PAOLE 7:9 - KITTA' MATANGKASA'

⁹ U'rangi angkanaya Karaeng Allata'alanu bawang Allata'ala, tena pantaranganna, siagang Iami Allata'ala tamamminraya nyawaNa. Narupai Batara janjinNa siagang Napappicinikangi pangngamaseanNa tenaya tappu'na sa'genna sisa'bu turungang mae ri tau mangngamaseanga ri Ia siagang mannurukia ri parenta-parentaNa.

PAOLE 7:9 ပူးပေါင်းရင်းမြစ်များ

PA'JARIANG 17:7

LaKurupai janjingKu mae ri kau siagang mae ri turungannu sa'genna a'lapi'-lapisi', siagang anjo parjanjianga lamannannungangi. INakke la'jari Allata'alanu siagang Allata'alana turungannu.

PA'JARIANG 28:15

U'rangi, angkanaya laKutulungko siagang laKujagaiko, manna kemae lampanu. Kammayatompa laKururungangko ammotere' mae anrinni ri anne pa'rasanganga. Tena nalaKubokoiko sa'genna le'ba' ngaseng Kugaukang apa le'baka Kupa'janjiang mae ri kau.”

PA'JARIANG 9:15

laKuu'rangi janjingKu mae ri kau siagang mae ri sikontu apa-apa attallasaka, iamintu angkanaya tenamo nalaniancuru' sikontu apa-apa attallasaka ri a'ba lompoa.

1 KARAENG-KARAENG 8:23

siagang appala' doang angkana, “O Batara, Allata'alana Israel! Ri langi' yareka ri buttaya, tena sangkammanTa! Kirupai janjinTa siagang Kipappicinikangi pangngamaseanTa mae ri ummatTa tamamminraya siagang mannurukia situlusu' atinna mae ri Katte.

1 PATTOTTORANG 16:15

Tuli mangngu'rangi ri janjinNa, janjinNa Narupai satunggu-tungguna.

2 PATTOTTORANG 6:14

“O Batara, Allata'alana Israel! Tena sangkammanTa ri langika yareka ri buttaya! Kirupai janjinTa siagang Kipappicinikangi pangngamaseanTa mae ri ummatTa majarreka siagang attojeng-tojenga pa'mai'na mannuruki mae ri Katte.

NEHEMIA 1:5

kukana, “O, Karaeng Allata'ala makoasaya ri suruga. IKattemi Allata'ala Malompoa, na mandallekammo ikambe ri Katte lalang malla'. TamamminrayaKi' ri janjinTa mae ri tau mangngaia ri Katte siagang mannurukia ri parentaTa.

NEHEMIA 9:32

O, Allata'ala, Allata'alana ikambe magassinga! Allata'ala malompoa siagang hebaka! MajarrekKi' anta'galaki sikontu parjanjianTa; Kirupai siagang Kigaukangi janji-janjinTa. Battu ri jammang sikamma karaeng Asyur anjallakkangi ikambe sa'genna kamma-kamma anne jaimi pa'risi' nakasia' ikambe. Sikamma karaenna ikambe, imang, na'bi siagang tutoa-toaya, kammayatompa boena ikambe siagang ra'yaka pa'risi' ngaseng. Teaki' kaluppai anjo pa'risika! Teaki' pelakki ri pangngu'ranginTa!

PAMMUJI 103:18

mae ri tau anna'galaka ri parjanjianNa, na tamamminraya anggaukangi parentaNa.

PAMMUJI 105:8

Tuli Nau'ranginna parjanjianNa, tappakei janjinNa satunggu-tungguna.

PAMMUJI 119:75

Kuassengi angkanaya adeleki kaputusanTa, o, Batara, le'ba'ma' Kihukkung lanri tamamminraTa,

PAMMUJI 146:6

Iami ampa'jari langika siagang linoa, tamparanga siagang sikontu bonena; Ia tamamminraya satunggu-tungguna.

PAMMUJI 36:6

O, Batara, pangngamaseanTa santinggi langika, tamamminraTa sa'genna rammanga.

KALAPPASSANG 20:6

Mingka Kupappicinikangi pangngamaseangKu mae ri assa'bu-sa'bua jari-jarina tau mangngaia mae ri Nakke siagang mannurukia mae ri parentaKu.

YESAYA 49:7

Nakana Allata'ala matangkasa', Mappasalama'na Israel, mae ri tu nihina dudua, siagang nikabirisia ri bansa-bansaya kammayatompa a'jari ataya ri sikamma tukoasaya, “Sikamma karaenga lanaciniki panggaukangKu; lambangungi ke'nanga ampakalompoA'. Sikamma tukoasaya lanacini' tongi, nampa su'ju' anynyomba.” Kajariangi anjo kammaya lanri le'ba'mi Napile Batara atanNa; Allata'ala matangkasa'na Israel majarreki ri janjinNa.

YEREMIA 32:18

Kipappicinikangi pangngamaseang satunggu-tungguTa mae ri assa'bu-sa'bua tau, mingka Kihukkung tongi taua lanri dosana tau toana. IKattemi Allata'ala mala'birika siagang porea; arenTa iamintu Batara Kaminang Koasaya.

