

PAMMUJI 144:1

Battu ri Daud. Pujimi Batara pa'la'langangku! Ia angngajaraka' a'bundu', siagang allatia' assiba'ji.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

PANGNGEBARANG 10:22

Lanri barakka'Na bawang Batara na'jari kalumanynyang taua; anjama terasaka takkulleai natambai barang-baranga.

KATO'BA 12:1

U'rangi Ampa'jariako ri wattu rungkanu ija, ri tenanapa nabattu taung-taung jai sessa. Anjo wattua lanukanai, “Tena namate'ne tallasakku.”

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

YEREMIA 23:27

Nipikkiriki ke'nanga angkanaya lanri anjo so'na-so'na nacaritaya, nakkullemo takkaluppa ummakKu mae ri Nakke sangkamma batena boe-boena ke'nanga takkaluppa ri Nakke nampa anynyomba ri Rewata Baal.

HOSEA 2:8

Amma'nu tenamo naania' angkanaya iNakke assarei gandung, anggoro', minynya' zaitun, siagang sikontu bulaeng na pera' niaka napake untu' anynyomba ri anjo Rewata Baal.

PAOLE 26:10

Lanri kammana, o, Batara, kupassareangi anrinni bageang uru-uruna wassele' kattoang kugappaya, mae ri Katte.’ Kammaminjo caranu ampassareangi anjo bakuka mae ri Karaeng Allata'alanu. Le'baki anjo, anynyomba mako mae ri Ia siagang

PAOLE 6:11

Rassi ngasengi balla'na siagang barang-barang baji', nampa teai ikau ambonei anjo ballaka. Nia' lanugappa siapa jaina bungung, nampa teai ikau angkekei. Langgappako koko-koko anggoro' siagang koko zaitun, nampa teai ikau allamungi. Punna Naerangko Batara mange ri anjo pa'rasanganga, nampa nia' ngaseng kanre-kanreang nukaerokia untu' nukanre,

PAOLE 7:12

“Punna nuparhatikang anjo parenta-parentaya, siagang nugaukang tamattappu', tena todong namamminra pa'mai'Na Karaeng Allata'alanu mae ri parjanjiang Napareka siagang ikau ngaseng. LaNapappicinikangi pangngamaseang tamattappu'Na mae ri kau, sangkamma Napa'janjianga mae ri boe-boenu.

PAOLE 7:8

Mingka Napileko Batara lanri Nakamaseangko siagang eroki Narupai janji Napareka siagang boe-boenu. Iaminjo saba'na nale'ba' mako Napasalama' siagang kakoasang lompoNa siagang Nalappassangko battu ri nipare' atanu battu ri karaeng Mesir.

PAOLE 8:1

“Sikontu hukkung kupassareanga mae ri kau anne alloa musti nugaukangi tamattappu', sollannu tuli attallasa', nupila' jai siagang nupammantangngi butta Napa'janjianga Batara mae ri boe-boenu.

HAKING-HAKING 3:7

Dorakami umma' Israel mae ri Batara, Allata'alana ke'nanga. Takkaluppami ke'nanga mae ri Ia, sa'genna anynyombami ke'nanga mae ri berhala-berhala Baal siagang Asyera.

HAKING-HAKING 7:2

Nakanamo Batara ri Gideon, “Jai dudui taunnu. Tena Kuero' assarei pammetang mae ri tu Midianga. Nasaba' nakana sallang ke'nanga, ammetai lanri kagassingang kalenna ke'nanga, sa'genna teaimi Nakke napakalompo.

1 SAMUEL 2:7

Nia' tau Napa'jari kasi-asi dudu, nia' todong Napa'jari kalumanynyang. Nia' tau Napakatuna, nia' todong Napakatinggi.