PAOLE 8:17 - KITTA' MATANGKASA'

¹⁷ Jari tea sikaliko appikkiriki angkanaya lanri usaha kalennu siagang kagassingang kalennu nukkulle a'jari kalumanynyang.

PAOLE 8:17 ပူးပေါင်းရင်းမြစ်များ

AYUB 31:25

yareka kupattampoang kakalumanynyangangku.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

KATO'BA 3:6

Allata'ala ampattantui wattu anggappaya siagang wattu kapelakkanga, wattu ammoli' siagang wattu a'labo,

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

YEREMIA 9:22

Tassiara'mi mayaka ri kere-keremae sanrapang loro irate ri buttaya; rapang gandung le'baka nikatto nampa nibokoi nampa tenamo nanipasse'rei. Iaminjo pasanNa Batara mustia kukabarrang.”

YEHEZKIEL 28:5

Memang, ikau cara'dekko a'danggang siagang kamma-kamma anne kalumanynyang kalupepeang mako; nampa anjo kakalumanynyangngannu napa'jari tampo mako!’ ”

DANIEL 4:27

Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”

DANIEL 4:30

kukanamo, “Ciniki, tamaka heba'na kota Babel. Inakke ambangungi a'jari ibukota negara, untu' ampa'butti kakoasangku siagang kagassingangku, kala'birangku siagang kalompoangku!”

HOSEA 12:8

Nakana Batara ri bansa Israel, “Jekkong ngasengko sangkamma tu Kanaan; sikamma padanggannu nangai natipu sambalu'na ammake timbangang tenaya nannaba.

HABAKUK 1:16

Nampa anjo jalaya nasombai ke'nanga siagang nasarei koro'bang, nasaba' lanri iaminjo jalaya nanggappamo ke'nanga dalle' alla'bi-la'bi siagang a'jari kalumanynyang.

1 KORINTUS 4:7

Inaika ampa'jariko malompoangang na tau maraenga? Sai yangaseng-ngasenna sangnging apa-apa nutarimaji battu ri Allata'ala. Jari angngapa nanuero' ampattampo-tampoangi kalennu, sangkamma le'ba' angkana anjo apa-apa niaka ri kau teai apa-apa nutarima?

PAOLE 7:17

Gassing nupikkiriki angkanaya la'bi jaiangngangi anjo bansa-bansaya sa'genna tanukulleai ambongkai ke'nanga.

PAOLE 9:4

Punna le'baki Karaeng Allata'alanu ambongkai ke'nanga untu' ikau, teako sala pahangngi angkanaya Naerangko mange anjoreng untu' ampatangi anjo buttaya lanri baji'nu siagang nugaukanna ero'Na Karaeng Allata'alanu, sa'gennu siratang antarimai anjo buttaya. Tena sikali nakamma anjo! Nabongkai Batara anjo bansa-bansaya untu' ikau lanri ja'dala'na ke'nanga. Nalappassangko Batara angngallei buttana ke'nanga, lanri ero'Na anrupai janjinNa mae ri boe-boenu iamintu Abraham, Ishak siagang Yakub.

HAKING-HAKING 7:2

Nakanamo Batara ri Gideon, “Jai dudui taunnu. Tena Kuero' assarei pammetang mae ri tu Midianga. Nasaba' nakana sallang ke'nanga, ammetai lanri kagassingang kalenna ke'nanga, sa'genna teaimi Nakke napakalompo.

1 SAMUEL 2:7

Nia' tau Napa'jari kasi-asi dudu, nia' todong Napa'jari kalumanynyang. Nia' tau Napakatuna, nia' todong Napakatinggi.

1 SAMUEL 30:23

Mingka appialimi Daud angkana, “Sikamma sari'battangku, teako appakammai mae ri apa Napassareanga Batara mae ri katte! Sai le'ba' maki' Nakatutui siagang Nasare pammetang mae ri anjo garombolang paellaka?