PIRAUNG 3:23

tuli beruna tunggala' bari'basa' tojeng-tojeng, anjo Batara tena le'bakai amminra pa'mai'Na!

DANIEL 9:4

Sikontu dosana bansaku kuakui mae ri Karaeng Allata'alaku. Kukana, “O Karaeng Allata'ala, iKatte malompo, na ikambe mappakalompo ri Katte. Tuli Kirupai janjinTa siagang Kipa'nyatai pangngamaseang tamattapputTa mae ri ke'nanga mangngamaseanga ri Katte siagang anggaukangai apa Kiparentakanga.

PAMMILANGNGANG 14:18

‘INakke, Batara, tena Kulinta' larro. Kupappicinikangi pangngamaseangKu siagang tamamminraKu malla'bi-la'bia. Kupammopporangi tau dorakaya siagang tau angngewayA'. Mingka manna nakamma, kasalanna tau toaya laKubalasaki mae ri ana'-ana'na siagang cucu-cucunna, sa'genna jari-jari lapisi' makatalluna siagang makaappa'na.’

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

1 KORINTUS 1:9

Akkullei nipatappa' tojeng-tojeng Allata'ala. Iami Allata'ala le'baka angkiokko untu' a'jari se're siagang Ana'Na, iamintu Isa Almasi, Batarata.

1 KORINTUS 10:3

Para angnganremi ke'nanga kanre rohani sangkammaya,

1 KORINTUS 8:3

Mingka inai-nai attojeng-tojeng mangngamaseang mae ri Allata'ala, iami niasseng baji' ri Allata'ala.

2 KORINTUS 1:18

Lanri Allata'ala akkullea nipatappa', sitojeng-tojenna anjo janjingku mae ri kau teai passala' “Iyo” yareka “Tena”.

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

PAOLE 32:4

Batara Mappasalama'nu maporea, adeleki na sukku' baji' sikontu oloanNa. Allata'alanu tamamminra pa'mai'Na na matulusu' ri nyawa, manggaukangi ri bajika na ri siratanga.

PAOLE 4:35

Yangasenna anjo sikammaya Napappicinikangi Batara mae ri kau ngaseng untu' ampa'butti angkanaya Iaji bawang Batara Allata'ala, tena pantaranganna maraengang.

PAOLE 4:39

Lanri kammana anjo angngu'rangi mako anne alloa siagang teako takkaluppai: Bataraji bawang Allata'ala ri langika siagang ri linoa, tena ruanna siagang tena maraenganna.

PAOLE 5:10

Mingka Kupappicinikangi pangngamaseangKu mae ri assa'bu-sa'bua jari-jari ri tau mangngamaseanga ri Nakke siagang mannurukia ri parentaKu.

1 TESALONIKA 5:24

Allata'ala, Ia le'baka angkio' ngasengko, langgaukangi anjo sikammaya mae ri kau, lanri tena lanreNa mae ri kau ngaseng.

2 TESALONIKA 3:3

Mingka tamamminrayai Batara. LaNapakajarrekko siagang laNajagaiko battu ri kaja'dallanga.

2 TIMOTIUS 2:13

Punna tamajarrekaki' Ia tuli majarreki, nasaba' takkulleai assisala siagang KalenNa.”

TITUS 1:2

situru' panrannuanga mae ri katallassang sitojennaya siagang mannannunganga. Le'ba'mi Napa'janjiang Allata'ala anjo katallassanga ri wattu tenanapa nanipa'jari anne linoa; natena olona la'balle-balle Allata'ala.

IBRANI 10:23

Paralluko anna'gala' jarre' mae ri panrannuang le'baka nimangakui, nasaba' tappakki' angkanaya laNarupai janjinNa Allata'ala.

IBRANI 11:11

Lanri tappa'na Abraham, nakkullemo angappa ana' battu ri Sara, manna pole natoa dudumo Abraham, siagang natamanang pole Sara. Tappaki Abraham angkanaya ma'nassa laNarupai janjinNa Allata'ala.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

1 YOHANES 1:9

Mingka punna nimangakui dosa-dosata mae ri Allata'ala, laNarupaimi janjinNa siagang laNagaukammi apa-apa adeleka mae ri katte. LaNapammopporangi dosa-dosata siagang laNatangkasiki' battu ri sikontu kaja'dallanga.

HAKING-HAKING 2:1

A'lampami Malaeka'Na Batara battu ri Gilgal mange ri Bokhim. Na nakana mae ri tu Israelka, “Le'ba' mako Kupasulu' battu ri butta Mesir, nampa Kuerangko mange ri pa'rasangang le'baka Kupa'janjiang mae boe-boenu. Le'ba' tommako Kupauang angkana, ‘Tena nalaKutappu' anjo passikko' janjingKu mae ri kau.

HAKING-HAKING 5:31

Poro mate ngasengi musu-musunTa, o Batara, kamma matena Sisera, mingka sikontu sahabatTa poro a'jari pore ngasengi sanrapang alloa ri langika! Le'baki anjo amammi anjo pa'rasanganga patampulo taung sallona.